ਲੰਬੀ ਦੀਆਂ 85 ਫ਼ੀਸਦੀ ਪੰਚਾਇਤਾਂ 'ਤੇ ਕਾਂਗਰਸ ਦਾ ਕਬਜ਼ਾ
Published : Jan 1, 2019, 6:05 pm IST
Updated : Apr 10, 2020, 10:29 am IST
SHARE ARTICLE
Panchayati Elections
Panchayati Elections

ਪੰਚਾਇਤ ਚੋਣਾਂ ਦੌਰਾਨ ਲੱਗੇ ਵੱਡੇ ਝਟਕੇ ਨੇ ਸ਼੍ਰੋਮਣੀ ਅਕਾਲੀ ਦਲ ਨੂੰ ਹੋਰ ਜ਼ਿਆਦਾ ਪਿੱਛੇ ਧੱਕ ਦਿਤਾ ਹੈ। ਇਸ ਦਾ ਅੰਦਾਜ਼ਾ ਬਾਦਲ ਦੇ ਜੱਦੀ ਹਲਕੇ ਲੰਬੀ...

ਚੰਡੀਗੜ੍ਹ (ਸ.ਸ.ਸ) : ਪੰਚਾਇਤ ਚੋਣਾਂ ਦੌਰਾਨ ਲੱਗੇ ਵੱਡੇ ਝਟਕੇ ਨੇ ਸ਼੍ਰੋਮਣੀ ਅਕਾਲੀ ਦਲ ਨੂੰ ਹੋਰ ਜ਼ਿਆਦਾ ਪਿੱਛੇ ਧੱਕ ਦਿਤਾ ਹੈ। ਇਸ ਦਾ ਅੰਦਾਜ਼ਾ ਬਾਦਲ ਦੇ ਜੱਦੀ ਹਲਕੇ ਲੰਬੀ ਤੋਂ ਲਗਾਇਆ ਜਾ ਸਕਦਾ ਹੈ। ਜ਼ਿਲ੍ਹਾ ਮੁਕਤਸਰ ਵਿਚ ਪੈਂਦੇ ਹਲਕਾ ਲੰਬੀ ਵਿਚ ਕਾਂਗਰਸ ਦਾ 75 ਪੰਚਾਇਤਾਂ ਵਿਚੋਂ 64 ਪੰਚਾਇਤਾਂ 'ਤੇ ਕਬਜ਼ਾ ਰਿਹਾ, ਭਾਵ ਕਿ ਕਾਂਗਰਸ ਨੇ ਹਲਕੇ ਦੀਆਂ 85 ਫ਼ੀਸਦੀ ਪੰਚਾਇਤ ਚੋਣਾਂ ਜਿੱਤੀਆਂ। ਮੁਕਤਸਰ ਕਾਂਗਰਸ ਦੇ ਪ੍ਰਧਾਨ ਗੁਰਮੀਤ ਸਿੰਘ ਖੁੱਡੀਆਂ ਨੇ ਕਿਹਾ ਕਿ 64 ਹਲਕਾ ਲੰਬੀ ਦੀਆਂ ਪੰਚਾਇਤਾਂ ਵਿਚ 64 ਪੰਚਾਇਤਾਂ 'ਤੇ ਕਾਂਗਰਸੀ ਪੱਖੀ ਉਮੀਦਵਾਰਾਂ ਨੇ ਜਿੱਤ ਪ੍ਰਾਪਤ ਕੀਤੀ ਹੈ। 

ਅਕਾਲੀ ਦਲ ਦੀ ਪਤਲੀ ਹਾਲਤ ਦਾ ਪ੍ਰਤੱਖ ਸਬੂਤ ਬਾਦਲਾਂ ਦੇ ਪਿੰਡ ਬਾਦਲ ਤੋਂ ਵੀ ਮਿਲ ਜਾਂਦਾ ਹੈ, ਜਿੱਥੇ ਕਾਂਗਰਸੀ ਉਮੀਦਵਾਰ ਜਬਰਜੰਗ ਸਿੰਘ ਮੁੱਖਾ ਨੇ ਬਾਦਲਾਂ ਦੇ ਕਰੀਬੀ ਅਤੇ ਅਕਾਲੀ ਉਮੀਦਵਾਰ ਉਦੈ ਢਿੱਲੋਂ ਨੂੰ 376 ਵੋਟਾਂ ਨਾਲ ਕਰਾਰੀ ਮਾਤ ਦਿਤੀ। ਕਹਿਣ ਤੋਂ ਭਾਵ ਕਿ ਬਾਦਲ ਅਪਣੇ ਪਿੰਡ ਦੀ ਸਰਪੰਚੀ ਤਕ ਵੀ ਨਹੀਂ ਜਿੱਤ ਸਕੇ। ਇਸ ਤੋਂ ਇਲਾਵਾ ਲੰਬੀ ਹਲਕੇ ਦੇ ਪਿੰਡ ਭੀਟੀਵਾਲਾ, ਮਿੱਡੂਖੇੜਾ, ਘੱਗੜ, ਮਿਠਡੀ, ਭਾਗੂ ਅਤੇ ਮਾਨ ਵਿਚ ਵੀ ਕਾਂਗਰਸੀ ਉਮੀਦਵਾਰ ਵੱਡੇ ਫ਼ਰਕ ਨਾਲ ਜਿੱਤੇ।

ਸੀਨੀਅਰ ਅਕਾਲੀ ਆਗੂ ਮਨਜਿੰਦਰ ਸਿੰਘ ਬਿੱਟੂ ਅਤੇ ਸਾਬਕਾ ਅਕਾਲ ਤਖ਼ਤ ਦੇ ਜਥੇਦਾਰ ਦੇ ਪਿੰਡ ਚੱਕ ਬਾਜਾ ਵਿਚ ਵੀ ਅਕਾਲੀ ਦਲ ਦਾ ਅਸਰ ਨਜ਼ਰ ਨਹੀਂ ਆਇਆ। ਇੱਥੇ ਕਾਂਗਰਸੀ ਉਮੀਦਵਾਰ ਅਮਰਦੀਪ ਕੌਰ ਨੇ ਅਕਾਲੀ ਉਮੀਦਵਾਰ ਰਮਨਦੀਪ ਨੂੰ ਹਰਾ ਦਿਤਾ। ਪਿਛਲੀਆਂ ਲੋਕ ਸਭਾ ਚੋਣਾਂ ਦੀ ਜੇਕਰ ਗੱਲ ਕਰੀਏ ਤਾਂ ਹਰਸਿਮਰਤ ਕੌਰ ਬਾਦਲ ਨੂੰ ਹਲਕਾ ਲੰਬੀ ਤੋਂ 34 ਹਜ਼ਾਰ ਵੋਟਾਂ ਦੀ ਵੱਡੀ ਲੀਡ ਹਾਸਲ ਹੋਈ ਸੀ। ਉਸ ਸਮੇਂ ਉਨ੍ਹਾਂ ਦੇ ਸਹੁਰਾ ਸਾਹਿਬ ਪੰਜਾਬ ਦੇ ਮੁੱਖ ਮੰਤਰੀ ਸਨ।

 

ਪੰਚਾਇਤ ਚੋਣਾਂ ਵਿਚ ਆਏ ਨਤੀਜਿਆਂ ਤੋਂ ਇਕ ਗੱਲ ਸਪੱਸ਼ਟ ਹੁੰਦੀ ਨਜ਼ਰ ਆ ਰਹੀ ਹੈ ਕਿ ਬਾਦਲਾਂ ਵਲੋਂ ਭੁੱਲਾਂ ਚੁੱਕਾਂ ਦੀ ਮੰਗੀ ਮੁਆਫ਼ੀ ਵੀ ਉਨ੍ਹਾਂ ਦੇ ਕਿਸੇ ਕੰਮ ਨਹੀਂ ਆ ਸਕੀ। ਲੋਕਾਂ ਦੇ ਮਨਾਂ ਵਿਚ ਅਜੇ ਵੀ ਅਕਾਲੀ ਦਲ ਪ੍ਰਤੀ ਰੋਸ ਬਰਕਰਾਰ ਹੈ, ਜਿਸ ਦਾ ਅਸਰ ਪੰਚਾਇਤ ਚੋਣਾਂ ਦੇ ਨਤੀਜਿਆਂ ਵਿਚ ਦੇਖਣ ਨੂੰ ਮਿਲ ਗਿਆ ਹੈ। ਲੰਬੀ ਹਲਕੇ ਵਿਚ ਅਕਾਲੀ ਦਲ ਦੀ ਕਰਾਰੀ ਹਾਰ ਇਸ ਦਾ ਇਕ ਹੋਰ ਵੱਡਾ ਸਬੂਤ ਕਿਹਾ ਜਾ ਸਕਦਾ ਹੈ। 

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Ludhiana News Update: ਕੈਨੇਡਾ ਜਾ ਕੇ ਮੁੱਕਰੀ ਇੱਕ ਹੋਰ ਪੰਜਾਬਣ, ਨੇਪਾਲ ਤੋਂ ਚੜ੍ਹੀ ਪੁਲਿਸ ਅੜ੍ਹਿੱਕੇ, ਪਰਿਵਾਰ ਨਾਲ

17 May 2024 4:33 PM

Today Top News Live - ਵੇਖੋ ਅੱਜ ਦੀਆਂ ਮੁੱਖ ਖ਼ਬਰਾ, ਜਾਣੋ ਕੀ ਕੁੱਝ ਹੈ ਖ਼ਾਸ Bulletin LIVE

17 May 2024 1:48 PM

ਕਰੋੜ ਰੁਪਏ ਦੀ ਆਫ਼ਰ ਨੂੰ ਠੋਕਰ ਮਾਰਨ ਵਾਲੀ ਲੁਧਿਆਣਾ ਦੀ MLA ਨੇ ਖੜਕਾਏ ਵਿਰੋਧੀ, '400 ਤਾਂ ਦੂਰ ਦੀ ਗੱਲ, ਭਾਜਪਾ ਦੀ

17 May 2024 11:53 AM

Amit Shah ਜਾਂ Rajnath Singh ਕਿਉਂ ਨਹੀਂ ਬਣ ਸਕਦੇ PM? Yogi ਤੇ Modi ਦੇ ਦਿਲਾਂ ਚ ਬਹੁਤ ਦੂਰੀਆਂ ਨੇ Debate Live

17 May 2024 10:54 AM

Speed News

17 May 2024 10:33 AM
Advertisement