ਬੈਠਕ ਵਿਚ ਵਿਭਾਗਾਂ ਦੇ ਸਾਰੇ ਕੈਬਿਨੇਟ ਮੰਤਰੀ, ਰਾਜ ਮੰਤਰੀ ਅਤੇ ਸਕੱਤਰ ਰਹਿਣਗੇ ਮੌਜ਼ੂਦ
ਨਵੀਂ ਦਿਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਆਪਣੇ ਮੰਤਰੀਆਂ ਦੇ ਕੰਮ ਕਾਜ ਦਾ ਰਿਪੋਰਟ ਕਾਰਡ ਵੇਖਣਗੇ। ਜਿਨ੍ਹਾਂ ਮੰਤਰੀਆ ਦਾ ਆਪਣੇ ਕੰਮਕਾਜ ਵਿਚ ਪ੍ਰਦਰਸ਼ਨ ਖਰਾਬ ਹੋਵੇਗਾ ਉਨ੍ਹਾਂ ਨੂੰ ਮੰਤਰੀ ਮੰਡਲ ਤੋਂ ਹਟਾਇਆ ਵੀ ਜਾ ਸਕਦਾ ਹੈ। ਜੇਕਰ ਮੰਤਰੀਆਂ ਨੇ ਆਪਣੇ ਕੰਮ ਵਿਚ ਚੰਗਾ ਪ੍ਰਦਰਸ਼ਨ ਕੀਤਾ ਹੈ ਤਾਂ ਉਨ੍ਹਾਂ ਨੂੰ ਕੰਮ ਦੇ ਅਧਾਰ 'ਤੇ ਰੈਕਿੰਗ ਵੀ ਦਿੱਤੀ ਜਾਵੇਗੀ। ਮੰਤਰੀਆਂ ਵੱਲੋਂ ਇਸ ਨੂੰ ਲੈ ਕੇ ਪਹਿਲਾਂ ਹੀ ਤਿਆਰੀ ਸ਼ੁਰੂ ਕਰ ਦਿੱਤੀ ਗਈ ਹੈ।
Photo
ਮੰਤਰੀਆਂ ਦੇ ਕੰਮ ਕਾਜ ਦੀ ਸਮੀਖਿਆ ਲਈ ਸਾਰੇ ਮੰਤਰਾਲਿਆਂ ਨੂੰ ਦੱਸ ਸਮੂਹਾਂ ਵਿਚ ਵੰਡਿਆ ਗਿਆ ਹੈ। ਹਰ ਸਮੂਹ ਵਿਚ ਅੱਠ ਤੋਂ ਦਸ ਮੰਤਰਾਲੇ ਹੋਣਗੇ। ਇਨ੍ਹਾਂ ਵਿਚੋਂ ਪੰਜ ਸਮੂਹਾ ਦੇ ਕੰਮ ਕਾਜ ਦੀ ਸੀਖਿਆ ਅੱਜ ਸ਼ਨਿੱਚਰਵਾਰ ਨੂੰ ਹੋਵੇਗੀ।ਬਾਕੀ ਪੰਜ ਸਮੂਹਾਂ ਦੀ ਸਮੀਖਿਆ ਦੋ ਹਫ਼ਤੇ ਬਾਅਦ ਹੋਵੇਗੀ। ਇਸ ਵਿਚੋਂ ਮੰਤਰੀਆਂ ਨੂੰ ਅਗਲੇ ਸਾਢੇ ਚਾਰ ਸਾਲ ਦੇ ਲਈ ਟੀਚੇ ਵੀ ਤੈਅ ਕਰਨੇ ਹੋਣਗੇ।
Photo
ਸਮੀਖਿਆ ਬੈਠਕ ਵਿਚ ਡਰ ਮੰਤਰੀਆਂ ਵਿਚ ਨੂੰ ਹੀ ਨਹੀਂ ਬਲਿਕ ਵਿਭਾਗਾ ਦੇ ਸਕੱਤਰਾਂ ਨੂੰ ਵੀ ਘੇਰ ਰਿਹਾ ਹੈ। ਪਿਛਲੇ ਇਕ ਹਫ਼ਤੇ ਤੋਂ ਸਾਰੇ ਵਿਭਾਗਾਂ ਵਿਚ ਆਪਣੇ ਕੰਮ ਕਾਜ ਦੀ ਰਿਪੋਰਟ ਤਿਆਰ ਕੀਤੀ ਜਾ ਰਹੀ ਸੀ। ਨਾਲ ਹੀ ਭਵਿੱਖ ਦੀ ਰੂਪ ਰੇਖਾ 'ਤੇ ਵੀ ਵਿਚਾਰ ਵਟਾਂਦਰਾ ਚੱਲ ਰਿਹਾ ਸੀ।
Photo
ਅੱਜ ਸ਼ਨਿੱਚਰਵਾਰ ਸਵੇਰੇ 10 ਵਜ਼ੇ ਸਮੀਖਿਆ ਬੈਠਕ ਸ਼ੁਰੂ ਹੋਵਗੀ ਜੋ ਸ਼ਾਮ ਛੇ ਵਜੇ ਤੱਕ ਚੱਲ ਸਕਦੀ ਹੈ। ਬੈਠਕ ਵਿਚ ਵਿਭਾਗਾਂ ਦੇ ਸਾਰੇ ਕੈਬਿਨੇਟ ਮੰਤਰੀ, ਰਾਜ ਮੰਤਰੀ ਅਤੇ ਸਕੱਤਰ ਮੌਜ਼ੂਦ ਰਹਿਣਗੇ।
