ਕੈਪਟਨ ਅਮਰਿੰਦਰ ਸਿੰਘ ਕੋਲੋਂ ਮਨਪ੍ਰੀਤ ਬਾਦਲ ਦੀ ਬਰਖ਼ਾਸਤੀ ਦੀ ਮੰਗ ਕੀਤੀ
ਚੰਡੀਗੜ੍ਹ : ਤਿੰਨ-ਚਾਰ ਦਿਨਾਂ ਤੋਂ ਪੰਜਾਬ ਸਮੇਤ ਦੇਸ਼ ਦੇ ਉੱਤਰੀ ਸੂਬਿਆਂ 'ਚ ਮੀਂਹ ਪੈ ਰਿਹਾ ਹੈ। ਕਈ ਇਲਾਕਿਆਂ ਵਿਚ ਮੀਂਹ ਦਾ ਪਾਣੀ ਸੜਕਾਂ 'ਤੇ ਇਕੱਠਾ ਹੋ ਕੇ ਤਾਲਾਬ ਦਾ ਰੂਪ ਧਾਰ ਗਿਆ ਹੈ। ਬਠਿੰਡਾ 'ਚ ਪਏ ਭਾਰੀ ਮੀਂਹ ਨਾਲ ਹੜ੍ਹ ਦੇ ਹਾਲਾਤ ਬਣ ਗਏ ਹਨ, ਜਿਸ 'ਤੇ ਸਿਆਸਤ ਭਖਣੀ ਸ਼ੁਰੂ ਹੋ ਗਈ ਹੈ। ਬਠਿੰਡਾ ਤੋਂ ਤੀਜੀ ਵਾਰ ਦੀ ਸੰਸਦ ਮੈਂਬਰ ਬਣੀ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਪੰਜਾਬ ਦੇ ਕੈਬਨਿਟ ਮੰਤਰੀ ਮਨਪ੍ਰੀਤ ਬਾਦਲ 'ਤੇ ਤਿੱਖਾ ਹਮਲਾ ਕੀਤਾ ਹੈ। ਬਠਿੰਡਾ 'ਚ ਹੜ੍ਹ ਵਰਗੇ ਹਾਲਾਤ ਲਈ ਹਰਸਿਮਰਤ ਨੇ ਮਨਪ੍ਰੀਤ ਬਾਦਲ ਨੂੰ ਜ਼ਿੰਮੇਵਾਰ ਦੱਸਿਆ ਹੈ। ਹਰਸਿਮਰਤ ਨੇ ਇਸ ਸਬੰਧੀ ਟਵੀਟ ਕਰਦਿਆਂ ਕੈਪਟਨ ਅਮਰਿੰਦਰ ਸਿੰਘ ਕੋਲੋਂ ਮਨਪ੍ਰੀਤ ਬਾਦਲ ਦੀ ਬਰਖ਼ਾਸਤੀ ਦੀ ਮੰਗ ਕੀਤੀ ਹੈ।
Pb CM @capt_amarinder must sack FM Manpreet Badal for flooding Bathinda by stopping sludge carrier line work aimed at doubling water drain out capacity, withholding funds to MC & even diverting MC funds to Improvement Trust. He is directly responsible for flooding Bathinda.
— Harsimrat Kaur Badal (@HarsimratBadal_) 17 July 2019
ਹਰਸਿਮਰਤ ਨੇ ਆਪਣੇ ਟਵੀਟ 'ਚ ਲਿਖਿਆ ਕਿ ਨਗਰ ਨਿਗਮ ਦਾ ਪੈਸੇ ਰੋਕਣ ਕਾਰਨ ਹੜ੍ਹ ਦੇ ਹਾਲਾਤ ਬਣੇ ਹਨ। ਡਰੇਨਜ਼ ਸਿਸਟਮ ਦੀ ਦਰੁਸਤੀ ਲਈ ਜੋ ਪੈਸੇ ਦੀ ਵਰਤੋਂ ਹੋਣੀ ਚਾਹੀਦੀ ਸੀ ਉਹ ਨਹੀਂ ਹੋਈ ਕਿਉਂਕਿ ਨਗਰ ਨਿਗਮ ਦੇ ਫ਼ੰਡ ਰੋਕ ਕੇ ਉਨ੍ਹਾਂ ਨੂੰ ਇੰਪਰੂਵਮੈਂਟ ਟਰੱਸਟ 'ਚ ਦਿੱਤਾ ਗਿਆ। ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਨੂੰ ਲੋਕਾਂ ਨੂੰ ਦੱਸਣਾ ਚਾਹੀਦਾ ਹੈ ਕਿ ਉਨ੍ਹਾਂ ਨੇ ਬਠਿੰਡਾ ਨੂੰ ਨੰਬਰ-1 ਬਣਾਉਣ ਦੇ ਵਾਅਦੇ ਨੂੰ ਪੂਰਾ ਕਿਉਂ ਨਹੀਂ ਕੀਤਾ।
FM Manpreet Badal should tell ppl why he didnt implement his No 1 Bathinda manifesto promise to remove water logging. Manpreet promised that he would make arrangements to drain out water by gravity flow from the city. He however forgot to allocate even one rupee for this project.
— Harsimrat Kaur Badal (@HarsimratBadal_) 17 July 2019
ਹਰਸਿਮਰਤ ਨੇ ਇਕ ਟਵੀਟ ਹੋਰ ਕਰਦਿਆਂ ਕਿਹਾ ਕਿ ਪਿਛਲੇ ਮਹੀਨੇ ਐਨ.ਡੀ.ਏ. ਸਰਕਾਰ ਵੱਲੋਂ AMRUT ਸਕੀਮ ਦੇ ਅਧੀਨ 16 ਇਲਾਕਿਆਂ ਅੰਦਰ 5 ਹਜ਼ਾਰ ਘਰਾਂ ਦੇ ਡਰੇਨਜ਼ ਸਿਸਟਮ ਨੂੰ ਦਰੁਸਤ ਕਰਨ ਸਬੰਧੀ 48 ਕਰੋੜ ਸਟੇਟ ਪ੍ਰਾਜੈਕਟ ਵਜੋਂ ਵੀ ਦਿੱਤੇ ਗਏ ਸਨ। ਮਨਪ੍ਰੀਤ ਬਾਦਲ ਨੇ ਚੋਣਾਂ ਤੋਂ ਪਹਿਲਾਂ ਕਿਹਾ ਸੀ ਕਿ ਉਹ ਪਾਣੀ ਦੀ ਨਿਕਾਸੀ ਦੀ ਸਮੱਸਿਆ ਨੂੰ ਦੂਰ ਕਰਨਗੇ ਪਰ ਉਹ ਇਸ ਪ੍ਰਾਜੈਕਟ ਲਈ 1 ਰੁਪਇਆ ਵੀ ਦੇਣਾ ਭੁੱਲ ਗਏ।
Bathinda was sanctioned Rs 48 crore last month under NDA govt’s AMRUT scheme for laying new sewer line to resolve water logging problems besides providing sewerage system to 5 k houses in 16 new areas. State should put its 30 per cent share imm to ensure early start of project.
— Harsimrat Kaur Badal (@HarsimratBadal_) 17 July 2019
ਜ਼ਿਕਰਯੋਗ ਹੈ ਕਿ ਬੀਤੇ ਦਿਨੀਂ ਬਠਿੰਡਾ ਤੇ ਮੁਕਤਸਾਰ ਵਿਚ ਲਗਾਤਾਰ ਮੀਂਹ ਪੈਣ ਕਾਰਨ ਲੋਕਾਂ ਦੇ ਘਰਾਂ 'ਚ ਪਾਣੀ ਭਰ ਗਿਆ ਸੀ। ਇਥੋਂ ਤਕ ਕਿ ਆਈਜੀ ਬਠਿੰਡਾ ਰੇਂਜ ਐਮਐਫ ਫ਼ਾਰੂਕੀ ਅਤੇ ਐਸਐਸਪੀ ਡਾ. ਨਾਨਕ ਸਿੰਘ ਦੀਆਂ ਕੋਠੀਆਂ ਪਾਣੀ ਨਾਲ ਭਰ ਗਈਆਂ ਸਨ। ਆਈਜੀ ਦੀ ਕੋਠੀ ਅੰਦਰ 5-5 ਫੁੱਟ ਦੇ ਕਰੀਬ ਪਾਣੀ ਜਮ੍ਹਾ ਹੋ ਗਿਆ ਸੀ।
