File Photo
ਛੱਤੀਸਗੜ੍ਹ ਦੇ ਨਕਸਲ ਪ੍ਰਭਾਵਤ ਕਾਂਕੇਰ ਜ਼ਿਲ੍ਹੇ ’ਚ ਸਰਹੱਦ ਸੁਰਖਿਆ ਬਲ ਦੇ ਇਕ ਜਵਾਨ ਨੇ ਖੁਦ ਨੂੰ ਗੋਲੀ ਮਾਰ ਕੇ ਆਤਮਹਤਿਆ ਕਰ ਲਈ
ਰਾਏਪੁਰ, 6 ਜੂਨ : ਛੱਤੀਸਗੜ੍ਹ ਦੇ ਨਕਸਲ ਪ੍ਰਭਾਵਤ ਕਾਂਕੇਰ ਜ਼ਿਲ੍ਹੇ ’ਚ ਸਰਹੱਦ ਸੁਰਖਿਆ ਬਲ ਦੇ ਇਕ ਜਵਾਨ ਨੇ ਖੁਦ ਨੂੰ ਗੋਲੀ ਮਾਰ ਕੇ ਆਤਮਹਤਿਆ ਕਰ ਲਈ। ਕਾਂਕੇਰ ਜ਼ਿਲ੍ਹੇ ਦੇ ਪੁਲਿਸ ਅਧਿਕਾਰੀਆਂ ਨੇ ਸਨਿਚਰਵਾਰ ਨੂੰ ਦਸਿਆ ਕਿ ਜ਼ਿਲ੍ਹੇ ਦੇ ਪਖਾਂਜੂਰ ਥਾਣਾ ਖੇਤਰ ’ਚ ਪੈਂਦੇ ਗੋੜਾ ਅਤੇ ਡੋਟੋਮੇਟਾ ਪਿੰਡ ਦੇ ਮੱਧ ਬੀ.ਐਸ.ਐਫ਼ ਦੇ ਜਵਾਨ ਸੁਰੇਸ਼ ਕੁਮਾਰ ਨੇ ਅਪਣੀ ਸਰਵਿਸ ਰਾਇਫ਼ਲ ਏ.ਕੇ 47 ਤੋਂ ਖੁਦ ਨੂੰ ਗੋਲੀ ਮਾਰ ਲਈ।
ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਜ਼ਿਲ੍ਹੇ ’ਚ ਤਾਇਨਾਤ 157ਵੀਂ ਬਟਾਲੀਅਨ ਦੇ ਜਵਾਨਾਂ ਨੂੰ ਸ਼ੁਕਰਵਾਰ ਨੂੰ ਨਕਸਲ ਵਿਰੋਧੀ ਮੁਹਿੰਮ ’ਚ ਰਵਾਨਾ ਕੀਤਾ ਗਿਆ ਸੀ। ਦਲ ਦੇ ਜਵਾਨ ਜਦੋਂ ਸਨਿਚਰਵਾਰ ਸਵੇਰੇ ਵਾਪਸ ਮੁੜ ਰਹੇ ਸਨ ਤਾਂ ਅਪਣੇ ਕੈਂਪ ਤੋਂ ਲਗਭਗ 200 ਮੀਟਰ ਪਹਿਲਾਂ ਕੁਮਾਰ ਨੇ ਖੁਦ ਨੂੰ ਗੋਲੀ ਮਾਰ ਲਈ ਜਿਸ ਨਾਲ ਮੌਕੇ ’ਤੇ ਹੀ ਉਸ ਦੀ ਮੌਤ ਹੋ ਗਈ। ਉਨ੍ਹਾਂ ਨੇ ਦਸਿਆ ਕਿ ਘਟਨਾ ਦੇ ਬਾਅਦ ਹੋਰ ਜਵਾਨਾਂ ਨੇ ਲਾਸ਼ ਨੂੰ ਕੈਂਪ ਪਹੁੰਚਾਇਆ। ਘਟਨਾ ਦੇ ਕਾਰਨਾਂ ਦਾ ਹਾਲੇ ਪਤਾ ਨਹੀਂ ਲੱਗ ਸਕਿਆ ਹੈ। (ਪੀਟੀਆਈ)
