Punjab News: Case registered against 8 for assaulting ASI in Fazilka
ਏ.ਐਸ.ਆਈ. ਨਾਲ ਹੱਥੋਪਾਈ ਕਰਕੇ ਨੌਜਵਾਨ ਨੂੰ ਛੁਡਵਾ ਲਿਆ ਅਤੇ ਉਥੋਂ ਭੱਜ ਗਏ
ਫ਼ਾਜ਼ਿਲਕਾ: ਫ਼ਾਜ਼ਿਲਕਾ ਦੇ ਪਿੰਡ ਝੰਗੜ ਭੈਣੀ ਤੋਂ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਪਿੰਡ ਝੰਗੜ ਭੈਣੀ ਵਿਚ ਪੁਲਿਸ ਦੇ ਏ.ਐਸ.ਆਈ. ਨਾਲ ਲੋਕਾਂ ਵਲੋਂ ਹੱਥੋਪਾਈ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ਉਤੇ ਵਾਇਰਲ ਹੋ ਰਹੀ ਹੈ। ਪੁਲਿਸ ਨੇ ਇਸ ਮਾਮਲੇ ਨੂੰ ਲੈ ਕੇ 8 ਲੋਕਾਂ ਖ਼ਿਲਾਫ਼ ਪਰਚਾ ਦਰਜ ਕਰ ਲਿਆ ਹੈ। ਪਿੰਡ ਦੇ ਪੰਚਾਇਤ ਮੈਂਬਰ ਦੀ ਸ਼ਿਕਾਇਤ ਉਤੇ ਪੁਲਿਸ ਟੀਮ ਪਿੰਡ ਪੁੱਜੀ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਏ.ਐਸ.ਆਈ. ਪੁਲਿਸ ਦੀ 112 ਹੈਲਪ ਲਾਈਨ ਉਤੇ ਝਗੜੇ ਦੀ ਸ਼ਿਕਾਇਤ ਮਿਲਣ ਤੋਂ ਬਾਅਦ ਪੁਲਿਸ ਪਾਰਟੀ ਨਾਲ ਪਿੰਡ ਪੁੱਜਿਆ ਸੀ। ਜਿਥੇ ਤੇਜ਼ਧਾਰ ਹਥਿਆਰ ਸਣੇ ਇਕ ਨੌਜਵਾਨ ਨੂੰ ਪੁਲਿਸ ਨੇ ਕਾਬੂ ਕੀਤਾ ਸੀ ਅਤੇ ਏ.ਐਸ.ਆਈ. ਵਲੋਂ ਉਸ ਨੌਜਵਾਨ ਨੂੰ ਪੁਲਿਸ ਦੀ ਗੱਡੀ ਵਿਚ ਬਿਠਾਇਆ ਜਾ ਰਿਹਾ ਸੀ ਪਰ ਉਸ ਦੇ ਵਾਰਿਸਾਂ ਨੇ ਏ.ਐਸ.ਆਈ. ਨਾਲ ਹੱਥੋਪਾਈ ਕਰਕੇ ਨੌਜਵਾਨ ਨੂੰ ਛੁਡਵਾ ਲਿਆ ਅਤੇ ਉਥੋਂ ਭੱਜ ਗਏ।
