ਉੱਤਰ ਪ੍ਰਦੇਸ਼ ਵਿਚ ਭਾਜਪਾ ਦੇ ਕਰੀਬ 25 ਵਿਧਾਇਕਾਂ ਤੋਂ ਵਾਟਸਐਪ ਦੇ ਜ਼ਰੀਏ 10-10 ਲੱਖ ਰੁਪਏ ਦੀ ਫਿਰੌਤੀ ਮੰਗੀ ਗਈ........
ਲਖਨਊ, 23 ਮਈ (ਏਜੰਸੀ) : ਉੱਤਰ ਪ੍ਰਦੇਸ਼ ਵਿਚ ਭਾਜਪਾ ਦੇ ਕਰੀਬ 25 ਵਿਧਾਇਕਾਂ ਤੋਂ ਵਾਟਸਐਪ ਦੇ ਜ਼ਰੀਏ 10-10 ਲੱਖ ਰੁਪਏ ਦੀ ਫਿਰੌਤੀ ਮੰਗੀ ਗਈ ਹੈ| ਪੈਸੇ ਨਾ ਦੇਣ ਉੱਤੇ ਵਿਧਾਇਕਾਂ ਦੇ ਪਰਿਵਾਰਾਂ ਦੀ ਹੱਤਿਆ ਦੀ ਧਮਕੀ ਦਿੱਤੀ ਗਈ ਹੈ| ਲਖਨਊ, ਸੀਤਾਪੁਰ, ਬੁਲੰਦ ਸ਼ਹਿਰ ਅਤੇ ਸ਼ਾਹਜਹਾਂਪੁਰ ਸਮੇਤ ਵੱਖਰੇ ਜਿਲ੍ਹਿਆਂ ਤੋਂ ਭਾਜਪਾ ਵਿਧਾਇਕਾਂ ਨੂੰ ਅਜਿਹੇ ਧਮਕੀ ਭਰੇ ਮੈਸੇਜ ਮਿਲੇ ਹਨ| ਪੁਲਿਸ ਨੇ ਐਫਆਈਆਰ ਦਰਜ ਕਰ ਕੇ ਵਿਧਾਇਕਾਂ ਦੀ ਸੁਰੱਖਿਆ ਵਧਾ ਦਿੱਤੀ ਹੈ|
Lucknowਮੈਸੇਜ +1(903) 3294240 ਨੰਬਰ ਤੋਂ ਭੇਜਿਆ ਗਿਆ ਹੈ| ਭੇਜਣ ਵਾਲੇ ਨੇ ਅਪਣਾ ਨਾਮ ਅਲੀ ਬੁਦੇਸ਼ ਭਾਈ ਦੱਸਿਆ ਹੈ| ਦੱਸਿਆ ਜਾ ਰਿਹਾ ਹੈ ਕਿ ਇਹ ਨੰਬਰ ਦੁਬਈ ਦਾ ਹੈ| ਮੈਸੇਜ ਹਿੰਦੀ ਵਿਚ ਭੇਜਿਆ ਗਿਆ ਹੈ ਪਰ ਇਸ ਵਿਚ ਕਈ ਸ਼ਬਦਾਂ ਦਾ ਇਸਤੇਮਾਲ ਠੀਕ ਨਹੀਂ ਹੈ, ਜਿਵੇਂ- ਸਭ ਤੋਂ ਪਹਿਲੇ ਵਾਕ ਵਿਚ ਲਿਖਿਆ ਹੈ, ਅਸੀਂ ਤੁਹਾਨੂੰ ਗੱਪਸ਼ੱਪ ਬਣਾਉਣ ਲਈ ਇੱਥੇ ਨਹੀਂ ਹਾਂ| ਇਸੇ ਤਰ੍ਹ੍ਹਾਂ ਇਕ ਜਗ੍ਹਾ ਸਮਾਂ ਬੀਤ ਜਾਣ ਨੂੰ ਸਮਾਂ ਉਤੀਰਣ ਹੋ ਜਾਣਾ ਲਿਖਿਆ ਹੈ| ਸੰਭਵ ਹੈ ਕਿ ਇਸਨੂੰ ਕਿਸੇ ਸਾਫਟਵੇਅਰ ਤੋਂ ਹਿੰਦੀ ਵਿਚ ਟਰਾਂਸਲੇਟ ਕੀਤਾ ਗਿਆ ਹੈ|
Crime Branchਡੀਆਈਜੀ ਲਾ ਐਂਡ ਆਰਡਰ ਪ੍ਰਵੀਣ ਕੁਮਾਰ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕ੍ਰਾਈਮ ਬਰਾਂਚ, ਐਸਟੀਐਫ ਅਤੇ ਸਾਈਬਰ ਕ੍ਰਾਈਮ ਸੇਲ ਨੂੰ ਸੌਂਪੀ ਗਈ ਹੈ| ਹੁਣ ਤੱਕ 12 ਵਿਧਾਇਕ ਇਸ ਬਾਰੇ ਵਿਚ ਐਫਆਈਆਰ ਕਰਾ ਚੁੱਕੇ ਹਨ|
