ਬਲੈਕਮੇਲਿੰਗ ਕਰਨ ਵਾਲੇ ਆਸ਼ਕ ਨੂੰ ਖੁਦ ਹੀ ਕੁੜੀਆਂ ਨੇ ਕੀਤਾ ਪੁਲੀਸ ਦੇ ਹਵਾਲੇ...
ਜਲਾਲਾਬਾਦ: ਭੂੰਡ ਆਸ਼ਕ ਜਿੰਨਾ ਮਰਜ਼ੀ ਸ਼ਾਤਿਰ ਹੋਵੇ ਆਖ਼ਰ ਉਹ ਪੁਲੀਸ ਦੇ ਅੜਿੱਕੇ ਆ ਹੀ ਜਾਂਦਾ ਹੈ। ਇਹ ਕਹਾਵਤ ਅੱਜ ਫੇਰ ਸੱਚ ਹੋਈ ਹੈ ਹਲਕਾ ਜਲਾਲਾਬਾਦ ਦੀਆਂ ਦੋ ਭੈਣਾਂ ਵੱਲੋਂ ਮਿਲ ਕੇ ਇਕ ਭੂੰਡ ਆਸ਼ਕ ਨੂੰ ਪੁਲੀਸ ਦੇ ਹਵਾਲੇ ਕੀਤਾ ਪੂਰਾ ਮਾਮਲਾ ਇਹ ਸੀ ਕਿ ਉਕਤ ਆਸ਼ਕ ਇਨ੍ਹਾਂ ਕੁੜੀਆਂ ਨੂੰ ਬਲੈਕਮੇਲ ਕਰਦਾ ਸੀ ਅਤੇ ਉਨ੍ਹਾਂ ਦੇ ਨਾਲ ਗੱਲਬਾਤ ਕਰਨਾ ਚਾਹੁੰਦਾ ਸੀ।
ਇਹ ਕੁੜੀਆਂ ਨੂੰ ਪਹਿਲਾਂ ਤੋਂ ਜਾਣਦਾ ਸੀ ਪਰ ਹੁਣ ਉਹ ਇਸ ਦਾ ਨਾਜਾਇਜ਼ ਫਾਇਦਾ ਚੁੱਕਣਾ ਚਾਹੁੰਦਾ ਸੀ ਇਸ ਲਈ ਉਹ ਵਾਰ ਵਾਰ ਇਨ੍ਹਾਂ ਕੁੜੀਆਂ ਦਾ ਪਿੱਛਾ ਕਰਕੇ ਇਨ੍ਹਾਂ ਨੂੰ ਤੰਗ ਕਰ ਰਿਹਾ ਸੀ ਅਤੇ ਫੋਟੋ ਵਾਇਰਲ ਕਰਨ ਦੀਆਂ ਧਮਕੀਆਂ ਵੀ ਦੇ ਰਿਹਾ ਸੀ ਅਤੇ ਇਹ ਕੁੜੀਆਂ ਨੂੰ ਜਾਨੋਂ ਮਾਰਨ ਅਤੇ ਮੂੰਹ ਤੇ ਤੇਜ਼ਾਬ ਸੁੱਟਣ ਦੀ ਵੀ ਧਮਕੀ ਦੇ ਰਿਹਾ ਸੀ। ਇਸ ਬਾਬਤ ਜਦੋਂ ਡੀਐੱਸਪੀ ਸਭ ਦੇ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਨੇ ਕਿਹਾ ਕਿ ਇਸ ਲੜਕੇ ਅਮਨਦੀਪ ਤੇ ਲੜਕੀਆਂ ਦੇ ਪਿਤਾ ਵੱਲੋਂ ਦਰਖਾਸਤ ਦਿੱਤੀ ਗਈ ਸੀ।
ਜਿਸ ਦੇ ਤਹਿਤ ਇਸ ਤੇ ਪਰਚਾ 176/320 ਦਰਜ ਹੈ ਉਸ ਨੂੰ ਉਕਤ ਮਾਮਲੇ ਵਿਚ ਪਕੜਿਆ ਗਿਆ ਹੈ ਅਤੇ ਡੀ ਐੱਸ ਪੀ ਸਾਹਿਬ ਕਿਹਾ ਕਿ ਇਸ ਵਿੱਚ ਲੜਕੇ ਅਤੇ ਲੜਕੀ ਦੋਨੋਂ ਹੀ ਸ਼ਾਮਲ ਹਨ ਅਤੇ ਮਾਂ ਬਾਪ ਖ਼ੁਦ ਹੀ ਪਹਿਲਾਂ ਆਪਣੇ ਬੱਚਿਅ ਨੂੰ ਇੰਨੀ ਖੁੱਲ੍ਹ ਦਿੰਦੇ ਹਨ ਅਤੇ ਬਾਅਦ ਵਿੱਚ ਉਨ੍ਹਾਂ ਦੀਆਂ ਹਰਕਤਾਂ ਤੇ ਪੜਦੇ ਪਾਉਂਦੇ ਹਨ ਜਿਸ ਦਾ ਨਤੀਜਾ ਮਾੜਾ ਹੀ ਨਿਕਲਦਾ ਹੈ। ਇਸ ਬਾਬਤ ਜਦੋਂ ਲੜਕੇ ਦੇ ਪਿਤਾ ਤੋਂ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਲਡ਼ਕੀਆਂ ਪਿਛਲੇ ਕਈ ਸਾਲਾਂ ਤੋਂ ਮੇਰੇ ਬੇਟੇ ਨੂੰ ਜਾਂਦੀਆਂ ਹਨ ਅਤੇ ਇਹ ਜੋ ਦੋਸ਼ ਮੇਰੇ ਲੜਕੇ ਤੇ ਲਗਾ ਰਹੀਆਂ ਹਨ ਇਹ ਬੇਬੁਨਿਆਦ ਹਨ।
ਜਦੋਂ ਮੀਡੀਆ ਨੇ ਪਿਤਾ ਤੋਂ ਪਰਚੇ ਬਾਰੇ ਪੁੱਛਿਆ ਤਾਂ ਉਹ ਸਾਫ਼ ਹੀ ਮੁੱਕਰ ਗਿਆ ਅਤੇ ਉਸ ਨੇ ਕਿਹਾ ਕਿ ਮੇਰੇ ਬੇਟੇ ਤੇ ਉੱਤੇ ਹੋਏ ਪਰਚੇ ਬਾਰੇ ਮੈਨੂੰ ਨਹੀਂ ਪਤਾ ਹੈ। ਇਸ ਬਾਬਤ ਜਦੋਂ ਲੜਕੇ ਨੂੰ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਹੈ ਕਿ ਮੇਰੇ ਉੱਪਰ ਬੇਬੁਨਿਆਦ ਦੋਸ਼ ਲਗਾਏ ਜਾ ਰਹੇ ਹਨ ਜਦ ਕਿ ਉਕਤ ਲੜਕੀ ਦੇ ਨਾਲ ਮੈਂ ਪਿਆਰ ਕਰਦਾ ਹਾਂ ਪਰ ਮੈਂ ਇਸ ਦੀਆਂ ਫੋਟੋਆਂ ਕਿਉਂ ਵਾਇਰਲ ਕਰਾਂਗਾ ਪਰ ਹੁਣ ਪੁੱਤਾ ਨਹੀ ਕਿਸ ਗੱਲ ਤੋਂ ਮੇਰੇ ਤੇ ਦੋਸ਼ ਲਗਾ ਰਹੇ ਹਨ।