ਮੁੱਖ ਮੰਤਰੀ ਦੇ ਨੇੜਲੇ ਨੇਤਾਵਾਂ ਨੇ ਕਿਹਾ ਕਿ ਮੁੱਖ ਮੰਤਰੀ ਇਸ ਕਤਲ ਕਾਰਨ ਸਦਮੇ ਵਿਚ ਸਨ ਅਤੇ ਅਜਿਹਾ ਉਹਨਾਂ ਨੇ ਭਾਵਨਾਤਾਮਕ ਤੌਰ 'ਤੇ ਦੁਖੀ ਹੋਣ ਦੀ ਹਾਲਤ ਦੌਰਾਨ ਕੀਤਾ।
ਨਵੀਂ ਦਿੱਲੀ ,( ਪੀਟੀਆਈ) : ਕਰਨਾਟਕਾ ਦੇ ਮੁੱਖ ਮੰਤਰੀ ਕੁਮਾਰਸਵਾਮੀ ਇਕ ਵਾਰ ਫਿਰ ਤੋਂ ਵਿਵਾਦਾਂ ਵਿਚ ਘਿਰ ਗਏ ਹਨ। ਉਹਨਾਂ ਦਾ ਵੀਡੀਓ ਇਸ ਵਿਵਾਦ ਦਾ ਕਾਰਨ ਹੈ। ਇਸ ਵੀਡੀਓ ਵਿਚ ਉਹ ਇਕ ਵਿਅਕਤੀ ਨੂੰ ਬੇਰਹਿਮੀ ਨਾਲ ਮਾਰਨ ਦਾ ਹੁਕਮ ਦੇ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਇਹ ਹੁਕਮ ਉਹਨਾਂ ਨੇ ਜਨਤਾ ਦਲ ਸੈਕੂਲਰ ਦੇ ਇਕ ਸਥਾਨਕ ਨੇਤਾ ਦੇ ਕਤਲ ਤੋਂ ਬਾਅਦ ਕਿਸੇ ਪੁਲਿਸ ਅਧਿਕਾਰੀ ਨੂੰ ਦਿਤੇ ਹਨ। ਇਹ ਵੀਡੀਓ ਸਥਾਨਕ ਪੱਤਰਕਾਰ ਨੇ ਰਿਕਾਰਡ ਕੀਤੇ ਹਨ।
#WATCH Karnataka CM HD Kumaraswamy caught on cam telling someone on the phone 'He(murdered JDS leader Prakash) was a good man, I don't know why did they murder him. Kill them (assailants) mercilessly in a shootout, no problem. (24.12.18) pic.twitter.com/j42dqiRs0a
— ANI (@ANI) December 25, 2018
ਇਸ ਵਿਚ ਕੁਮਾਰਸਵਾਮੀ ਕਹਿ ਰਹੇ ਹਨ ਕਿ ਪ੍ਰਕਾਸ਼ ਇਕ ਵਧੀਆ ਆਦਮੀ ਸੀ। ਮੈਂ ਨਹੀਂ ਜਾਣਦਾ ਕਿ ਉਸ ਨੂੰ ਇਸ ਤਰ੍ਹਾਂ ਕਿਸ ਨੇ ਮਾਰਿਆ। ਉਸ ਦੇ ਕਾਤਲ ਨੂੰ ਬੇਰਹਿਮੀ ਨਾਲ ਮਾਰੋ। ਕੋਈ ਵਿਵਾਦ ਨਹੀਂ ਹੋਵੇਗਾ। ਬਾਅਦ ਵਿਚ ਮੁੱਖ ਮੰਤਰੀ ਦੇ ਨੇੜਲੇ ਨੇਤਾਵਾਂ ਨੇ ਕਿਹਾ ਕਿ ਮੁੱਖ ਮੰਤਰੀ ਇਸ ਕਤਲ ਕਾਰਨ ਸਦਮੇ ਵਿਚ ਸਨ ਅਤੇ ਅਜਿਹਾ ਉਹਨਾਂ ਨੇ ਭਾਵਨਾਤਾਮਕ ਤੌਰ 'ਤੇ ਦੁਖੀ ਹੋਣ ਦੀ ਹਾਲਤ ਦੌਰਾਨ ਕੀਤਾ।
Karnataka CM: It(kill assailants mercilessly) was not my order, I was emotional at that moment. they (killers )are the reason for two murders and they were in jail. they came out on bail 2 days ago and killed another person(JDS leader Prakash), this is how they are misusing bail pic.twitter.com/fNgFuNbllf
— ANI (@ANI) December 25, 2018
ਬਾਅਦ ਵਿਚ ਮੁੱਖ ਮੰਤਰੀ ਕੁਮਾਰ ਸਵਾਸੀ ਵੱਲੋਂ ਵੀ ਕੁਝ ਅਜਿਹਾ ਹੀ ਸਪਸ਼ਟੀਕਰਨ ਦਿਤਾ। ਉਹਨਾਂ ਨੇ ਕਿਹਾ ਕਿ ਇਹ ਸੱਭ ਗੁੱਸੇ ਵਿਚ ਕਿਹਾ ਗਿਆ ਸੀ। ਮੁੱਖ ਮੰਤਰੀ ਦੇ ਤੌਰ 'ਤੇ ਮੈਂ ਕੋਈ ਹੁਕਮ ਨਹੀਂ ਦਿਤਾ। ਅਪਰਾਧੀਆਂ ਦੀ ਭਾਲ ਦੋ ਹੋਰਨਾਂ ਕਤਲ ਦੇ ਮਾਮਲਿਆਂ ਵਿਚ ਵੀ ਕੀਤੀ ਜਾ ਰਹੀ ਹੈ। ਉਹ ਜੇਲ੍ਹ ਵਿਚ ਸਨ ਅਤੇ ਹੁਣ ਉਹਨਾਂ ਨੇ ਇਕ ਹੋਰ ਵਿਅਕਤੀ ਨੂੰ ਮਾਰ ਦਿਤਾ ਹੈ।
Murder case
ਦੱਸ ਦਈਏ ਕਿ ਜਨਤਾ ਦਲ ਸੈਕੂਲਰ ਦੇ ਨੇਤਾ ਪ੍ਰਕਾਸ਼ ਦਾ ਬੀਤੇ ਦਿਨ ਸ਼ਾਮ 4.30 ਵਜੇ ਦੱਖਣੀ ਕਰਨਾਟਕਾ ਦੇ ਮਾਂਡਯਾ ਵਿਖੇ ਕਤਲ ਕਰ ਦਿਤਾ ਗਿਆ ਸੀ। ਇਹ ਦੱਸਿਆ ਜਾ ਰਿਹਾ ਹੈ ਕਿ ਬਾਈਕ ਸਵਾਰ ਬਦਮਾਸ਼ਾਂ ਨੇ ਪ੍ਰਕਾਸ਼ ਦਾ ਪਿੱਛਾ ਕੀਤਾ ਅਤੇ ਉਹਨਾਂ ਦੀ ਗੱਡੀ ਨੂੰ ਰੋਕ ਕੇ ਕੁਹਾੜੀ ਨਾਲ ਉਹਨਾਂ ਦਾ ਕਤਲ ਕਰ ਦਿਤਾ।
