ਦਿਨ ਦਿਹਾੜੇ ਲੁੱਟੇ ਏਨੇ ਪੈਸੇ !
ਲੁਧਿਆਣਾ: ਚੋਰਾਂ ਦੇ ਹੋਂਸਲੇ ਇਸ ਕਦਰ ਬੁਲੰਦ ਨੇ ਕਿ ਚੋਰ ਨੂੰ ਨਾ ਤਾਂ ਪੁਲਿਸ ਦਾ ਖੌਫ ਹੈ ਤੇ ਨਾ ਹੀ ਲੋਕਾਂ ਦਾ। ਬੇਖੌਫ ਹੋ ਕੇ ਚੋਰ ਆਪਣੇ ਮਨਸੂਬਿਆਂ ਵਿਚ ਕਾਮਯਾਬ ਹੋ ਰਹੇ ਹਨ। ਅਜਿਹਾ ਹੀ ਇੱਕ ਮਾਮਲਾ ਲੁਧਿਆਣਾ ਵਿਖੇ ਵੇਖਣ ਨੂੰ ਮਿਲਿਆ ਜਿੱਥੇ ਚੋਰਾਂ ਨੇ ਏ ਟੀ ਐਮ ਨੂੰ ਆਪਣਾ ਨਿਸ਼ਾਨਾ ਬਣਾਇਆ ਤੇ ਗੈਸ ਕਟਰ ਦੀ ਵਰਤੋਂ ਕਰ ਕੇ ਸਾਰਾ ਕੈਸ਼ ਲੈ ਕੇ ਰਫੂਚੱਕਰ ਹੋ ਗਏ।
Bank Maneger
ਇਸ ਦੀ ਸਾਰੀ ਵੀਡੀਉ ਓਥੇ ਲੱਗੇ ਸੀਸੀਟੀਵੀ ਵਿਚ ਕੈਦ ਹੋ ਗਈ। ਤਸਵੀਰਾਂ ਬਿਆਨ ਕਰ ਰਹੀਆਂ ਹਨ ਚੋਰ ਕਿਸ ਤਰ੍ਹਾਂ ਬੈਂਕ ਦੇ ਏਟੀਐਮ ਨੂੰ ਨਿਸ਼ਾਨਾ ਬਣਾ ਰਹੇ ਹਨ। ਸੀਸੀਟੀਵੀ ਵਿਚ ਤੁਸੀਂ ਵੇਖ ਸਕਦੇ ਹੋ ਕਿ ਪਹਿਲਾਂ ਇਕ ਵਿਅਕਤੀ ਏਟੀਐਮ ਵਿਚ ਦਾਖਿਲ ਹੁੰਦਾ ਹੈ ਤੇ ਫੇਰ ਦੂਜਾ ਵਿਅਕਤੀ ਦਾਖਿਲ ਹੁੰਦਾ ਹੈ। ਦੋਵੇਂ ਗੈਸ ਕੱਟਰ ਦੀ ਮਦਦ ਨਾਲ ਏਟੀਐਮ ਮਸ਼ੀਨ ਨੂੰ ਕੱਟਦੇ ਹਨ ਤੇ ਸਾਰਾ ਕੈਸ਼ ਕੱਢਦੇ ਹਨ। ਇਸ ਤੋਂ ਬਾਅਦ ਉਹ ਭੱਜਣ ਵਿਚ ਕਾਮਯਾਬ ਹੋ ਜਾਂਦੇ ਹਨ।
ATM
ਜਦੋਂ ਬੈਂਕ ਦੇ ਪ੍ਰਬੰਧਕ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਸ ਨੇ ਦਸਿਆ ਕਿ ਉਹਨਾਂ ਨੂੰ ਸਵੇਰੇ ਇਸ ਦੀ ਜਾਣਕਾਰੀ ਮਿਲੀ ਸੀ। ਏਟੀਐਮ ਨੂੰ ਗੈਸ ਕਟਰ ਨਾਲ ਕੱਟਿਆ ਗਿਆ ਸੀ ਅਤੇ ਉਸ ਵਿਚੋਂ ਸਾਰੇ ਪੈਸੇ ਕੱਢ ਲਏ ਗਏ ਸਨ। ਇਸ ਦੀ ਜਾਣਕਾਰੀ ਮਿਲਦੇ ਬੈਂਕ ਦਾ ਪ੍ਰਬੰਧਕ ਇੱਥੇ ਪੁੱਜਾ। ਉਹਨਾਂ ਨੇ ਕੱਲ੍ਹ ਸ਼ਾਮ ਦੇ ਟਾਈਮ ਪੈਸੇ ਏਟੀਐਮ ਵਿਚ ਪਾਏ ਸਨ। ਓਥੇ ਹੀ ਪੁਲਿਸ ਅਧਿਕਾਰੀ ਨੇ ਵੀ ਸੀਸੀਟੀਵੀ ਫੁਟੇਜ ਦੇ ਅਧਾਰ ਤੇ ਕਾਰਵਾਈ ਕਰਨ ਦੀ ਗੱਲ ਆਖੀ ਹੈ।
Photo
ਗੌਰ ਕਰਨ ਵਾਲੀ ਗੱਲ ਹੈ ਕਿ ਇੰਨੇ ਵੱਡੇ ਬੈਂਕ ਦੇ ਏਟੀਐਮ ਵਿਚੋਂ ਚੋਰ 23 ਲੱਖ 65 ਹਜ਼ਾਰ ਦੀ ਨਗਦੀ ਲੈ ਕੇ ਫਰਾਰ ਹੋ ਜਾਂਦੇ ਹਨ ਤੇ ਏਟੀਐਮ ਦੇ ਬਾਹਰ ਨਾ ਤਾਂ ਸਿਕਿਊਰਿਟੀ ਗਾਰਡ ਹੀ ਹੈ ਜੋ ਕਿ ਬੈਂਕ ਪ੍ਰਬੰਧਕ ਦੀ ਕਾਰਗੁਜਾਰੀ ਤੇ ਵੱਡੇ ਸਵਾਲ ਖੜੇ ਕਰਦਾ ਹੈ ਓਥੇ ਹੀ ਪੁਲਿਸ ਪ੍ਰਸ਼ਾਸ਼ਨ ਤੇ ਵੀ ਕਈ ਸਵਾਲ ਖੜੇ ਕਰਦਾ ਹੈ। ਖੇਰ ਇਹ ਤਾਂ ਹੁਣ ਸਮੇਂ ਹੀ ਦਸੇਗਾ ਕਿ ਕਦੋਂ ਇਹ ਚੋਰ ਪੁਲਿਸ ਅੜਿੱਕੇ ਚੜਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
