ਲੁਧਿਆਣਾ ਦੇ ਡੰਡੀ ਸਵਾਮੀ ਇਲਾਕੇ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ਤੇ ਬਹੁਤ ਤੇਜੀ ਨਾਲ ਵਾਇਰਲ ਹੋ ਰਹੀ ਹੈ।ਜਿਸ ਵਿੱਚ ਵਿਖਾਈ ਦੇ ਰਿਹਾ ਹੈ
ਲੁਧਿਆਣਾ : ਲੁਧਿਆਣਾ ਦੇ ਡੰਡੀ ਸਵਾਮੀ ਇਲਾਕੇ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ਤੇ ਬਹੁਤ ਤੇਜੀ ਨਾਲ ਵਾਇਰਲ ਹੋ ਰਹੀ ਹੈ।ਜਿਸ ਵਿੱਚ ਵਿਖਾਈ ਦੇ ਰਿਹਾ ਹੈ ਕਿ ਕੁੱਝ ਲੋਕ ਇੱਕ ਨੌਜਵਾਨ ਨੂੰ ਭਜਾ ਭਜਾ ਕੇ ਕੁੱਟ ਰਹੇ ਹਨ ਪਰ ਉਸਦੀ ਕੋਈ ਮਦਦ ਨਹੀਂ ਕਰਦਾ। ਮਾਰ ਕੁਟਾਈ ਤੋਂ ਬਚਦਾ ਉਹ ਆਪਣੇ ਮੋਬਾਈਲ ਤੇ ਵੀਡੀਓ ਬਣਾਉਂਦਾ ਵੀ ਭੱਜਦਾ ਹੀ ਜਾ ਰਿਹਾ ਹੈ। ਨੌਜਵਾਨ ਬਹੁਤ ਘਬਰਾਇਆ ਹੋਇਆ ਹੈ।
Ludhiana Road
ਜਿਸ ਨੌਜਵਾਨ ਦੀ ਮਾਰ ਕੁਟਾਈ ਹੋ ਰਹੀ ਹੈ ਉਸਦਾ ਨਾਮ ਗੌਰਵ ਕਾਲੀਆ ਦੱਸਿਆ ਜਾ ਰਿਹਾ ਹੈ। ਜੋ ਵੀਡੀਓ ਵਿੱਚ ਕਥਿਤ ਤੌਰ 'ਤੇ ਇਲਾਕੇ ਦੇ ਕਾਉਂਸਲਰ ਅਤੇ ਉਸਦੇ ਬੇਟੇ 'ਤੇ ਇਲਜ਼ਾਮ ਲਗਾ ਰਿਹਾ ਹੈ ਕਿ ਵਾਰਡ ਨੰਬਰ 83 ਵਿੱਚ ਸੜਕ ਦਾ ਕੁੱਝ ਹਿੱਸਾ ਧੱਸ ਗਿਆ ਸੀ।ਜਿਸ ਦੀ ਉਹ ਵੀਡੀਓ ਫੇਸਬੁਕ ਤੇ ਲਾਇਵ ਕਰ ਰਿਹਾ ਸੀ।ਇਸ ਤੋਂ ਬਾਅਦ ਬੌਖਲਾਏ ਕੌਂਸਲਰ ਅਤੇ ਉਸ ਦੇ ਬੇਟਿਆਂ ਨੇ ਉਸ 'ਤੇ ਹਮਲਾ ਕਰ ਦਿੱਤਾ।
Ludhiana Road
ਜਿਥੋਂ ਉਸਨੇ ਭੱਜ ਕੇ ਮਸਾਂ ਆਪਣੀ ਜਾਨ ਬਚਾਈ। ਇੱਕ ਜਗ੍ਹਾ ਨੌਜਵਾਨ ਕਹਿੰਦਾ ਸੁਣਾਈ ਦੇ ਰਿਹਾ ਹੈ ਕਿ ਉਸਨੂੰ ਕਹੀ ਲੈਕੇ ਕੌਂਸਲਰ ਦਾ ਬੇਟਾ ਕੁੱਟਣ ਆ ਗਿਆ ਹੈ। ਉਸ ਤੋਂ ਬਾਅਦ ਇੱਕ ਨੌਜਵਾਨ ਹੱਥ ਵਿਚ ਕਹੀ ਲੈਕੇ ਉਸ ਵੱਲ ਵਧਦਾ ਵੀ ਦਿਖਾਈ ਦਿੰਦਾ ਹੈ। ਇਸ ਘਟਨਾ ਦਾ ਵੀਡੀਓ ਹੁਣ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਿਹਾ ਹੈ।
Ludhiana Road
ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਕੁੱਟਮਾਰ ਦਾ ਸ਼ਿਕਾਰ ਗੌਰਵ ਕਾਲੀਆ ਬੀਜੇਪੀ ਦਾ ਵਰਕਰ ਹੈ। ਉਥੇ ਕੁੱਟਮਾਰ ਕਰਨ ਵਾਲੇ ਕਾਂਗਰਸ ਤੋਂ ਲੁਧਿਆਣਾ ਦੇ ਵਾਰਡ ਨੰਬਰ 83 ਦਾ ਕਾਉਂਸਲਰ ਤੇ ਉਸਦੇ ਬੇਟੇ ਹਨ। ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਇਹ ਮਾਮਲਾ ਕਾਫੀ ਗਰਮਾਇਆ ਹੋਇਆ ਹੈ। ਜਿਥੇ ਕਿ ਕੁੱਟਮਾਰ ਦੇ ਸ਼ਿਕਾਰ ਲੜਕੇ ਵਲੋਂ ਇਨਸਾਫ ਦੀ ਮੰਗ ਕੀਤੀ ਜਾ ਰਹੀ ਹੈ ਪਰ ਇਸ ਮਾਮਲੇ ਦੇ ਪਿਛੇ ਹੋਈ ਲੜਾਈ ਦਾ ਗੁੱਝਾ ਭੇਤ ਤਾਂ ਹੁਣ ਜਾਂਚ ਤੋਂ ਬਾਅਦ ਹੀ ਸਾਹਮਣੇ ਆ ਸਕੇਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
