ਭਾਜਪਾ ’ਤੇ ਰਾਸ਼ਟਰਵਾਦ ਅਤੇ ਮੁਸਲਿਮ ਘਟ ਗਿਣਤੀ ਦੀ ਧਾਰਣਾ ਦਾ ਲਗਾਇਆ ਅਰੋਪ
ਨਵੀਂ ਦਿੱਲੀ: ਲੋਕ ਸਭਾ ਚੋਣਾਂ ਵਿਚ ਭਾਜਪਾ ਦੇ ਅਪਣੇ ਦਮ ’ਤੇ ਬਹੁਮਤ ਹਾਸਲ ਕਰਨ ’ਤੇ ਆਲ ਇੰਡੀਆ ਮਜਲਿਸ-ਏ-ਇਤੇਹਾਦੁਲ ਮੁਸਲੀਮੀਨ ਦੇ ਪ੍ਰਧਾਨ ਅਸਦੁਦੀਨ ਓਵੈਸੀ ਨੇ ਕਿਹਾ ਕਿ ਵੋਟਾਂ ਦੌਰਾਨ ਈਵੀਐਮ ਨਾਲ ਨਹੀਂ ਬਲਕਿ ਹਿੰਦੂਆਂ ਦੇ ਦਿਮਾਗ ਨਾਲ ਛੇੜਛਾੜ ਕੀਤੀ ਗਈ ਹੈ। ਏਐਮਆਈ ਦੇ ਅਨੁਸਾਰ ਓਵੈਸੀ ਨੇ ਕਿਹਾ ਕਿ ਚੋਣ ਕਮਿਸ਼ਨ ਨੂੰ ਅਪਣੀ ਨਿਰਪੱਖਤਾ ਦਿਖਾਉਣੀ ਚਾਹੀਦੀ ਹੈ।
BJP
ਮੈਨੂੰ ਉਮੀਦ ਹੈ ਕਿ ਜੇਕਰ ਵੀਵੀਪੈਟ ਪਰਚੀਆਂ ਦਾ ਮਿਲਾਣ ਕੀਤਾ ਜਾਵੇ ਤਾਂ ਅੰਕੜਾ 100 ਫ਼ੀ ਸਦੀ ਸਹੀ ਨਿਕਲੇਗਾ। ਉਹਨਾਂ ਨੇ ਭਾਜਪਾ ਦੀ ਜਿੱਤ ਲਈ ਹਿੰਦੂਆਂ ਨੂੰ ਜ਼ਿੰਮੇਵਾਰ ਦਸਦੇ ਹੋਏ ਕਿਹਾ ਕਿ ਇਸ ਵਾਰ ਈਵੀਐਮ ਵਿਚ ਹੇਰਾਫੇਰੀ ਨਹੀਂ ਹੋਈ ਹੈ ਸਗੋਂ ਹਿੰਦੂਆਂ ਦੇ ਦਿਮਾਗ਼ਾਂ ਨਾ ਹੇਰਾਫੇਰੀ ਹੋਈ ਹੈ। ਇਸ ਦੇ ਨਾਲ ਹੀ ਉਹਨਾਂ ਨੇ ਰਾਸ਼ਟਰੀ ਸੁਰੱਖਿਆ ਦਾ ਡਰ ਪੈਦਾ ਕਰਨ ਅਤੇ ਉਸ ਦਾ ਇਸਤੇਮਾਲ ਕਰਨ ਦਾ ਅਰੋਪ ਲਗਾਇਆ।
AIMIM Chief Asaduddin Owaisi: Election Commission must show their independence, I believe VVPATs should be 100% (100 per cent matching of VVPAT slips with the Voting Machines). EVM ki rigging nahi hui hai, Hindu mind ki rigging ho chuki hai. #ElectionResults2019 pic.twitter.com/wcXmNmBit8
— ANI (@ANI) May 23, 2019
ਉਹਨਾਂ ਅੱਗੇ ਕਿਹਾ ਕਿ ਨਿਸ਼ਚਿਤ ਤੌਰ ਤੇ ਭਾਜਪਾ ਦੇਸ਼ ਦੀ ਸੁਰੱਖਿਆ ਦਾ ਡਰ ਪੈਦਾ ਕਰਨ ਵਿਚ ਬਹੁਤ ਸਫ਼ਲ ਰਹੀ ਹੈ। ਉਹਨਾਂ ਨੇ ਰਾਸ਼ਟਰਵਾਦ ਅਤੇ ਮੁਸਲਿਮ ਘਟ ਗਿਣਤੀ ਦੀ ਧਾਰਣਾ ਬਣਾਈ ਹੈ। ਇਹਨਾਂ ਮੁੱਦਿਆਂ ਨੂੰ ਭਾਜਪਾ ਨੇ ਅਪਣੇ ਲਾਭ ਲਈ ਇਸਤੇਮਾਲ ਕੀਤਾ ਹੈ। 1984 ਤੋਂ ਉਹਨਾਂ ਦੇ ਪਰਵਾਰ ਦੇ ਗੜ੍ਹ ਰਹੇ ਹੈਦਰਾਬਾਦ ਸੰਸਦੀ ਸੀਟ ’ਤੇ ਉਹਨਾਂ ਨੇ 2,82,181 ਵੋਟਾਂ ਨਾਲ ਜਿੱਤ ਹਾਸਲ ਕੀਤੀ ਸੀ।
ਮਹਾਂਰਾਸ਼ਟਰ ਅਤੇ ਔਰੰਗਾਬਾਦ ਸੰਸਦੀ ਸੀਟ ਤੋਂ ਏਆਈਐਮਆਈਐਮ ਦੇ ਇਮਤਿਆਜ਼ ਜਲੀਲ ਸੈਯਦ 4492 ਵੋਟਾਂ ਨਾਲ ਜਿੱਤ ਹਾਸਲ ਕਰਨ ਵਿਚ ਸਫ਼ਲ ਰਹੇ ਹਨ। ਦਸ ਦਈਏ ਕਿ ਭਾਜਪਾ ਦੇ 303 ਸੀਟਾਂ ’ਤੇ ਜਿੱਤ ਨਾਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਦੂਜੇ ਕਾਰਜਕਾਲ ਦਾ ਰਸਤਾ ਸਾਫ਼ ਹੋ ਚੁੱਕਾ ਹੈ। ਕਾਂਗਰਸ ਪਾਰਟੀ ਨੇ ਇਹਨਾਂ ਚੋਣਾਂ ਵਿਚ 52 ਸੀਟਾਂ ਜਿੱਤੀਆਂ ਹਨ।
