ਇਹ ਸਿਰਫ ਅਤਿਵਾਦ ਨਹੀਂ ਹੈ ਬਲਕਿ ਇਹ ਇਕ ਯੁੱਧ ਹੈ: ਜਾਵੇਦ
ਨਵੀਂ ਦਿੱਲੀ: ਸ਼੍ਰੀਲੰਕਾ ਵਿਚ ਇਸਟਰਨ ਦੇ ਮੌਕੇ ’ਤੇ ਹੋਏ ਬੰਬ ਧਮਾਕੇ ਨੇ ਪੂਰੀ ਦੁਨੀਆ ਨੂੰ ਹਿਲਾ ਰੱਖ ਦਿੱਤਾ ਹੈ। ਸ਼੍ਰੀਲੰਕਾ ਵਿਚ ਹੋਏ ਇਸ ਹਮਲੇ ਵਿਚ ਮਰਨ ਵਾਲਿਆਂ ਦੀ ਗਿਣਤੀ 359 ਤਕ ਪਹੁੰਚ ਗਈ ਹੈ। ਸ਼੍ਰੀਲੰਕਾ ਦੇ ਇਹਨਾਂ ਬੰਬ ਧਮਾਕਿਆਂ ਦੀ ਬਾਲੀਵੁੱਡ ਨੇ ਵੀ ਬਹੁਤ ਅਲੋਚਨਾ ਕੀਤੀ ਹੈ। ਬਾਲੀਵੁੱਡ ਦੇ ਗੀਤਾਕਾਰ ਲੇਖਕ ਜਾਵੇਦ ਅਖ਼ਤਰ ਨੇ ਵੀ ਇਹਨਾਂ ਹਮਲਿਆਂ ਦੀ ਨਿੰਦਾ ਕੀਤੀ ਹੈ ਅਤੇ ਟਵੀਟ ਕਰਕੇ ਇਸ ਦੀ ਬਹੁਤ ਨਿਖੇਧੀ ਕੀਤੀ।
Javed Akhtar
ਜਾਵੇਦ ਅਖ਼ਤਰ ਨੇ ਆਈਐਸਈਐਸ ਦੇ ਵਿਰੁੱਧ ਇਕਜੁੱਟ ਹੋਣ ਬਾਰੇ ਕਿਹਾ ਹੈ। ਜਾਵੇਦ ਅਖ਼ਤਰ ਦਾ ਇਹ ਟਵੀਟ ਸੋਸ਼ਲ ਮੀਡੀਆ ’ਤੇ ਬਹੁਤ ਵਾਇਰਲ ਹੋਇਆ ਹੈ। ਗੀਤਾਕਾਰ ਲੇਖਕ ਜਾਵੇਦ ਅਖ਼ਤਰ ਨੇ ਸ਼੍ਰੀਲੰਕਾ ਬੰਬ ਧਮਾਕੇ ’ਤੇ ਟਵੀਟ ਕੀਤਾ ਹੈ। ਜਿਸ ਤਰ੍ਹਾਂ ਸਾਰਾ ਸਮਾਜ ਹਿਟਲਰ ਦੇ ਵਿਰੁੱਧ ਹੋ ਗਿਆ ਸੀ ਉਸੇ ਤਰ੍ਹਾਂ ਆਈਐਸ ਦੇ ਵਿਰੁੱਧ ਇਕਜੁੱਟ ਦਾ ਸਮਾਂ ਆ ਗਿਆ ਹੈ। ਇਹ ਸਿਰਫ ਅਤਿਵਾਦ ਨਹੀਂ ਹੈ ਬਲਕਿ ਇਹ ਇਕ ਯੁੱਧ ਹੈ।
Akhtar Javed
ਇਸ ਤਰ੍ਹਾਂ ਜਾਵੇਦ ਅਖ਼ਤਰ ਨੇ ਆਈਐਸ ਵਿਰੁੱਧ ਅਪਣੇ ਗੁੱਸੇ ਨੂੰ ਜ਼ਾਹਰ ਕੀਤਾ ਹੈ। ਅਕਸਰ ਹੀ ਜਾਵੇਦ ਅਖ਼ਤਰ ਸੋਸ਼ਲ ਮੀਡੀਆ ’ਤੇ ਸਮਾਜਿਕ ਸਰਕਾਰਾਂ ’ਤੇ ਖੁਲ ਕੇ ਅਪਣੀ ਸਲਾਹ ਰੱਖਦੇ ਹਨ। ਰਿਪੋਰਟ ਮੁਤਾਬਕ ਸ਼੍ਰੀਲੰਕਾ ਵਿਚ ਹੋਟਲ ਅਤੇ ਚਰਚ ਨੂੰ ਨਿਸ਼ਾਨਾ ਬਣਾਉਣ ਵਾਲੇ 9 ਆਤਮਘਾਤੀ ਹਮਲਾਵਰਾਂ ਵਿਚ ਇਕ ਔਰਤ ਵੀ ਸੀ। ਇਹ ਦਾਅਵਾ ਸ਼੍ਰੀਲੰਕਾ ਦੀ ਰੱਖਿਆ ਮੰਤਰੀ ਨੇ ਕੀਤਾ ਹੈ। ਨਿਊਜ਼ ਏਜੰਸੀ ਰਾਇਟਰਸ ਦੇ ਹਵਾਲੇ ਤੋਂ ਮੰਤਰੀ ਦਾ ਬਿਆਨ ਜਾਰੀ ਹੋਇਆ ਹੈ।
The way the civilised world had united against Hitler time has come to get united the same way against IS. This not just terrorism it is a war .
— Javed Akhtar (@Javedakhtarjadu) April 23, 2019
ਐਤਵਾਰ ਨੂੰ ਇਸਟਰਨ ਦੇ ਮੌਕੇ ’ਤੇ ਹੋਏ ਇਸ ਧਮਾਕੇ ਵਿਚ ਮਰਨ ਵਾਲਿਆਂ ਦੀ ਗਿਣਤੀ 359 ਤਕ ਪਹੁੰਚ ਗਈ ਹੈ। ਜਿਸ ਵਿਚ 39 ਵਿਦੇਸ਼ੀ ਹਨ। ਇਸ ਘਟਨਾ ਵਿਚ ਪੁਲਿਸ ਨੇ ਸ਼ੱਕ ਦੇ ਆਧਾਰ ’ਤੇ ਹੁਣ ਤਕ 60 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਮੰਤਰੀ ਲਕਸ਼ਮਣ ਕਿਰਿਏਲਾ ਨੇ ਕਿਹਾ ਕਿ ਘਟਨਾ ਵਿਚ 100 ਤੋਂ ਜ਼ਿਆਦਾ ਲੋਕਾਂ ਨੂੰ ਗ੍ਰਿਫ਼ਤਾਰਤ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਉੱਧਰ ਸ਼੍ਰੀਲੰਕਾ ਦੇ ਪ੍ਰਧਾਨ ਮੰਤਰੀ ਰਾਨਿਲ ਵਿਕਰਮ ਸਿੰਘ ਨੇ ਕਿਹਾ ਕਿ ਭਾਰਤ ਨੇ ਸ਼੍ਰੀਲੰਕਾ ਨਾਲ ਖੁਫੀਆ ਜਾਣਕਾਰੀ ਸ਼ੇਅਰ ਕੀਤੀ ਸੀ ਪਰ ਇਸ ਵਾਰ ਕਾਰਵਾਈ ਕਰਨ ’ਤੇ ਇਸ ਵਿਚ ਲਾਪਰਵਾਹੀ ਹੋਈ ਹੈ।
