ਇਹ ਘਟਨਾ ਮਹਾਰਾਸ਼ਟਰ ਦੀ ਦੱਸੀ ਜਾ ਰਹੀ ਹੈ
ਮਹਾਰਾਸ਼ਟਰ- ਖ਼ੁਦਕੁਸ਼ੀ ਦੀਆਂ ਖ਼ਬਰਾਂ ਆਏ ਦਿਨ ਸਾਹਮਣੇ ਆਈਆਂ ਹੀ ਰਹਿੰਦੀਆਂ ਹਨ। ਅਜਿਹੀ ਹੀ ਇਕ ਖੌਫ਼ਨਾਕ ਘਟਨਾ ਮਹਾਰਾਸ਼ਟਰ ਦੇ ਪੁਣੇ ਤੋਂ ਸਾਹਮਣੇ ਆਈ ਹੈ ਜਿੱਥੇ ਇਕ ਮਾਂ ਨੇ ਪਹਿਲਾਂ ਤਾਂ ਆਪਣੇ ਤਿੰਨ ਬੱਚਿਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਅਤੇ ਫਿਰ ਖ਼ੁਦ ਵੀ ਫਾਂਸੀ 'ਤੇ ਲਟਕ ਗਈ। ਜਦੋ ਮਹਿਲਾ ਦਾ ਪਤੀ ਕੰਮ ਤੋਂ ਘਰ ਵਾਪਸ ਆਇਆ ਉਸ ਨੂੰ ਵੀ ਉਦੋਂ ਹੀ ਇਸ ਘਟਨਾ ਦੀ ਜਾਣਕਾਰੀ ਮਿਲੀ।
Suicide
ਜਾਣਕਾਰੀ ਅਨੁਸਾਰ ਇਹ ਘਟਨਾ ਪੁਣੇ ਦੇ ਪਿੰਪਰੀ ਚਿੰਚਵੜ ਦੇ ਭੋਸਰੀ ਇਲਾਕੇ ਦੀ ਹੈ। ਮਹਿਲਾ ਦੀ ਉਮਰ 28 ਸਾਲ ਦੱਸੀ ਜਾ ਰਹੀ ਹੈ। ਸੂਤਰਾਂ ਮੁਤਾਬਿਕ ਇਹ ਪਰਵਾਰ ਪਿਛਲੇ ਹਫ਼ਤੇ ਹੀ ਇਸ ਇਲਾਕੇ ਵਿਚ ਹਿਣ ਆਇਆ ਸੀ। ਖ਼ੁਦਕੁਸ਼ੀ ਕਰਨ ਵਾਲੀ ਮਹਿਲਾ ਦਾ ਨਾਮ ਫ਼ਾਤਿਮਾ ਅਕਰਮ ਭਾਗਵਾਨ ਹੈ। ਮਹਿਲਾ ਨੇ ਸਭ ਤੋਂ ਪਹਿਲਾਂ ਵੱਡੀ ਬੇਟੀ ਅਲੀਫਿਆ ਨੂੰ ਫਾਂਸੀ 'ਤੇ ਲਟਕਾਇਆ। ਫਿਰ ਦੂਜੀ ਬੇਟੀ ਜੋਇਆ ਅਤੇ ਫਿਰ ਆਪਣੇ ਛੋਟੇ ਬੇਟੇ ਜਿਯਾਨ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ। ਇਹ ਤਿੰਨੋਂ ਬੱਚੇ ਭੋਸਰੀ ਦੇ ਸਵਿੱਤਰੀਬਾਈ ਫੁਲੇ ਸਕੂਲ ਵਿਚ ਪੜ੍ਹਦੇ ਸਨ।
Suicide
ਸਵੇਰੇ ਉੱਠਦੇ ਹੀ ਫ਼ਾਤਿਮਾ ਦਾ ਪਤੀ ਕੰਮ ਲੱਭਣ ਲਈ ਨਿਕਲਿਆ ਅਤੇ ਜਦੋਂ ਘਰ ਵਾਪਸ ਆਇਆ ਅਤੇ ਦਰਵਾਜ਼ਾ ਖੜਕਾਇਆ ਤਾਂ ਅੰਦਰੋ ਕਿਸੇ ਨੇ ਦਰਵਾਜ਼ਾ ਨਾ ਖੋਲ੍ਹਿਆ ਅਤੇ ਨਾ ਹੀ ਕਿਸੇ ਨੇ ਆਵਾਜ਼ ਦਿੱਤੀ। ਉਹ ਇਹ ਸਭ ਦੇਖ ਕੇ ਹੈਰਾਨ ਹੋ ਗਿਆ ਅਤੇ ਉਸ ਨੇ 100 ਨੰਬਰ 'ਤੇ ਫ਼ੋਨ ਕਰਕੇ ਪੁਲਿਸ ਨੂੰ ਜਾਣਕਾਰੀ ਦਿੱਤੀ। ਪੁਲਿਸ ਨੇ ਆ ਕੇ ਦਰਵਾਜ਼ਾ ਤੋੜਿਆ ਅਤੇ ਉਸ ਨੇ ਦੇਖਿਆ ਕਿ ਕਮਰੇ ਵਿਚ ਤਿੰਨੋਂ ਬੱਚੇ ਅਤੇ ਪਤਨੀ ਦੀਆਂ ਲਾਸ਼ਾਂ ਲਟਕ ਰਹੀਆਂ ਸਨ। ਫਾਤਿਮਾ ਨੇ ਖ਼ੁਦਕੁਸ਼ੀ ਕਿਉਂ ਕੀਤੀ ਅਤੇ ਬੱਚਿਆਂ ਨੂੰ ਵੀ ਕਿਉਂ ਮਾਰਿਆ ਇਸ ਦਾ ਖ਼ੁਲਾਸਾ ਅਜੇ ਤੱਕ ਨਹੀਂ ਹੋਇਆ ਪਰ ਪੁਲਿਸ ਜਾਂਚ ਕਰ ਰਹੀ ਹੈ।
