Advertisement

ਐਮਾਜ਼ੋਨ ਤੇ ਫਲਿੱਪ ਕਾਰਡ ਨੇ 36 ਘੰਟਿਆਂ ਵਿਚ ਕੀਤੀ ਦੁੱਗਣੀ ਕਮਾਈ!

ਏਜੰਸੀ | Edited by : ਸੁਖਵਿੰਦਰ ਕੌਰ
Published Sep 30, 2019, 1:03 pm IST
Updated Sep 30, 2019, 1:04 pm IST
ਦੋਵਾਂ ਕੰਪਨੀਆਂ ਨੇ ਪਹਿਲੇ ਦਿਨ ਕੁੱਲ ਵਪਾਰ ਦੇ ਸੰਬੰਧ ਵਿਚ ਕੋਈ ਜਾਣਕਾਰੀ ਪ੍ਰਦਾਨ ਨਹੀਂ ਕੀਤੀ।
Festive sale day 1 amazon rs 750 crore phones sold flipkart claims two fold growth
 Festive sale day 1 amazon rs 750 crore phones sold flipkart claims two fold growth

ਨਵੀਂ ਦਿੱਲੀ: ਐਮਾਜ਼ਾਨ ਨੇ ਸ਼ਨੀਵਾਰ ਤੋਂ ਸ਼ੁਰੂ ਹੋਣ ਵਾਲੇ ਗ੍ਰੇਟ ਇੰਡੀਅਨ ਫੈਸਟੀਵਲ ਸੇਲ ਵਿਚ ਆਪਣੇ ਪਲੇਟਫਾਰਮ 'ਤੇ 36 ਘੰਟਿਆਂ ਵਿਚ 750 ਕਰੋੜ ਰੁਪਏ ਦੇ ਸਮਾਰਟਫੋਨ ਵੇਚਣ ਦਾ ਦਾਅਵਾ ਕੀਤਾ ਹੈ, ਜਦਕਿ ਵਿਰੋਧੀ  ਫਲਿੱਪਕਾਰਟ ਨੇ ' ਬਿਗ ਬਿਲੀਅਨ ਸੇਲ 'ਪਹਿਲੇ ਦਿਨ ਦੁਗਣੀ ਵਿਕਰੀ ਹੋਣ ਦਾ ਦਾਅਵਾ ਕੀਤਾ ਹੈ। ਆਰਥਿਕ ਮੰਦੀ ਅਤੇ ਮੰਗ ਵਿੱਚ ਕਮੀ ਦੀ ਚਰਚਾ ਦੇ ਵਿਚਕਾਰ ਈ-ਕਾਮਰਸ ਕੰਪਨੀ ਐਮਾਜ਼ਾਨ ਅਤੇ ਫਲਿੱਪਕਾਰਟ ਨੇ ਤਿਉਹਾਰ ਵਿਕਰੀ ਵਿਚ ਭਾਰੀ ਕਮਾਈ ਕੀਤੀ ਹੈ। 

AmazonAmazon

Advertisement

ਹਾਲਾਂਕਿ, ਦੋਵਾਂ ਕੰਪਨੀਆਂ ਨੇ ਪਹਿਲੇ ਦਿਨ ਕੁੱਲ ਵਪਾਰ ਦੇ ਸੰਬੰਧ ਵਿਚ ਕੋਈ ਜਾਣਕਾਰੀ ਪ੍ਰਦਾਨ ਨਹੀਂ ਕੀਤੀ। ਇਹ ਆਨਲਾਈਨ ਵਿਕਰੀ 4 ਅਕਤੂਬਰ ਤੱਕ ਚੱਲੇਗੀ। ਮਾਹਰਾਂ ਦੇ ਅਨੁਸਾਰ, ਤਿਉਹਾਰਾਂ ਦੇ ਮੌਸਮ ਦੀ ਵਿਕਰੀ ਖਤਮ ਹੋਣ ਤੱਕ ਤਕਰੀਬਨ ਪੰਜ ਅਰਬ ਡਾਲਰ ਦਾ ਸੌਦਾ ਕੀਤਾ ਜਾ ਸਕਦਾ ਹੈ। ਇਨ੍ਹਾਂ ਦੋਵਾਂ ਕੰਪਨੀਆਂ ਤੋਂ ਇਲਾਵਾ ਸਨੈਪਡੀਲ, ਕਲੱਬ ਫੈਕਟਰੀ ਅਤੇ ਹੋਰ ਕੰਪਨੀਆਂ ਵੀ ਆਪਣੇ ਪਲੇਟਫਾਰਮ ਉੱਤੇ ਸੇਲ ਕਰ ਰਹੀਆਂ ਹਨ।

iphoneiphone

ਐਮਾਜ਼ਾਨ ਗਲੋਬਲ ਦੇ ਸੀਨੀਅਰ ਮੀਤ ਪ੍ਰਧਾਨ ਅਤੇ ਭਾਰਤ ਦੇ ਮੁਖੀ ਅਮਿਤ ਅਗਰਵਾਲ ਨੇ ਕਿਹਾ ਕਿ ਕਿਫਾਇਤੀ ਯੋਜਨਾ ਦੇ ਕਾਰਨ ਰਿਕਾਰਡ ਗਾਹਕਾਂ ਨੇ ਵਨ ਪਲੱਸ, ਸੈਮਸੰਗ ਅਤੇ ਐਪਲ ਵਰਗੇ ਪ੍ਰੀਮੀਅਮ ਬ੍ਰਾਂਡ ਦੇ ਮੋਬਾਈਲ ਫੋਨ ਖਰੀਦੇ ਹਨ। ਇਸੇ ਤਰ੍ਹਾਂ ਪਹਿਲੇ 36 ਘੰਟਿਆਂ ਵਿਚ ਵੱਡੀਆਂ ਚੀਜ਼ਾਂ ਅਤੇ ਟੀਵੀ ਦੀ ਵਿਕਰੀ ਦਸ ਗੁਣਾ ਵਧੀ ਹੈ।

Flipkart launched first furniture experience centerFlipkart 

ਇਸ ਤੋਂ ਇਲਾਵਾ, ਫੈਸ਼ਨ ਆਮ ਦਿਨਾਂ ਦੇ ਮੁਕਾਬਲੇ ਪੰਜ ਗੁਣਾ, ਸੁੰਦਰਤਾ ਉਤਪਾਦਾਂ ਵਿਚ ਸੱਤ ਗੁਣਾ, ਰੋਜ਼ ਦੀਆਂ ਚੀਜ਼ਾਂ ਵਿਚ 3.5 ਗੁਣਾ ਵਧਿਆ ਹੈ। ਅੱਧੇ ਦੁਕਾਨਦਾਰ ਟੀਅਰ 2 ਅਤੇ ਛੋਟੇ ਸ਼ਹਿਰਾਂ ਦੇ ਸਨ।  ਲਗਭਗ 42,500 ਵਿਕਰੇਤਾਵਾਂ ਨੂੰ ਪਹਿਲੇ 36 ਘੰਟਿਆਂ ਵਿਚ ਘੱਟੋ ਘੱਟ ਇੱਕ ਆਰਡਰ ਮਿਲਿਆ। ਫਲਿੱਪਕਾਰਟ ਦੇ ਸੀਈਓ ਕਲਿਆਣ ਕ੍ਰਿਸ਼ਣਾਮੂਰਤੀ ਨੇ ਕਿਹਾ ਕਿ ਕੰਪਨੀ ਨੇ ਪਿਛਲੇ ਸਾਲ ਮਹਾ ਸੇਲ ਦੇ ਪਹਿਲੇ ਦਿਨ ਦੇ ਮੁਕਾਬਲੇ ਫੈਸ਼ਨ, ਸੁੰਦਰਤਾ, ਨਿੱਜੀ ਵਰਤੋਂ ਵਾਲੇ ਸਮਾਨ ਅਤੇ ਫਰਨੀਚਰ ਵਿਚ ਮਹੱਤਵਪੂਰਨ ਵਾਧਾ ਦਰਜ ਕੀਤਾ ਸੀ।

ਵਪਾਰ ਸੰਗਠਨ ਕਨਫੈਡਰੇਸ਼ਨ ਆਫ ਆਲ ਇੰਡੀਆ ਟ੍ਰੇਡਰਜ਼ (ਸੀ.ਏ.ਆਈ.ਟੀ.) ਨੇ ਕਿਹਾ ਕਿ ਤਿਉਹਾਰਾਂ ਦੇ ਮੌਸਮ ਦੌਰਾਨ ਈ-ਕਾਮਰਸ ਕੰਪਨੀਆਂ ਅਸਲ ਕੀਮਤ ਦੀ ਬਜਾਏ ਛੂਟ ਵਾਲੇ ਭਾਅ 'ਤੇ ਜੀਐਸਟੀ ਲਗਾ ਕੇ ਸਰਕਾਰ ਦੇ ਮਾਲੀਆ ਨੂੰ ਨੁਕਸਾਨ ਪਹੁੰਚਾ ਰਹੀਆਂ ਹਨ। ਇਸ 'ਤੇ ਸੰਗਠਨ ਨੇ ਐਤਵਾਰ ਨੂੰ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੂੰ ਇਕ ਪੱਤਰ ਵੀ ਲਿਖਿਆ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।

Location: India, Delhi, New Delhi
Advertisement

 

Advertisement
Advertisement