ਸ੍ਰੀ ਦਰਬਾਰ ਸਾਹਿਬ ਵੀ ਨਤਮਸਤਕ ਹੋਇਆ ਸੀ 40 ਸਾਲਾ ਹਰਭਗਵਾਨ ਸਿੰਘ

ਚਮੋਲੀ - ਉੱਤਰਾਖੰਡ ਦੇ ਚਮੋਲੀ ਜ਼ਿਲ੍ਹੇ 'ਚ ਸਥਿਤ ਹੇਮਕੁੰਟ ਸਾਹਿਬ ਦੀ ਯਾਤਰਾ ਚੱਲ ਰਹੀ ਹੈ। ਸਮੁੰਦਰ ਤਲ ਤੋਂ 15225 ਫੁੱਟ ਦੀ ਉਚਾਈ 'ਤੇ ਚਮੋਲੀ ਜ਼ਿਲ੍ਹੇ 'ਚ ਸਥਿਤ ਹੇਮਕੁੰਟ ਸਾਹਿਬ ਦੀ ਯਾਤਰਾ ਕਾਫੀ ਚੁਣੌਤੀਪੂਰਨ ਹੈ। ਇਹ ਯਾਤਰਾ ਤੈਅ ਕਰਨੀ ਇਕ ਆਮ ਇਨਸਾਨ ਲਈ ਹੀ ਕਾਫ਼ੀ ਮੁਸ਼ਕਿਲ ਹੈ ਪਰ ਇਹ ਯਾਤਰਾ ਹੁਣ ਇਕ ਅਪਾਹਜ ਵਿਅਕਤੀ ਨੇ ਪੂਰੀ ਕੀਤੀ ਹੈ ਜਿਸ ਦੇ ਦੋਨੋਂ ਲੱਤਾਂ ਨਹੀਂ ਹੈ। 
 

ਪੰਜਾਬ ਦੇ ਰਹਿਣ ਵਾਲੇ ਹਰਭਗਵਾਨ ਸਿੰਘ ਦੋਵੇਂ ਪੈਰਾਂ ਤੋਂ ਅਪਾਹਜ ਹੋਣ ਦੇ ਬਾਵਜੂਦ ਹੱਥਾਂ ਦੇ ਸਹਾਰੇ ਹੇਮਕੁੰਟ ਸਾਹਿਬ ਪਹੁੰਚਿਆ। ਹਰਭਗਵਾਨ ਨੂੰ ਵਾਪਸ ਆਉਣ ਵਿਚ ਤਿੰਨ ਦਿਨ ਲੱਗ ਗਏ। 40 ਸਾਲਾ ਹਰ ਭਗਵਾਨ ਸਿੰਘ 19 ਜੁਲਾਈ ਨੂੰ ਮੋਗਾ ਤੋਂ ਇਕੱਲੇ ਹੀ ਹੇਮਕੁੰਟ ਸਾਹਿਬ ਲਈ ਰਵਾਨਾ ਹੋਇਆ ਸੀ ਅਤੇ ਸ਼ਨੀਵਾਰ ਨੂੰ ਦਰਬਾਰ ਸਾਹਿਬ ਵਿਖੇ ਵੀ ਨਤਮਸਤਕ ਹੋਇਆ। ਸ਼ਾਮ ਨੂੰ ਘੰਗਰੀਆ ਪਰਤਣ 'ਤੇ ਹਰ ਭਗਵਾਨ ਨੇ ਦੱਸਿਆ ਕਿ ਉਸ ਨੂੰ ਵਾਪਸ ਆਉਣ 'ਚ ਤਿੰਨ ਦਿਨ ਲੱਗ ਗਏ।

ਉਸ ਨੇ ਦੱਸਿਆ ਕਿ 10 ਸਾਲ ਪਹਿਲਾਂ ਰੇਲਵੇ ਟਰੈਕ 'ਤੇ ਆਵਾਜਾਈ ਦੌਰਾਨ ਰੇਲਗੱਡੀ ਦੀ ਲਪੇਟ 'ਚ ਆਉਣ ਕਾਰਨ ਉਸ ਦੀਆਂ ਦੋਵੇਂ ਲੱਤਾਂ ਕੱਟੀਆਂ ਗਈਆਂ ਸਨ ਪਰ ਗੁਰੂ ਵਿਚ ਅਥਾਹ ਵਿਸ਼ਵਾਸ ਨੇ ਉਸ ਨੂੰ ਹੇਮਕੁੰਟ ਸਾਹਿਬ ਲਿਆਂਦਾ। ਇਸ ਵਿਸ਼ਵਾਸ ਨੇ ਉਸ ਦੀ ਯਾਤਰਾ ਨੂੰ ਸਫ਼ਲ ਬਣਾਇਆ।
ਹਰ ਭਗਵਾਨ ਨੇ ਦੱਸਿਆ ਕਿ ਪਤਨੀ ਸਮੇਤ ਹੋਰ ਰਿਸ਼ਤੇਦਾਰਾਂ ਨੇ ਉਸ ਨੂੰ ਇਕੱਲੇ ਸਫ਼ਰ ਨਾ ਕਰਨ ਦੀ ਸਲਾਹ ਦਿੱਤੀ, ਪਰ ਉਸ ਦਾ ਸੰਕਲਪ ਪੱਕਾ ਸੀ, ਇਸ ਲਈ ਉਹ ਵੀ ਮੰਨ ਗਏ। ਸਫ਼ਰ ਦੌਰਾਨ ਇਹ ਮਹਿਸੂਸ ਨਹੀਂ ਹੋਇਆ ਕਿ ਉਸ ਦੀਆਂ ਲੱਤਾਂ ਨਹੀਂ ਹਨ। ਹਰਭਗਵਾਨ ਦੇ ਦੋ ਬੱਚੇ ਵੀ ਹਨ।