TikTok ਅਤੇ Helo ਸਮੇਤ 59 ਚੀਨੀ ਐਪਸ ‘ਤੇ ਕੇਂਦਰ ਸਰਕਾਰ ਵੱਲੋਂ ਪਾਬੰਦੀ ਲਗਾਉਣ ਤੋਂ ਬਾਅਦ ਅਮਰੀਕੀ ਕੰਪਨੀ ਗੂਗਲ ਅਤੇ ਐਪਲ ਵੀ ਸਾਹਮਣੇ ਆਈਆਂ ਹਨ।
ਨਵੀਂ ਦਿੱਲੀ: TikTok ਅਤੇ Helo ਸਮੇਤ 59 ਚੀਨੀ ਐਪਸ ‘ਤੇ ਕੇਂਦਰ ਸਰਕਾਰ ਵੱਲੋਂ ਪਾਬੰਦੀ ਲਗਾਉਣ ਤੋਂ ਬਾਅਦ ਅਮਰੀਕੀ ਕੰਪਨੀ ਗੂਗਲ ਅਤੇ ਐਪਲ ਵੀ ਸਾਹਮਣੇ ਆਈਆਂ ਹਨ। ਇਹਨਾਂ ਦੋਵੇਂ ਕੰਪਨੀਆਂ ਨੇ ਅਪਣੇ ਐਪ ਸਟੋਰ ਤੋਂ ਟਿਕ-ਟਾਕ ਅਤੇ ਹੇਲੋ ਨੂੰ ਹਟਾ ਦਿੱਤਾ ਹੈ। ਬੀਤੀ ਰਾਤ ਕੇਂਦਰੀ ਗ੍ਰਹਿ ਮੰਤਰਾਲੇ ਦੇ ਆਦੇਸ਼ ਤੋਂ ਬਾਅਦ ਅੱਜ ਸਵੇਰੇ ਲਗਭਗ 9 ਵਜੇ ਇਹ ਕਦਮ ਚੁੱਕਿਆ ਗਿਆ।
Applications
ਹੁਣ ਕੋਈ ਵੀ ਭਾਰਤੀ ਯੂਜ਼ਰ ਇਹਨਾਂ ਐਪਸ ਨੂੰ ਡਾਊਨਲੋਡ ਨਹੀਂ ਕਰ ਸਕੇਗਾ। ਮਿਲੀ ਜਾਣਕਾਰੀ ਅਨੁਸਾਰ ਫਿਲਹਾਲ ਗੂਗਲ ਨੇ ਅਪਣੇ ਪਲੇ ਸਟੋਰ ਅਤੇ ਐਪਲ ਨੇ ਐਪ ਸਟੋਰ ਤੋਂ ਕੁਝ ਹੀ ਚੀਨੀ ਐਪਸ ਨੂੰ ਬੈਨ ਕੀਤਾ ਹੈ। ਹਾਲਾਂਕਿ ਕੇਂਦਰ ਸਰਕਾਰ ਵੱਲੋਂ ਬੈਨ ਕੀਤੇ ਗਏ ਸਾਰੇ ਚੀਨੀ ਐਪਸ ਵਿਚੋਂ ਕੁਝ ਐਪਸ ਹਾਲੇ ਵੀ ਪਲੇ ਸਟੋਰ ‘ਤੇ ਨਜ਼ਰ ਆ ਰਹੇ ਹਨ।
Tiktok
ਫਿਲਹਾਲ਼ ਦੋਵੇਂ ਹੀ ਅਮਰੀਕੀ ਕੰਪਨੀਆਂ ਨੇ ਅਪਣੀ ਇਸ ਕਾਰਵਾਈ ‘ਤੇ ਕੋਈ ਅਧਿਕਾਰਕ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਭਾਰਤ ਵਿਚ ਪਾਬੰਦੀ ਲੱਗਣ ਤੋਂ ਬਾਅਦ ਚੀਨ ਦੇ ਮੋਬਾਈਲ ਐਪ ਟਿਕਟਾਕ ਨੇ ਅਪਣੀ ਸਫਾਈ ਜਾਰੀ ਕੀਤੀ ਹੈ।
Play Store and App Store
ਬਿਆਨ ਜਾਰੀ ਕਰ ਕੇ ਟਿਕਟਾਕ ਨੇ ਕਿਹਾ ਕਿ ਕੰਪਨੀ ਭਾਰਤ ਵਿਚ ਅਪਣੇ ਕਿਸੇ ਵੀ ਯੂਜ਼ਰ ਦਾ ਡਾਟਾ ਕਿਸੇ ਵਿਦੇਸ਼ੀ ਸਰਕਾਰ ਨਾਲ ਸਾਂਝਾ ਨਹੀਂ ਕਰਦੀ। ਐਪ ‘ਤੇ ਪਾਬੰਦੀ ਲਗਾਉਣ ਦੇ ਮਾਮਲੇ ‘ਤੇ ਕੰਪਨੀ ਦਾ ਕਹਿਣਾ ਹੈ ਕਿ ਬਾਈਟਡਾਂਸ ਨੇ ਭਾਰਤ ਸਰਕਾਰ ਕੋਲ ਅਪਣਾ ਪੱਖ ਰੱਖਣ ਦੀ ਮਨਜ਼ੂਰੀ ਮੰਗੀ ਹੈ ਤਾਂ ਜੋ ਇਤਰਾਜ਼ ਦੂਰ ਕੀਤੇ ਜਾ ਸਕਣ।
