ਇਹ ਪੂਰਾ ਪ੍ਰੋਜੈਕਟ ਮਾਰਚ 2022 ਤਕ ਬਣ ਕੇ ਤਿਆਰ ਹੋ ਜਾਵੇਗਾ।
ਨਵੀਂ ਦਿੱਲੀ: ਮੈਟਰੋ ਅੱਜ ਦੇ ਸਮੇਂ ਵਿਚ ਲੋਕਾਂ ਦੀ ਜ਼ਰੂਰਤ ਬਣ ਗਈ ਹੈ। ਉਂਝ ਤਾਂ ਅਸੀਂ ਮੈਟਰੋ ਨੂੰ ਜ਼ਮੀਨ ਦੇ ਉਪਰ ਅਤੇ ਅੰਡਰਗ੍ਰਾਊਂਡ ਚਲਦੇ ਦੇਖਿਆ ਹੈ ਪਰ ਬਹੁਤ ਜਲਦ ਹੁਣ ਦੇਸ਼ ਵਿਚ ਅੰਡਰਵਾਟਰ ਮੈਟਰੋ ਵੀ ਦੌੜੇਗੀ। ਕੋਲਕਾਤਾ ਮੈਟਰੋ ਰੇਲ ਕਾਰਪੋਰੇਸ਼ਨ ਅਪਣੇ ਈਸਟ-ਵੈਸਟ ਪ੍ਰੋਜੈਕਟ ਨੂੰ ਜਲਦ ਹੀ ਪੂਰਾ ਕਰਨ ਜਾ ਰਹੀ ਹੈ। ਮੈਟਰੋ ਨੇ ਦੇਸ਼ ਦੀ ਪਹਿਲੀ ਅਜਿਹੀ ਟ੍ਰਾਂਸਪੋਰਟ ਟਨਲ ਬਣਾਈ ਹੈ ਜੋ ਪਾਣੀ ਵਿਚੋਂ ਹੋ ਕੇ ਗੁਜ਼ਰੇਗੀ।
ਇਹ ਪੂਰਾ ਪ੍ਰੋਜੈਕਟ ਮਾਰਚ 2022 ਤਕ ਬਣ ਕੇ ਤਿਆਰ ਹੋ ਜਾਵੇਗਾ। ਇਹ ਟਨਲ ਕੋਲਕਾਤਾ ਦੀ ਹੁਗਲੀ ਨਦੀ ਦੇ ਹੇਠਾਂ ਬਣਾਈ ਗਈ ਹੈ। ਇਸ ਟਨਲ ਦੁਆਰਾ ਹਾਵੜਾ ਅਤੇ ਕੋਲਕਾਤਾ ਵਿਚ ਮੈਟਰੋ ਕਨੈਕਟਿਵਿਟੀ ਸ਼ੁਰੂ ਹੋਵੇਗੀ ਜਿਸ ਨਾਲ ਸਮੇਂ ਦੀ ਕਾਫੀ ਬਚਤ ਹੋਵੇਗੀ। ਰੋਜ਼ਾਨਾ ਇਹਨਾਂ ਸਟੇਸ਼ਨਾਂ ਤੇ ਹਜ਼ਾਰਾਂ ਦੀ ਗਿਣਤੀ ਵਿਚ ਲੋਕ ਸਫ਼ਰ ਕਰਦੇ ਹਨ। ਇਸ ਸੁਰੰਘ ਦੀ ਲੰਬਾਈ 520 ਮੀਟਰ ਅਤੇ ਚੌੜਾਈ ਲਗਭਗ 30 ਮੀਟਰ ਹੋਵੇਗੀ।
ਇਸ ਨੂੰ ਬਣਾਉਣ ਲਈ ਖਾਸ ਤਰ੍ਹਾਂ ਦਾ ਮੈਟੀਰੀਅਲ ਇਸਤੇਮਾਲ ਕੀਤਾ ਗਿਆ ਹੈ ਅਤੇ ਪਾਣੀ ਦੇ ਰਿਸਾਅ ਤੋਂ ਬਚਣ ਲਈ ਵਿਸ਼ੇਸ਼ ਗੈਸਕੇਟ ਦਾ ਪ੍ਰਯੋਗ ਕੀਤਾ ਗਿਆ ਹੈ ਜੋ ਪਾਣੀ ਦੇ ਸੰਪਰਕ ਵਿਚ ਆ ਕੇ ਫੈਲ ਜਾਂਦਾ ਹੈ। ਹਾਵੜਾ ਅਤੇ ਮਹਾਕਰਨ ਮੈਟਰੋ ਸਟੇਸ਼ਨ ਦੇ ਯਾਤਰੀ 1 ਮਿੰਟ ਲਈ ਨਦੀ ਦੇ ਹੇਠੋਂ ਗੁਜ਼ਰਨਗੇ। ਟਨਲ ਵਿਚ ਮੈਟਰੋ ਦੀ ਸਪੀਡ 80 ਕਿਮੀ ਪ੍ਰਤੀ ਘੰਟਾ ਹੋਵੇਗੀ। ਇਸ ਰੂਟ ਤੇ ਮੈਟਰੋ 10.6 ਕਿਲੋਮੀਟਰ ਦਾ ਸਫ਼ਰ ਟਨਲ ਦੁਆਰਾ ਕਰੇਗੀ, ਜਿਸ ਨਾਲ ਨਦੀ ਦੇ ਹੇਠਾਂ ਬਣਾਇਆ ਗਿਆ ਹੈ।
ਹੁਗਲੀ ਨਦੀ ਤੋਂ ਇਲਾਵਾ ਮੁੰਬਈ-ਅਹਿਮਦਾਬਾਦ ਬੁਲੇਟ ਟ੍ਰੇਨ ਰੇਲ ਲਾਂਘੇ ਤੇ ਵੀ ਸਮੁੰਦਰ ਦੇ ਹੇਠਾਂ 7 ਕਿਲੋਮੀਟਰ ਲੰਬੀ ਸੁਰੰਘ ਬਣਾਈ ਜਾਂਦੀ ਹੈ। ਕੁੱਲ ਮਿਲਾ ਕੇ ਹੁਣ ਭਾਰਤ ਵਿਚ ਲੋਕ ਪਾਣੀ ਦੇ ਹੇਠਾਂ ਸਫ਼ਰ ਕਰ ਸਕਦੇ ਹਨ। ਦੱਸ ਦੇਈਏ ਕਿ ਇਹ ਸੁਰੰਗ ਕੋਲਕਾਤਾ ਮੈਟਰੋ ਪ੍ਰਾਜੈਕਟ ਦੇ ਦੂਜੇ ਪੜਾਅ ਤਹਿਤ ਆਉਂਦੀ ਹੈ। ਦਰਅਸਲ, ਭਾਰਤ ਦੀ ਪਹਿਲੀ ਮੈਟਰੋ 1984 ਵਿਚ ਕੋਲਕਾਤਾ ਵਿਚ ਸ਼ੁਰੂ ਕੀਤੀ ਗਈ ਸੀ।
ਇਹ ਉੱਤਰ-ਦੱਖਣ ਮੈਟਰੋ ਸੀ। ਈਸਟ-ਵੈਸਟ ਮੈਟਰੋ ਦੀ ਸ਼ੁਰੂਆਤੀ ਲਾਗਤ 4900 ਕਰੋੜ ਰੁਪਏ ਸੀ ਅਤੇ ਇਹ 14 ਕਿਲੋਮੀਟਰ ਲੰਬੀ ਸੀ। ਬਾਅਦ ਵਿੱਚ, ਤਬਦੀਲੀ ਅਤੇ ਦੇਰੀ ਕਾਰਨ, ਦੂਰੀ 17 ਕਿਲੋਮੀਟਰ ਹੋ ਗਈ ਅਤੇ ਪ੍ਰਾਜੈਕਟ ਦੀ ਲਾਗਤ 8600 ਕਰੋੜ ਰੁਪਏ ਤੱਕ ਪਹੁੰਚ ਗਈ. ਹੁਗਲੀ ਸੁਰੰਗ ਬਣਨ ਤੋਂ ਬਾਅਦ ਕੋਲਕਾਤਾ ਦੇਸ਼ ਦਾ ਪਹਿਲਾ ਸੂਬਾ ਬਣ ਜਾਵੇਗਾ ਜਿਥੇ ਮੈਟਰੋ ਨਦੀ ਦੇ ਹੇਠੋਂ ਲੰਘੇਗੀ ਅਤੇ ਭਾਰਤ ਉਨ੍ਹਾਂ ਦੇਸ਼ਾਂ ਵਿਚ ਸ਼ਾਮਲ ਹੋ ਜਾਵੇਗਾ ਜਿਥੇ ਮੈਟਰੋ ਨਦੀ ਦੇ ਅੰਦਰ ਚੱਲੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।