ਦੀਵਾਲੀ ਦੇ ਤਿਉਹਾਰ ਤੋਂ ਪਹਿਲਾਂ ਭਾਰਤ ਅਤੇ ਪਾਕਿਸਤਾਨ ਦੇ ਵਿੱਚ ਬਾਰਡਰ ਉੱਤੇ ਤਣਾਅ
ਨਵੀਂ ਦਿੱਲੀ: ਦੀਵਾਲੀ ਦੇ ਤਿਉਹਾਰ ਤੋਂ ਪਹਿਲਾਂ ਭਾਰਤ ਅਤੇ ਪਾਕਿਸਤਾਨ ਦੇ ਵਿੱਚ ਬਾਰਡਰ ਉੱਤੇ ਤਣਾਅ ਦਾ ਮਾਹੌਲ ਹੈ। ਪਾਕਿਸਤਾਨ ਵੱਲੋਂ ਸੀਜਫਾਇਰ ਦੀ ਉਲੰਘਣਾ ਕੀਤੀ ਗਈ, ਜਿਸਦੇ ਜਵਾਬ ਵਿੱਚ ਭਾਰਤੀ ਫੌਜ ਨੇ ਐਕਸ਼ਨ ਲਿਆ। ਇਸ ਗਰਮਾਗਰਮੀ ‘ਚ ਹਰ ਸਾਲ ਦੀ ਤਰ੍ਹਾਂ ਦੀਵਾਲੀ ਉੱਤੇ ਜੋ ਬਾਰਡਰ ਉੱਤੇ ਮਠਿਆਈ ਬਦਲੀ ਜਾਂਦੀ ਹੁੰਦੀ ਹੈ, ਉਹ ਇਸ ਵਾਰ ਨਹੀਂ ਹੋਈ ਹੈ। ਸੂਤਰਾਂ ਦੀਆਂ ਮੰਨੀਏ ਤਾਂ ਪ੍ਰੋਟੋਕੋਲ ਦੇ ਤਹਿਤ ਹਰ ਸਾਲ ਇਸਲਾਮਾਬਾਦ ਵਿੱਚ ਮੌਜੂਦ ਭਾਰਤੀ ਹਾਈ ਕਮਿਸ਼ਨ ਦੀਵਾਲੀ ਉੱਤੇ ਸਾਰੇ ਮੁੱਖ ਦਫ਼ਤਰਾਂ ਵਿੱਚ ਮਠਿਆਈ ਭੇਜਦਾ ਹੈ।
ਪਾਕਿਸਤਾਨ ਦੀ ISI ਨੇ ਪਹਿਲਾਂ ਪ੍ਰੋਟੋਕੋਲ ਦਾ ਸਵਾਗਤ ਕਰਦੇ ਹੋਏ ਮਠਿਆਈ ਨੂੰ ਸਵੀਕਾਰਿਆ ਲੇਕਿਨ ਬਾਅਦ ਵਿੱਚ ਉਨ੍ਹਾਂ ਨੂੰ ਵਾਪਸ ਕਰ ਦਿੱਤਾ। ਦੱਸ ਦਈਏ ਕਿ ISI ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਹੈ ਅਤੇ ਪਾਕਿਸਤਾਨ ਦੀ ਸੱਤਾ-ਰਣਨੀਤੀ ਵਿੱਚ ਉਸਦਾ ਦਬਦਬਾ ਹੈ। ਨਾ ਸਿਰਫ ਇਸਲਾਮਾਬਾਦ ਵਿੱਚ ISI ਜਾਂ ਹੋਰ ਅਧਿਕਾਰੀ ਸਗੋਂ ਬਾਰਡਰ ਉੱਤੇ ਪਾਕਿਸਤਾਨੀ ਰੇਂਜਰਸ ਨੇ ਵੀ ਇਸ ਵਾਰ ਭਾਰਤ ਵੱਲੋਂ ਦਿੱਤੀ ਗਈ ਮਠਿਆਈ ਨਹੀਂ ਸਵੀਕਾਰੀ ਹੈ।
ਜੰਮੂ-ਕਸ਼ਮੀਰ ਤੋਂ ਅਨੁਛੇਦ 370 ਨੂੰ ਖ਼ਤਮ ਕੀਤੇ ਜਾਣ ਤੋਂ ਬਾਅਦ ਤੋਂ ਹੀ ਦੋਨਾਂ ਦੇਸ਼ਾਂ ਦੇ ਵਿੱਚ ਹਾਲਾਤ ਠੀਕ ਨਹੀਂ ਹਨ ਅਤੇ ਪਾਕਿਸਤਾਨ ਲਗਾਤਾਰ ਭਾਰਤ ਦੇ ਖਿਲਾਫ ਭੜਕਾਊ ਕੰਮ ਕਰ ਰਿਹਾ ਹੈ।
PAK ਦੀ ਹਰਕੱਤ ਦਾ ਭਾਰਤ ਨੇ ਦਿੱਤਾ ਜਵਾਬ
ਇਸ ਹਫਤੇ ਪਾਕਿਸਤਾਨ ਵੱਲੋਂ ਜੰਮੂ-ਕਸ਼ਮੀਰ ਦੇ ਇਲਾਕੇ ਵਿੱਚ ਸੀਜਫਾਇਰ ਦੀ ਉਲੰਘਣਾ ਕੀਤੀ ਗਈ, ਜਿਸ ਵਿੱਚ ਜਵਾਨ ਅਤੇ ਸਥਾਨਕ ਨਿਵਾਸੀਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ। ਪਾਕਿਸਤਾਨ ਦੀਆਂ ਇਨ੍ਹਾਂ ਹਰਕਤਾਂ ਦਾ ਜਵਾਬ ਦਿੰਦੇ ਹੋਏ ਭਾਰਤੀ ਫੌਜ ਨੇ ਪਾਕਿਸਤਾਨ ਅਧਿਕ੍ਰਿਤ ਕਸ਼ਮੀਰ (PoK) ਵਿੱਚ ਅਤਿਵਾਦੀ ਕੈਂਪਾਂ ਉੱਤੇ ਹਮਲਾ ਕੀਤਾ ਸੀ। ਭਾਰਤੀ ਫੌਜ ਦੀ ਇਸ ਕਾਰਵਾਈ ਵਿੱਚ ਕਈ ਅਤਿਵਾਦੀ ਅਤੇ ਪਾਕਿਸਤਾਨੀ ਫੌਜ ਦੇ ਜਵਾਨ ਮਾਰੇ ਗਏ ਸਨ। ਭਾਰਤ ਦੇ ਇਸ ਐਕਸ਼ਨ ‘ਤੇ ਪਾਕਿਸਤਾਨ ਲਗਾਤਾਰ ਦਾਅਵੇ ਨੂੰ ਗਲਤ ਦੱਸਦਾ ਰਿਹਾ ਹੈ।
ਪਾਕਿਸਤਾਨੀ ਫੌਜ ਮੰਗਲਵਾਰ ਨੂੰ ਕੁਝ ਵਿਦੇਸ਼ੀ ਸੰਪਾਦਕਾਂ ਅਤੇ ਅਧਿਕਾਰੀਆਂ ਨੂੰ ਨੀਲਮ ਵੈਲੀ ਵਿੱਚ ਵੀ ਲੈ ਗਈ ਸੀ, ਜਿੱਥੇ ਉਨ੍ਹਾਂ ਇਲਾਕੀਆਂ ਦਾ ਦੌਰਾ ਕਰਾਇਆ ਗਿਆ। ਇਸ ਦੌਰੇ ਲਈ ਪਾਕਿਸਤਾਨੀ ਫੌਜ ਵਲੋਂ ਭਾਰਤੀ ਫੌਜ ਨੂੰ ਅਪੀਲ ਕੀਤੀ ਸੀ ਕਿ ਉਹ ਇਸ ਦੌਰਾਨ ਬਾਰਡਰ ਉੱਤੇ ਕੋਈ ਕਾਰਵਾਈ ਨਾ ਕਰੇ, ਜਿਸਨੂੰ ਭਾਰਤੀ ਫੌਜ ਨੇ ਸਵੀਕਾਰ ਕਰ ਲਿਆ ਸੀ ਹਾਲਾਂਕਿ, ਮੰਗਲਵਾਰ ਦੁਪਹਿਰ ਨੂੰ ਪਾਕਿਸਤਾਨ ਨੇ ਆਪਣੇ ਆਪ ਆਪਣੇ ਵਾਅਦੇ ਨੂੰ ਤੋੜਿਆ ਅਤੇ ਸੀਜਫਾਇਰ ਦੀ ਉਲੰਘਣਾ ਕੀਤੀ।
