ਚੋਣ ਡਿਊਟੀ ਅਧਿਕਾਰੀ ਨੇ ਪੈਰ ਦੇ ਅੰਗੂਠੇ 'ਤੇ ਲਾਈ ਸਿਹਾਈ
ਤੇਲੰਗਾਨਾ- ਦੇਸ਼ ਦੇ ਲੋਕਤੰਤਰ ਵਿਚ ਹਿੱਸਾ ਪਾਉਣ ਲਈ ਲੋਕਾਂ ਨੇ ਆਪਣੀ ਵੋਟ ਦਾ ਇਸਤੇਮਾਲ ਵੱਧ ਚੜ ਕੇ ਕੀਤਾ ਤੇ ਚੋਣ ਕਮਿਸ਼ਨ ਵੱਲੋਂ ਵੀ ਵੋਟਰਾਂ ਦੀ ਸਹੂਲਤ ਦਾ ਖਾਸ ਧਿਆਨ ਰੱਖਿਆ ਗਿਆ। ਇਸ ਸਭ ਦੇ ਚਲਦੇ ਸੋਸ਼ਲ ਮੀਡੀਆ 'ਤੇ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ ਜੋ ਦੇਸ਼ ਦੇ ਵੋਟਰਾਂ ਦਾ ਲੋਕਤੰਤਰ ਪ੍ਰਤੀ ਵਿਸ਼ਵਾਸ ਦਿਖਾਉਂਦੀਆਂ ਹਨ। ਅਜਿਹੀਆਂ ਤਸਵੀਰਾਂ ਤੇਲੰਗਾਨਾ ਤੋਂ ਸਾਹਮਣੇ ਆਈਆਂ ਹਨ ਜਿਨ੍ਹਾਂ ਵਿਚ ਇਕ ਅਪਾਹਿਜ ਨੌਜਵਾਨ ਵੋਟਰ ਆਪਣੀ ਵੋਟ ਭੁਗਤਾ ਰਿਹਾ ਹੈ ਤੇ ਲੋਕਾਂ ਵਲੋਂ ਸੋਸ਼ਲ ਮੀਡੀਆ 'ਤੇ ਇਸਦੀ ਤਸਵੀਰ ਨੂੰ ਸਰਹਾਇਆ ਜਾ ਰਿਹਾ ਹੈ।
Marked on his toenailਇਸ ਨੌਜਵਾਨ ਦਾ ਨਾਮ ਜ਼ਾਕਿਰ ਪਾਸ਼ਾ ਹੈ ਤੇ ਦੋਨੋ ਹੱਥ ਨਾ ਹੋਣ ਦੀ ਸਥਿਤੀ ਵਿਚ ਇਸਨੇ ਆਪਣੇ ਪੈਰ ਨਾਲ ਵੋਟ ਪਾਈ ਹੈ। ਜ਼ਾਕਿਰ ਦੀਆਂ ਪੈਰ ਨਾਲ ਵੋਟ ਪਾਉਣ ਦੀਆਂ ਤਸਵੀਰਾਂ ਕਾਫੀ ਵਾਇਰਲ ਹੋ ਰਹੀਆਂ ਹਨ ਤੇ ਚੋਣ ਡਿਊਟੀ ਅਧਿਕਾਰੀ ਵੱਲੋਂ ਸਿਹਾਈ ਦਾ ਨਿਸ਼ਾਨ ਵੀ ਜ਼ਾਕਿਰ ਦੇ ਖੱਬੇ ਪੈਰ ਦੇ ਅੰਗੂਠੇ 'ਤੇ ਲਗਾਇਆ ਗਿਆ ਹੈ। ਜ਼ਾਕਿਰ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਬਹੁਤ ਸ਼ਲਾਘਾ ਖੱਟ ਰਹੀਆਂ ਹਨ ਤੇ ਦੇਸ਼ ਦੇ ਲੋਕਤੰਤਰ ਪ੍ਰਤੀ ਲੋਕਾਂ ਨੂੰ ਉਤਸ਼ਾਹਿਤ ਕਰ ਰਹੀਆਂ ਹਨ।
