ਆਮ ਆਦਮੀ ਪਾਰਟੀ ਦੇ ਸੰਗਰੂਰ ਤੋਂ ਸਾਂਸਦ ਭਗਵੰਤ ਮਾਨ ਵਿਦੇਸ਼ਾਂ ਵਿਚ ਫਸੇ ਪੰਜਾਬੀਆਂ ਦੀ ਕਈ ਵਾਰ ਮਦਦ ਕਰ ਚੁੱਕੇ ਨੇ
ਆਮ ਆਦਮੀ ਪਾਰਟੀ ਦੇ ਸੰਗਰੂਰ ਤੋਂ ਸਾਂਸਦ ਭਗਵੰਤ ਮਾਨ ਵਿਦੇਸ਼ਾਂ ਵਿਚ ਫਸੇ ਪੰਜਾਬੀਆਂ ਦੀ ਕਈ ਵਾਰ ਮਦਦ ਕਰ ਚੁੱਕੇ ਨੇ। ਜਿਸ ਕਰਕੇ ਹੁਣ ਵਿਦੇਸ਼ਾਂ ਵਿਚ ਕਿਸੇ ਕਾਰਨ ਵੱਸ ਪੰਜਾਬੀ ਭਗਵੰਤ ਮਾਨ ਨੂੰ ਵਤਨ ਵਾਪਸੀ ਦੀ ਗੁਹਾਰ ਲਗਾਉਣ ਲੱਗ ਪਏ ਨੇ। ਅਜਿਹੀ ਇਕ ਗੁਹਾਰ ਇਰਾਕ ਵਿਚ ਫਸੀ ਇਕ ਪੰਜਾਬੀ ਲੜਕੀ ਵੱਲੋਂ ਭਗਵੰਤ ਮਾਨ ਕੋਲ ਲਗਾਈ ਗਈ ਹੈ।
Bhagwant Mann
ਇਰਾਕ ਵਿਚ ਫਸੀ ਇਸ ਲੜਕੀ ਦਾ ਕਹਿਣਾ ਹੈ ਕਿ ਇਰਾਕ ਵਿਚ ਉਨ੍ਹਾਂ ਨਾਲ ਬਹੁਤ ਮਾੜਾ ਸਲੂਕ ਕੀਤਾ ਜਾ ਰਿਹਾ ਹੈ। ਉਹ ਇਹ ਵੀ ਆਖ ਰਹੀ ਹੈ ਕਿ ਕੋਈ ਵੀ ਇਰਾਕ ਨਾ ਆਵੇ ਕਿਉਂਕਿ ਇਹ ਬਹੁਤ ਗੰਦੀ ਕੰਟਰੀ ਹੈ। ਆਪ ਸਾਂਸਦ ਭਗਵੰਤ ਮਾਨ ਨੇ ਆਪਣੇ ਫੇਸਬੁੱਕ ਪੇਜ਼ 'ਤੇ ਇਸ ਲੜਕੀ ਦਾ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ ਕਿ ਇਸ ਲੜਕੀ ਨਾਲ ਉਨ੍ਹਾਂ ਦਾ ਸੰਪਰਕ ਹੋ ਗਿਆ ਹੈ।
file
ਭਗਵੰਤ ਮਾਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਇਰਾਕ ਵਿਚ ਫਸੀ ਇਸ ਲੜਕੀ ਨੂੰ ਸਹੀ ਸਲਾਮਤ ਵਤਨ ਲਿਆਉਣ ਦਾ ਭਰੋਸਾ ਦਿਵਾਉਂਦਿਆਂ ਆਖਿਆ ਕਿ ਉਹ ਜਲਦ ਹੀ ਅਪਣੇ ਪਰਿਵਾਰ ਵਿਚ ਹੋਵੇਗੀ। ਭਗਵੰਤ ਮਾਨ ਨੇ ਅਪਣੀ ਫੇਸਬੁੱਕ ਪੋਸਟ ਵਿਚ ਲਿਖਿਆ ਪ੍ਰਾਈਵੇਸੀ ਨੂੰ ਧਿਆਨ ਵਿਚ ਰੱਖਦਿਆਂ ਇਸ ਲੜਕੀ ਦਾ ਪਤਾ ਟਿਕਾਣਾ ਜਨਤਕ ਨਹੀਂ ਕਰ ਸਕਦੇ ਪਰ ਉਸ ਪਾਸੋਂ ਪਾਸਪੋਰਟ ਦੀ ਡਿਟੇਲ ਮੰਗੀ ਗਈ ਹੈ ਤਾਂ ਜੋ ਉਸ ਨੂੰ ਸਹੀ ਸਲਾਮਤ ਵਤਨ ਵਾਪਸ ਲਿਆਂਦਾ ਜਾ ਸਕੇ।
Photo
ਇਹ ਪਹਿਲਾ ਮਾਮਲਾ ਨਹੀਂ ਜਦੋਂ ਵਿਦੇਸ਼ ਵਿਚ ਫਸੇ ਕਿਸੇ ਪੰਜਾਬੀ ਨੇ ਭਗਵੰਤ ਮਾਨ ਕੋਲ ਵਤਨ ਵਾਪਸੀ ਦੀ ਗੁਹਾਰ ਲਗਾਈ ਹੋਵੇ। ਇਸ ਤੋਂ ਪਹਿਲਾਂ ਵੀ ਅਨੇਕਾਂ ਪੰਜਾਬੀ ਨੌਜਵਾਨ ਲੜਕੇ ਅਤੇ ਲੜਕੀਆਂ ਭਗਵੰਤ ਮਾਨ ਨੂੰ ਵਤਨ ਵਾਪਸੀ ਦੀ ਗੁਹਾਰ ਲਗਾ ਚੁੱਕੇ ਹਨ ਅਤੇ ਭਗਵੰਤ ਮਾਨ ਵੀ ਉਨ੍ਹਾਂ ਦੀ ਮਦਦ ਕਰ ਚੁੱਕੇ ਹਨ।
file
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
