ਪਰੰਤੂ ਲੰਗਰਾਂ ਤੇ ਰਾਸ਼ਨ ਤੋਂ ਬਾਅਦ ਹੁਣ...
ਮਹਾਰਾਸ਼ਟਰ: ਜਦੋਂ ਵੀ ਕਿਤੇ ਮੁਸੀਬਤ ਪੈਂਦੀ ਹੈ ਤਾਂ ਸਿੱਖ ਕੌਮ ਨੇ ਨਾ ਸਿਰਫ ਉਸ ਮੁਸੀਬਤ ਦਾ ਸਾਹਮਣਾ ਕੀਤਾ ਹੈ ਬਲਕਿ ਮੁਹਰੇ ਹੋ ਕੇ ਲੋੜਵੰਦਾਂ ਤੇ ਗਰੀਬਾਂ ਦੇ ਮਸੀਹਾ ਬਣੇ ਹਨ। ਕੋਰੋਨਾ ਵਾਇਰਸ ਦੇ ਕਹਿਰ ਕਰ ਕੇ ਜਿੱਥੇ ਸਮੁੱਚੇ ਵਿਸ਼ਵ ਲੋਕ ਭੁੱਖੇ-ਭਾਣੇ ਸੌਣ ਨੂੰ ਮਜ਼ਬੂਰ ਸਨ ਤਾਂ ਅਜਿਹੇ ਦੇ ਵਿਚ ਸਿੱਖਾਂ ਦੇ ਵੱਲੋਂ ਸੜਕਾਂ ਤੇ ਜਾ ਕੇ ਗਰੀਬਾਂ ਤੇ ਲੋੜਵੰਦਾਂ ਨੂੰ ਰਾਸ਼ਨ ਤਾਂ ਮੁਹੱਈਆ ਕਰਵਾਇਆ ਹੀ ਗਿਆ, ਨਾਲ ਦੀ ਨਾਲ ਲੋੜਵੰਦ ਚੀਜ਼ਾਂ ਵੀ ਮੁਹੱਈਆ ਕਰਵਾਈਆਂ ਗਈਆਂ।
Sikh
ਪਰੰਤੂ ਲੰਗਰਾਂ ਤੇ ਰਾਸ਼ਨ ਤੋਂ ਬਾਅਦ ਹੁਣ ਸਿੱਖ ਪੈਸਿਆਂ ਦੀ ਸੇਵਾ ਕਰਦੇ ਦਿਖਾਈ ਦੇ ਰਹੇ ਹਨ। ਦਰਅਸਲ ਮਹਾਂਰਾਸ਼ਟਰ ਦੇ ਗੁਰਦੁਆਰਾ ਖਾਰਗੜ੍ਹ ਤੋਂ ਲਾਇਵ ਹੋ ਕੇ ਸਿੱਖਾਂ ਨੇ ਆਖਿਆ ਹੈ ਕਿ ਜੇ ਕਿਸੇ ਨੂੰ ਪੈਸਿਆਂ ਦੀ ਤੰਗੀ ਹੈ ਤਾਂ ਉਹ ਉਹਨਾਂ ਦੀ ਪੈਸਿਆਂ ਨਾਲ ਮਦਦ ਕਰਨਗੇ।
Langar
ਲੋੜਵੰਦ ਪੈਸੇ ਮੋੜਨਾ ਚਾਹੁੰਦੇ ਹੋਣ ਤਾਂ ਪੈਸੇ ਮੋੜ ਸਕਦੇ ਹਨ ਜੇ ਨਹੀਂ ਤਾਂ ਉਹ ਉਧਾਰ ਵੀ ਲੈ ਸਕਦੇ ਹਨ। ਇਸ ਦੇ ਨਾਲ ਹੀ ਉਹਨਾਂ ਨੇ ਕਿਹਾ ਕਿ ਇਹ ਜੋ ਪੈਸੇ ਹੋਣਗੇ ਇਹ ਗੁਪਤ ਰੂਪ ਵਿਚ ਸਿੱਧਾ ਖਾਤੇ ਵਿਚ ਭੇਜੇ ਜਾਣਗੇ ਤਾਂ ਕਿ ਕਿਸੇ ਦੀ ਮੌਤ ਪੈਸਿਆਂ ਦੀ ਘਾਟ ਕਰ ਕੇ ਨਾ ਹੋਵੇ ਕਿਉਂ ਕਿ ਬੀਤੇ ਦਿਨੀਂ ਇਕ ਵਿਅਕਤੀ ਦੀ ਮੌਤ ਪੈਸਿਆਂ ਦੀ ਘਾਟ ਕਰ ਕੇ ਹੋਈ ਸੀ।
Sikh
ਉਹਨਾਂ ਕਿਹਾ ਕਿ ਕਿਸੇ ਨੂੰ ਵੀ ਪੈਸਿਆਂ ਕਰ ਕੇ ਸ਼ਰਮ ਨਹੀਂ ਕਰਨੀ ਚਾਹੀਦੀ ਕਿ ਉਹ ਪੈਸੇ ਕਿਉਂ ਮੰਗ ਰਹੇ ਹਨ ਤੇ ਦੇਣ ਵਾਲਾ ਕੀ ਸੋਚੇਗਾ। ਉਹਨਾਂ ਨੇ ਇਕ ਗਰੁੱਪ ਵਿਚ ਅਪਣਾ ਨੰਬਰ ਦਿੱਤਾ ਹੈ ਜਿਸ ਤੇ ਫੋਨ ਕਰ ਕੇ ਲੋਕ ਪੈਸੇ ਲੈ ਸਕਦੇ ਹਨ। ਇਸ ਦੇ ਨਾਲ ਹੀ ਉਹਨਾਂ ਕਿਹਾ ਕਿ ਜੇ ਕਿਸੇ ਨੇ ਉਧਾਰ ਪੈਸੇ ਲੈਣੇ ਹੋਣ ਉਹ ਵੀ ਲੈ ਸਕਦੇ ਹਨ, ਜਦੋਂ ਉਹਨਾਂ ਕੋਲ ਵਾਪਸ ਮੋੜਨ ਵਾਸਤੇ ਪੈਸੇ ਹੋਣਗੇ ਉਦੋਂ ਉਹ ਵਾਪਸ ਕਰ ਸਕਦੇ ਹਨ।
Langar
ਇਸ ਵਿਚ ਕੋਈ ਸਮੇਂ ਦੀ ਹੱਦ ਨਹੀਂ ਹੋਵੇਗੀ ਕਿ ਇੰਨੇ ਸਮੇਂ ਵਿਚ ਵਾਪਸ ਕਰਨੇ ਪੈਣਗੇ। ਉਹਨਾਂ ਨੇ ਲੋਕਾਂ ਨੂੰ ਸੁਨੇਹਾ ਵੀ ਦਿੱਤਾ ਕਿ ਪ੍ਰਮਾਤਮਾ ਦੀ ਬਾਣੀ ਪੜ੍ਹੋ ਤੇ ਪ੍ਰਮਾਤਮਾ ਦਾ ਆਸਰਾ ਲਓ। ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਸਿੱਖਾਂ ਨੇ ਦਿੱਲੀ ਵਿਚ ਮਜ਼ਦੂਰਾਂ ਲਈ ਸੜਕਾਂ ਤੇ ਲੰਗਰ ਲਗਾਇਆ ਸੀ ਤਾਂ ਜੋ ਕੋਈ ਵੀ ਭੁੱਖਾ ਨਾ ਰਹੇ।
Sikh
ਉਹ ਮਜ਼ਦੂਰ ਅਪਣੇ ਰਾਜ ਵਾਪਸ ਜਾ ਰਹੇ ਸਨ। ਅੱਜ ਪੂਰੇ ਵਿਸ਼ਵ ਵਿਚ ਸਿੱਖਾਂ ਦੇ ਚਰਚੇ ਹਨ, ਹਰ ਕੋਈ ਸਿੱਖਾਂ ਦੀ ਸਿਫਤ ਕਰਦਾ ਨਹੀਂ ਥੱਕਦਾ। ਸਿੱਖਾਂ ਨੇ ਹਰ ਕਿਸੇ ਦੀ ਡਟ ਕੇ ਮਦਦ ਕੀਤੀ ਹੈ ਤੇ ਉਸ ਨੂੰ ਮੁਸੀਬਤ ਵਿਚੋ ਕੱਢਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
