ਸੋਸ਼ਲ ਮੀਡੀਆ ‘ਤੇ ਵਾਇਰਲ ਵੀਡੀਉ ਨੂੰ ਵੱਡੀ ਗਿਣਤੀ ਲੋਕ ਕਰ ਰਹੇ ਨੇ ਪਸੰਦ
ਚੰਡੀਗੜ੍ਹ : 'ਜਾ ਕੋ ਰਾਖੇ ਸਾਈਆਂ ਮਾਰ ਸਕੇ ਨਾ ਕੋਇ’ ਵਾਲੀ ਕਹਾਵਤ ਨੂੰ ਸੱਚ ਸਾਬਤ ਕਰਦੀ ਵੀਡੀਉ ਇੰਨੀ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਉ ਵਿਚ ਇਕ ਔਰਤ ਆਪਣੇ ਛੋਟੇ ਬੱਚੇ ਨਾਲ ਰੇਲਵੇ ਸਟੇਸ਼ਨ ‘ਤੇ ਵਿਚਰ ਰਹੀ ਵਿਖਾਈ ਦਿੰਦੀ ਹੈ। ਇਸ ਦੌਰਾਨ ਉਸ ਨਾਲ ਚੱਲ ਰਿਹਾ ਬੱਚਾ ਅਚਾਨਕ ਫਰਸ਼ ਤੋਂ ਕਾਫੀ ਨੀਵੀਂ ਰੇਲਵੇ ਲਾਈਨ ‘ਤੇ ਡਿੱਗ ਜਾਂਦਾ ਹੈ। ਇਸ ਮੰਜ਼ਰ ਵੇਖ ਮਾਂ ਨੂੰ ਸੁਧ-ਬੁਧ ਖੋਹ ਦੇਂਦੀ ਹੈ ਅਤੇ ਬੱਚੇ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਨ ਤੋਂ ਵੀ ਅਸਮਰੱਥ ਹੋ ਜਾਂਦੀ ਹੈ।
switchman saved life
ਬੱਚੇ ਅਤੇ ਰੇਲ ਵਿਚਾਲੇ ਕੁੱਝ ਸਕਿੰਟਾਂ ਦੇ ਫਾਸਲਾ ਬਾਕੀ ਰਹਿੰਦਿਆਂ ਹੀ ਟਰੈਕ ‘ਤੇ ਵਿਚਰ ਰਹੇ ਪੁਆਇੰਟਮੈਨ ਦੀ ਨਜ਼ਰ ਬੱਚੇ ‘ਤੇ ਪੈਂਦੀ ਹੈ ਅਤੇ ਉਹ ਫੁਰਤੀ ਨਾਲ ਬੱਚੇ ਨੂੰ ਪਟੜੀ ਤੋਂ ਸੁਰੱਖਿਅਤ ਪਾਸੇ ਕਰਨ ਵਿਚ ਕਾਮਯਾਬ ਹੋ ਜਾਂਦਾ ਹੈ। ਇਸ ਦੌਰਾਨ ਹੋਰ ਵੀ ਕਈ ਲੌਕ ਬਚਾਅ ਲਈ ਭੱਜਦੇ ਵਿਖਾਈ ਦਿੰਦੇ ਹਨ।
switchman saved life
ਇਹ ਵੀਡੀਓ ਮਹਾਰਾਸ਼ਟਰ ਦੇ ਮੁੰਬਈ ਡਿਵੀਜ਼ਨ ਦੀ ਹੈ ਜਿੱਥੇ ਵਾਂਗਨੀ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ ਦੋ ‘ਤੇ ਇਕ ਬੱਚਾ ਇਕ ਔਰਤ ਨਾਲ ਖੜ੍ਹਾ ਸੀ। ਇਸੇ ਦੌਰਾਨ ਬੱਚਾ ਸੰਤੁਲਨ ਵਿਗੜਣ ਕਾਰਨ ਅਚਾਨਕ ਪਲੇਟਫਾਰਮ ਤੋਂ ਪਟੜੀ ’ਤੇ ਡਿੱਗ ਗਿਆ। ਪਟੜੀ ਪਲੇਟਫਾਰਮ ਤੋਂ ਕਾਫੀ ਨੀਵੀਂ ਸੀ ਜਿੱਥੋਂ ਬੱਚੇ ਦਾ ਖੁਦ ਨਿਕਲਣਾ ਮੁਸ਼ਕਲਾ ਸੀ।
#WATCH | Maharashtra: A pointsman in Mumbai Division, Mayur Shelkhe saves life of a child who lost his balance while walking at platform 2 of Vangani railway station & fell on railway tracks, while a train was moving in his direction. (17.04.2021)
— ANI (@ANI) April 19, 2021
(Video source: Central Railway) pic.twitter.com/6bVhTqZzJ4
ਇਸ ਦੌਰਾਨ ਦੂਜੇ ਪਾਸਿਓਂ ਤੇਜ਼ ਰਫਤਾਰ ਰੇਲ ਆ ਗਈ ਜਿਸ ਨੂੰ ਵੇਖ ਕੇ ਔਰਤ ਘਬਰਾ ਗਈ। ਇਸੇ ਸਮੇਂ ਇਕ ਪੁਆਇੰਟਮੈਨ ਦੌੜਦਾ ਹੋਇਆ ਆਇਆ ਅਤੇ ਬੱਚੇ ਨੂੰ ਸੁਰੱਖਿਅਤ ਪਲੇਟਫਾਰਮ ‘ਤੇ ਲੈ ਆਇਆ।
switchman saved life
ਮਯੂਰ ਸ਼ੇਲਖੇ ਨਾਮ ਦੇ ਇਸ ਪੁਆਇੰਟਮੈਨ ਦੀ ਆਮਦ ਬੱਚੇ ਲਈ ਕਿਸੇ ਫਰਿਸ਼ਤੇ ਤੋਂ ਘੱਟ ਨਹੀਂ ਸੀ। ਲੋਕ ਇਸ ਵੀਡੀਓ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। ਗੈਂਗਮੈਨ ਮੁਤਾਬਕ ਔਰਤ ਅੰਨ੍ਹੀ ਸੀ, ਇਸ ਲਈ ਉਹ ਬੱਚੇ ਨੂੰ ਬਚਾਉਣ ’ਚ ਅਸਮਰੱਥ ਸੀ।
