1394 ਕਰੋੜ ਦਾ ਇਕ ਹੋਰ ਬੈਂਕ ਕਰਜ਼ਾ

 1394 ਕਰੋੜ ਦਾ ਇਕ ਹੋਰ ਬੈਂਕ ਕਰਜ਼ਾ ਧੋਖਾਧੜੀ ਮਾਮਲਾ ਸਾਹਮਣੇ ਆਇਆ ਹੈ। ਸੀਬੀਆਈ ਨੇ ਹੈਦਾਰਬਾਦ ਦੀ ਨਿਰਮਾਣ ਕੰਪਨੀ ਟੋਟਮ ਇਨਫ਼ਰਾਸਟਰਕਚਰ ਵਿਰੁਧ ਉਕਤ ਰਕਮ ਦਾ ਕਰਜ਼ਾ ਨਾ ਮੋੜਨ ਦੇ ਦੋਸ਼ ਹੇਠ ਪਰਚਾ ਦਰਜ ਕਰ ਲਿਆ ਹੈ। ਪਰਚੇ ਵਿਚ ਕੰਪਨੀ ਦੇ ਮਾਲਕ ਟੋਟਮਪੁਦੀ ਸਲਾਨਿਥ ਅਤੇ ਟੋਟਮਪੁਦੀ ਕਵਿਤਾ ਨੂੰ ਨਾਮਜ਼ਦ ਕੀਤਾ ਗਿਆ ਹੈ। ਧੋਖਾਧੜੀ ਦੀ ਸ਼ਿਕਾਇਤ ਕਰਜ਼ਾ ਦੇਣ ਵਾਲੇ ਅੱਠ ਬੈਂਕਾਂ ਵਿਚੋਂ ਯੂਨੀਅਨ ਬੈਂਕ ਆਫ਼ ਇੰਡੀਆ ਨੇ ਦਿਤੀ ਹੈ। ਇਸੇ ਦੌਰਾਨ ਚੇਨਈ ਦੀ ਗਹਿਣਿਆਂ ਦੀ ਕੰਪਨੀ ਕਨਿਸ਼ਕ ਗੋਲਡ ਪ੍ਰਾਈਵੇਟ ਲਿਮਟਿਡ (ਕੇਜੀਪੀਐੱਲ) ਨੇ ਵੀ ਵੱਡਾ ਬੈਂਕਿੰਗ ਘੁਟਾਲਾ ਕੀਤਾ ਹੈ। ਪਤਾ ਲੱਗਾ ਹੈ ਕਿ ਇਸ ਕੰਪਨੀ ਨੇ 824.15 ਕਰੋੜ ਰੁਪਏ ਦਾ ਘਪਲਾ ਕੀਤਾ ਹੈ ਅਤੇ ਕੰਪਨੀ ਦਾ ਮਾਲਕ ਵਿਦੇਸ਼ ਦੌੜ ਗਿਆ ਹੈ। ਕੰਪਨੀ ਨੇ ਸਰਕਾਰੀ ਅਤੇ ਗ਼ੈਰ ਸਰਕਾਰੀ 14 ਬੈਂਕਾਂ ਕੋਲੋਂ ਕਰਜ਼ਾ ਲਿਆ। ਇਸ ਲਈ ਫ਼ਰਜ਼ੀ ਦਸਤਾਵੇਜ਼ ਜਮ੍ਹਾਂ ਕਰਾਏ ਗਏ। 

Union Bank

ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) ਦੇ ਇਸ ਘੁਟਾਲੇ ਦੀ ਸੀਬੀਆਈ ਤੋਂ ਜਾਂਚ ਦੀ ਮੰਗ ਤੋਂ ਬਾਅਦ ਸੀਬੀਆਈ ਨੇ ਐਫ਼ਆਈਆਰ ਦਰਜ ਕਰ ਲਈ ਹੈ। ਹੀਰਾ ਵਪਾਰੀ ਨੀਰਵ ਮੋਦੀ ਅਤੇ ਮੇਹੁਲ ਚੌਕਸੀ ਵਾਂਗ ਹੀ ਕੇਜੀਪੀਐਲ ਦੇ ਮਾਲਕ ਭੁਪੇਸ਼ ਕੁਮਾਰ ਜੈਨ ਅਤੇ ਉਸ ਦੀ ਪਤਨੀ ਨੀਤਾ ਜੈਨ ਵਿਦੇਸ਼ ਭੱਜ ਚੁੱਕੇ ਹਨ। ਕਰਜ਼ਾ ਦੇਣ ਵਾਲੇ ਬੈਂਕਾਂ ਨੇ ਕਿਹਾ ਕਿ ਜੈਨ ਜੋੜੇ ਨਾਲ ਸੰਪਰਕ ਨਹੀਂ ਹੋ ਰਿਹਾ। ਮੰਨਿਆ ਜਾ ਰਿਹਾ ਹੈ ਕਿ ਉਹ ਅਜੇ ਮਾਰੀਸ਼ਸ਼ ਵਿਚ ਹਨ। 14 ਬੈਂਕਾਂ ਦੇ ਸੰਘ ਵਲੋਂ ਐਸਬੀਆਈ ਦੀ ਸ਼ਿਕਾਇਤ 'ਤੇ ਸੀਬੀਆਈ ਨੇ ਮਾਮਲੇ ਵਿਚ ਐਫ਼ਆਈਆਰ ਦਰਜ ਕਰ ਲਈ ਹੈ। ਜਾਂਚ ਏਜੰਸੀ ਨੇ ਕਨਿਸ਼ਕ ਗੋਲਡ ਪ੍ਰਾਈਵੇਟ ਲਿਮਟਿਡ ਦੇ ਪ੍ਰਮੋਟਰ ਨਿਦੇਸ਼ਕ ਭੁਪੇਸ਼ ਕੁਮਾਰ ਜੈਨ ਅਤੇ ਹੋਰਾਂ ਵਿਰੁਧ ਮਾਮਲਾ ਦਰਜ ਕਰ ਲਿਆ ਹੈ।  (ਏਜੰਸੀ)ਐਸਬੀਆਈ ਨੇ ਆਪਣੀ ਸ਼ਿਕਾਇਤ ਵਿਚ ਕਿਹਾ ਕਿ ਸੋਨੇ ਦੇ ਗਹਿਣੇ ਬਣਾਉਣ ਵਾਲੀ ਕਨਿਸ਼ਕ ਗੋਲਡ ਦੇ ਬ੍ਰਾਂਡ ਦਾ ਨਾਮ 'ਕ੍ਰਿਜ' ਹੈ ਪਰ ਸਾਲ 2015 ਵਿਚ ਉਸ ਨੇ ਕਾਰੋਬਾਰੀ ਮਾਡਲ ਬੀ2ਬੀ (ਬਿਜ਼ਨੈਸ ਟੂ ਬਿਜ਼ਨੈਸ) ਅਪਣਾਅ ਲਿਆ ਅਤੇ ਵੱਡੇ ਪੱਧਰ 'ਤੇ ਰਿਟੇਲ ਜਿਊਲਰ ਬਣ ਗਿਆ। (ਏਜੰਸੀ)