ਕੁੜੀ ਹੋਣ ਤੋਂ ਪ੍ਰੇਸ਼ਾਨ ਮਾਂ ਨੇ ਕੀਤਾ ਭਿਆਨਕ ਕਾਰਾ
ਨਵੀਂ ਦਿੱਲੀ : ਕੋਈ ਮਾਂ ਵੀ ਬੇਰਹਿਮ ਹੋ ਸਕਦੀ ਹੈ!, ਇਸ ਦੀ ਉਦਾਹਰਣ ਰਾਜਧਾਨੀ ਦੇ ਚਿਰਾਗ ਦਿੱਲੀ ਇਲਾਕੇ 'ਚ ਦੇਖਣ ਨੂੰ ਮਿਲੀ ਜਿੱਥੇ 2 ਮਹੀਨੇ ਦੀ ਅਨੰਨਿਆ ਨੂੰ ਉਸ ਦੀ ਹੀ ਮਾਂ ਨੇ ਗਲਾ ਘੁੱਟ ਕੇ ਮਾਰ ਦਿਤਾ। ਅਨੰਨਿਆ ਦਾ ਕਸੂਰ ਸਿਰਫ਼ ਇਹ ਸੀ ਕਿ ਉਹ ਕੁੜੀ ਸੀ। ਦੋਸ਼ੀ ਮਹਿਲਾ ਡਿੰਪਲ ਕੌਸ਼ਿਕ ਇਸ ਤੋਂ ਪਰੇਸ਼ਾਨ ਸੀ। ਇਸ ਲਈ ਉਸ ਨੇ ਆਪਣੀ ਧੀ ਨੂੰ ਮਾਰਨ ਦਾ ਫ਼ੈਸਲਾ ਕੀਤਾ ਅਤੇ ਉਸਦੀ ਲਾਸ਼ ਨੂੰ ਮਾਈਕ੍ਰੋਵੇਵ ਵਿੱਚ ਲੁਕੋ ਦਿੱਤਾ। ਗੁਆਂਢੀਆਂ ਅਤੇ ਸੱਸ ਦੀ ਸ਼ਿਕਾਇਤ 'ਤੇ ਪੁਲਿਸ ਨੇ ਜਾਂਚ ਕੀਤੀ ਤਾਂ ਅਨੰਨਿਆ ਦੀ ਲਾਸ਼ ਮਿਲੀ।
Two-month-old baby killed, body found in oven
ਡਿਪਟੀ ਕਮਿਸ਼ਨਰ ਬੇਨੀਤਾ ਮੇਰੀ ਜੈਕਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸੋਮਵਾਰ ਦੁਪਹਿਰ ਕਰੀਬ 3.15 ਵਜੇ ਮਾਮਲੇ ਦੀ ਜਾਣਕਾਰੀ ਮਿਲੀ। ਇਸ ਮਗਰੋਂ ਪੁਲਿਸ ਨੇ ਅਣਪਛਾਤੇ ਮੁਲਜ਼ਮਾਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਸ਼ੁਰੂਆਤ 'ਚ ਪੁਲਿਸ ਨੂੰ ਮਾਂ ਡਿੰਪਲ 'ਤੇ ਕਤਲ ਦਾ ਸ਼ੱਕ ਸੀ। ਸਖ਼ਤੀ ਨਾਲ ਪੁੱਛਗਿੱਛ ਤੋਂ ਬਾਅਦ ਔਰਤ ਨੇ ਆਪਣਾ ਗੁਨਾਹ ਕਬੂਲ ਕਰ ਲਿਆ।
ਦਰਅਸਲ ਡਿੰਪਲ ਲੜਕੀ ਪੈਦਾ ਹੋਣ ਤੋਂ ਪਰੇਸ਼ਾਨ ਸੀ। ਇਸ ਗੱਲ ਨੂੰ ਲੈ ਕੇ ਉਸ ਦਾ ਆਪਣੇ ਪਤੀ ਨਾਲ ਕਈ ਵਾਰ ਝਗੜਾ ਹੋ ਚੁੱਕਾ ਸੀ। ਅਨੰਨਿਆ ਤੋਂ ਇਲਾਵਾ ਇਸ ਜੋੜੇ ਦਾ 4 ਸਾਲ ਦਾ ਬੇਟਾ ਵੀ ਹੈ। ਲੜਕੀ ਦੀ ਮੌਤ ਤੋਂ ਬਾਅਦ ਔਰਤ ਨੇ ਖੁਦ ਨੂੰ ਕਮਰੇ 'ਚ ਬੰਦ ਕਰ ਲਿਆ ਸੀ। ਇਹ ਘਟਨਾ ਪਿਤਾ ਦੀ ਗ਼ੈਰ-ਮੌਜੂਦਗੀ 'ਚ ਵਾਪਰੀ।
Two-month-old baby killed, body found in oven
ਜਾਣਕਾਰੀ ਅਨੁਸਾਰ ਸੋਮਵਾਰ ਨੂੰ ਲੜਕੀ ਦੇ ਪਿਤਾ ਆਪਣੇ ਡਿਪਾਰਟਮੈਂਟਲ ਸਟੋਰ 'ਤੇ ਸਨ। ਡਿੰਪਲ ਅਤੇ ਲੜਕੀ ਤੋਂ ਇਲਾਵਾ ਘਰ ਵਿੱਚ ਹੋਰ ਕੋਈ ਨਹੀਂ ਸੀ। ਉਸੇ ਸਮੇਂ ਮੌਕਾ ਪਾ ਕੇ ਡਿੰਪਲ ਨੇ ਲੜਕੀ ਦਾ ਗਲਾ ਘੁੱਟ ਲਿਆ। ਇਸ ਤੋਂ ਬਾਅਦ ਉਸ ਨੇ ਬੱਚੀ ਦੀ ਲਾਸ਼ ਨੂੰ ਮਾਈਕ੍ਰੋਵੇਵ 'ਚ ਲੁਕੋ ਦਿਤਾ ਅਤੇ ਦੂਜੇ ਕਮਰੇ 'ਚ ਜਾ ਕੇ ਆਪਣੇ ਬੇਟੇ ਦੀ ਕੁੱਟਮਾਰ ਸ਼ੁਰੂ ਕਰ ਦਿੱਤੀ।
Two-month-old baby killed, body found in oven
ਗੁਆਂਢੀਆਂ ਦੀ ਸ਼ਿਕਾਇਤ 'ਤੇ ਜਦੋਂ ਪੁਲਿਸ ਉਥੇ ਪਹੁੰਚੀ ਤਾਂ ਡਿੰਪਲ ਨੇ ਕਮਰੇ ਦਾ ਦਰਵਾਜ਼ਾ ਨਹੀਂ ਖੋਲ੍ਹਿਆ। ਜਦੋਂ ਪੁਲਿਸ ਖਿੜਕੀ ਰਾਹੀਂ ਅੰਦਰ ਪਹੁੰਚੀ ਤਾਂ ਮਾਂ-ਪੁੱਤ ਦੋਵੇਂ ਬੇਹੋਸ਼ ਪਾਏ ਗਏ। ਅਨੰਨਿਆ ਉੱਥੇ ਨਹੀਂ ਸੀ। ਇਸ ਤੋਂ ਬਾਅਦ ਗੁਆਂਢੀਆਂ ਅਤੇ ਲੜਕੀ ਦੀ ਦਾਦੀ ਨੇ ਮਿਲ ਕੇ ਪੂਰੇ ਘਰ ਵਿਚ ਉਸ ਦੀ ਭਾਲ ਕੀਤੀ। ਅਨੰਨਿਆ ਦੀ ਲਾਸ਼ ਦੂਜੀ ਮੰਜ਼ਿਲ 'ਤੇ ਰੱਖੇ ਇੱਕ ਓਵਨ ਦੇ ਅੰਦਰ ਮਿਲੀ। ਫਿਲਹਾਲ ਪੁਲਿਸ ਨੇ ਮ੍ਰਿਤਕ ਅਨੰਨਿਆ ਦੀ ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
