ਉਹਨਾਂ ਵੱਲੋਂ ਬਲਵਿੰਦਰ ਜਿੰਦੂ ਤੇ ਕਈ ਤਰ੍ਹਾਂ ਦੇ ਘਟੀਆ ਇਲਜ਼ਾਮ...
ਲੁਧਿਆਣਾ: ਲੁਧਿਆਣਾ ਵਿਚ ਗੁਰੂ ਨਾਨਕ ਮੋਦੀਖਾਨਾ ਖੋਲ੍ਹਿਆ ਗਿਆ ਹੈ ਜਿਸ ਦੇ ਮੁੱਖ ਸੇਵਾਦਾਰ ਬਲਵਿੰਦਰ ਸਿੰਘ ਜਿੰਦੂ ਹਨ ਤੇ ਇਹ ਹੁਣ ਚਰਚਾ ਦਾ ਵਿਸ਼ਾ ਬਣ ਚੁੱਕਿਆ ਹੈ। ਹੁਣ ਹੋਰਨਾਂ ਲੋਕਾਂ ਨੇ ਵੇਖੋ-ਵੇਖੀ ਹੋਰ ਮੋਦੀਖਾਨੇ ਖੋਲ੍ਹਣ ਦਾ ਫ਼ੈਸਲਾ ਕਰ ਲਿਆ ਹੈ। ਸਿਆਸੀ ਪਾਰਟੀਆਂ ਅਤੇ ਹਿੰਦੂ ਨੇਤਾਵਾਂ ਵੱਲੋਂ ਇਸ ਨੂੰ ਬੰਦ ਕਰਵਾਉਣ ਦੀਆਂ ਸਾਜ਼ਿਸ਼ਾਂ ਰਚੀਆਂ ਜਾ ਰਹੀਆਂ ਹਨ।
ਉਹਨਾਂ ਵੱਲੋਂ ਬਲਵਿੰਦਰ ਜਿੰਦੂ ਤੇ ਕਈ ਤਰ੍ਹਾਂ ਦੇ ਘਟੀਆ ਇਲਜ਼ਾਮ ਲਗਾਏ ਗਏ ਸਨ। ਇਕ ਵਾਰ ਫਿਰ ਸਪੋਕਸਮੈਨ ਟੀਮ ਵੱਲੋਂ ਬਲਵਿੰਦਰ ਸਿੰਘ ਜਿੰਦੂ ਨਾਲ ਮੁਲਾਕਾਤ ਕੀਤੀ ਗਈ ਤੇ ਉਹਨਾਂ ਤੋਂ ਇਸ ਮੁੱਦੇ ਤੇ ਵਿਚਾਰ ਚਰਚਾ ਕੀਤੀ ਗਈ। ਬਲਵਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਕੁਦਰਤ ਦਾ ਨਿਯਮ ਹੈ ਕਿ ਜਦੋਂ ਗੁਲਾਬ ਦੇ ਫੁੱਲ ਦੇ ਬੂਟੇ ਤੇ ਕੰਡੇ ਵੀ ਜ਼ਰੂਰ ਹੁੰਦੇ ਹਨ।
ਇਸ ਮੋਦੀਖਾਨੇ ਤੋਂ ਦਵਾਈ ਉਹਨਾਂ ਲੋਕਾਂ ਨੂੰ ਜਾਂਦੀ ਹੈ ਜਿਹੜੇ ਕਿ ਬਹੁਤ ਹੀ ਗਰੀਬ ਹਨ ਤੇ ਲੋਕ ਵੀ ਦੂਰੋਂ-ਦੂਰੋਂ ਦਵਾਈ ਲੈਣ ਆਉਂਦੇ ਹਨ। ਜਦੋਂ ਪੁਲਿਸ ਉੱਥੇ ਆਈ ਤਾਂ ਉਹਨਾਂ ਨੇ ਪੁਲਿਸ ਨੂੰ ਫੋਨ ਕਰ ਕੇ ਪੁੱਛਿਆ ਕਿ ਉਹ ਉੱਥੇ ਕਿਉਂ ਆਏ ਹਨ ਤਾਂ ਪੁਲਿਸ ਨੇ ਦਸਿਆ ਕਿ ਉਹ ਨਾਮ, ਪਤਾ ਪੁੱਛਣ ਆਏ ਹਨ। ਇਸ ਨਾਲ ਕਈ ਲੋਕ ਡਰ ਗਏ ਤੇ ਉਹ ਉੱਥੋਂ ਦਵਾਈ ਲਏ ਬਿਨਾਂ ਹੀ ਚਲੇ ਗਏ।
ਇਕੱਠ ਇਕ ਦਮ ਘਟ ਗਿਆ ਤੇ ਉਸ ਤੋਂ ਬਾਅਦ ਉਹਨਾਂ ਨੇ ਅਪਣੀ ਟੀਮ ਨੂੰ ਭੇਜਿਆ ਕਿ ਉਹ ਪੁਲਿਸ ਨੂੰ ਪੁੱਛਣ ਕਿ ਉਹ ਕੀ ਕਰਨ ਆਏ ਹਨ ਤਾਂ ਪੁਲਿਸ ਨੇ ਦਸਿਆ ਕਿ ਉਹ ਤਾਂ ਸੋਸ਼ਲ ਡਿਸਟੈਂਸਿੰਗ ਲਈ ਆਏ ਹਨ। ਹੁਣ ਲੋਕਾਂ ਨੂੰ ਮੋਦੀਖਾਨੇ ਦੀ ਸੇਵਾ ਇੰਨੀ ਚੰਗੀ ਲੱਗ ਚੁੱਕੀ ਹੈ ਕਿ ਦੇਸ਼ ਦੀਆਂ ਨਾਮਵਾਰ ਸ਼ਖਸ਼ੀਅਤਾਂ ਇਸ ਨੇਕ ਕੰਮ ਵਿਚ ਅਪਣਾ ਯੋਗਦਾਨ ਪਾ ਰਹੀਆਂ ਹਨ।
ਜਦੋਂ ਦਾ ਲੋਕਾਂ ਨੂੰ ਐਥੀਕਲ ਅਤੇ ਜੈਨੇਰਿਕ ਦਵਾਈਆਂ ਦਾ ਪਤਾ ਲੱਗਿਆ ਹੈ ਉਦੋਂ ਤੋਂ ਹੀ ਮੋਦੀਖਾਨੇ ਨੂੰ ਕਈ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜਿਸ ਵਿਅਕਤੀ ਦੀ ਇਹ ਦੁਕਾਨ ਹੈ ਉਹ ਵੀ ਉਹਨਾਂ ਦੇ ਨਾਲ ਹੁੰਦਾ ਹੈ ਤੇ ਉਹਨਾਂ ਕੋਲ ਡਰੱਗ ਲਾਇਸੈਂਸ ਵੀ ਹੈ। ਇਹ ਤਾਂ ਉਹਨਾਂ ਨੂੰ ਵੀ ਪਤਾ ਹੈ ਕਿ ਜੇ ਉਹ ਬਿਨਾਂ ਲਾਇਸੈਂਸ ਤੋਂ ਦੁਕਾਨ ਖੋਲ੍ਹਣਗੇ ਤਾਂ ਉਹਨਾਂ ਨੂੰ ਮੁਸ਼ਕਿਲ ਆ ਸਕਦੀ ਹੈ।
ਉਹਨਾਂ ਕੋਲ ਰਜਿਸਟ੍ਰੇਸ਼ਨ ਤੋਂ ਲੈ ਕੇ ਲਾਇਸੈਂਸ ਤਕ ਸਭ ਕੁੱਝ ਹੈ ਪਰ ਉਹਨਾਂ ਤੇ ਗਲਤ ਇਲਜ਼ਾਮ ਲਗਾ ਕੇ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ। ਉਹਨਾਂ ਦੀ ਇਕ ਪਹਿਲ ਨਾਲ ਲੋਕਾਂ ਵਿਚ ਕ੍ਰਾਂਤੀ ਆਈ ਹੈ ਤੇ ਲੋਕ ਮੈਡੀਕਲ ਪ੍ਰਤੀ ਬਹੁਤ ਸੁਚੇਤ ਹੋ ਚੱਕੇ ਹਨ। ਉਹਨਾਂ ਨੇ ਅਪਣੀ ਗੱਲ ਫਿਰ ਤੋਂ ਦੁਹਰਾਉਂਦੇ ਹੋਏ ਕਿਹਾ ਕਿ ਉਹ ਐਥੀਕਲ ਤੇ ਜੈਨੇਰਿਕ ਦੀ ਗੱਲ ਨਹੀਂ ਕਰਦੇ ਉਹ ਗੱਲ ਕਰਦੇ ਹਨ ਲੁੱਟ-ਖਸੁੱਟ ਦੀ। ਉਹ ਲੋਕ ਜੋ ਗਰੀਬ ਹਨ ਜੋ ਮਜ਼ਦੂਰੀ ਕਰਦੇ ਹਨ ਉਹਨਾਂ ਨੂੰ ਕੀ ਪਤਾ ਜੈਨੇਰਿਕ ਕਿਹੜੀ ਹੈ ਤੇ ਐਥੀਕਲ ਕਿਹੜੀ ਹੈ।
ਸਾਰੇ ਡਾਕਟਰ ਮਾੜੇ ਨਹੀਂ ਹਨ ਤੇ ਸਾਰੇ ਚੰਗੇ ਵੀ ਨਹੀਂ ਹਨ। ਜਿਹੜੇ ਇਮਾਨਦਾਰ ਹਨ ਉਹ ਇਸ ਲੜਾਈ ਵਿਚ ਕਿਉਂ ਆ ਰਹੇ ਹਨ ਉਹਨਾਂ ਨੂੰ ਇਸ ਗੱਲ ਦਾ ਕੀ ਰੋਸ ਹੈ। ਡਾਕਟਰਾਂ ਵੱਲੋਂ ਇਹ ਦੱਸਿਆ ਜਾਣਾ ਚਾਹੀਦਾ ਹੈ ਕਿ ਕਿਹੜੀ ਦਵਾਈ ਜੈਨੇਰਿਕ ਹੈ ਤੇ ਕਿਹੜੀ ਐਥੀਕਲ ਹੈ, ਇਸ ਨਾਲ ਗਰੀਬ ਦੀ ਲੁੱਟ ਨਹੀਂ ਹੋਵੇਗੀ। ਇਹੀ ਤਾਂ ਉਹਨਾਂ ਦੀ ਲੜਾਈ ਹੈ ਕਿ ਇਹ ਗੱਲ ਲੋਕਾਂ ਸਾਹਮਣੇ ਰੱਖੀ ਜਾਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।