ਕਰੋਨਾ ਵਾਇਰਸ ਦੇ ਕਾਰਨ ਲਗਾਏ ਗਏ ਲੌਕਡਾਊਨ ਦੇ ਵਿਚ ਹਰ-ਪਾਸੇ ਅਵਾਜਾਈ ਅਤੇ ਕੰਮਕਾਰ ਬੰਦ ਪਏ ਹਨ
ਕਰੋਨਾ ਵਾਇਰਸ ਦੇ ਕਾਰਨ ਲਗਾਏ ਗਏ ਲੌਕਡਾਊਨ ਦੇ ਵਿਚ ਜਿੱਥੇ ਹਰ-ਪਾਸੇ ਅਵਾਜਾਈ ਅਤੇ ਕੰਮਕਾਰ ਬੰਦ ਪਏ ਹਨ। ਅਜਿਹੇ ਵਿਚ ਲੋਕ ਵੀ ਆਪਣੇ ਘਰਾਂ ਵਿਚ ਰਹਿਣ ਦੇ ਲਈ ਮਜਬੂਰ ਹਨ। ਜਿਸ ਕਾਰਨ ਗਰੀਬ ਲੋਕਾਂ ਦਾ ਜੀਵਨ ਬਤੀਤੀ ਕਰਨਾ ਕਾਫੀ ਮੁਸ਼ਕਿਲ ਹੋਇਆ ਪਿਆ ਹੈ। ਇਸ ਦੇ ਨਾਲ ਹੀ ਇਸ ਮੰਦੀ ਦੇ ਦੌਰ ਵਿਚ ਪਸ਼ੂ ਪਾਲਕਾਂ ਨੂੰ ਵੀ ਕਾਫੀ ਨਮੋਸ਼ੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
Dairy Farming
ਕਿਉਂਕਿ ਲੌਕਡਾਊਨ ਦੇ ਕਾਰਨ ਪਸ਼ੂਪਾਲਕਾਂ ਦੇ ਦੁੱਧ ਦੀ ਬਹੁਤ ਬਰਬਾਦੀ ਹੋ ਰਹੀ ਹੈ। ਬਾਜ਼ਾਰ ਬੰਦ ਹੋਣ ਕਾਰਨ ਦੁੱਧ ਹੁਣ ਪਾਣੀ ਦੇ ਭਾਅ ਵਿਕਣ ਲੱਗਾ ਹੈ। ਜਿਸ ਕਾਰਨ ਹੁਣ ਇਨ੍ਹਾਂ ਪਸ਼ੂਪਾਲਕਾਂ ਦੀ ਹਾਲਤ ਬੜੀ ਤਰਸ ਯੋਗ ਬਣ ਗਈ ਹੈ ਜਿਸ ਤੋਂ ਬਾਅਦ ਇਨ੍ਹਾਂ ਦਾ ਖਰਚਾ ਚੱਲਣਾ ਵੀ ਮੁਸ਼ਕਿਲ ਹੋਇਆ ਪਿਆ ਹੈ ਕਿਉਂਕਿ ਉਧਰ ਪਸ਼ੂਆਂ ਦੇ ਦਾਣੇ ਦਾ ਰੇਟ 1200 ਤੋਂ ਵੱਧ ਕੇ ਹੁਣ 1600 ਰੁਪਏ ਕੁੰਵਿਟਲ ਹੋ ਗਿਆ ਹੈ।
Dairy Farm
ਦੱਸ ਦੱਈਏ ਕਿ ਗਾਂ ਦਾ ਦੁੱਧ 15-16 ਰੁਪਏ ਕਿਲੋ ਵਿਕ ਰਿਹਾ ਹੈ ਅਤੇ ਉਥੇ ਹੀ ਮੱਝ ਦਾ ਦੁੱਧ 20 ਤੋਂ 25 ਰੁਪਏ ਕਿਲੋ ਹੀ ਰਹਿ ਗਿਆ ਹੈ। ਇਸ ਦਾ ਵੱਡਾ ਕਾਰਨ ਇਹ ਹੈ ਕਿ ਲੌਕਡਾਊਨ ਦੇ ਕਾਰਨ ਸ਼ਹਿਰਾਂ ਅੰਦਰ ਦੁਕਾਨਾਂ ਅਤੇ ਹੋਟਲਾਂ ਦੇ ਬੰਦ ਹੋਣ ਕਾਰਨ ਦੁੱਧ ਦੀ ਸਪਲਾਈ ਘੱਟ ਹੋ ਗਈ ਹੈ। ਜਿਸ ਤੋਂ ਬਾਅਦ ਕਿਸਾਨਾਂ ਵੱਲੋਂ ਗੁਰਦੁਆਰਿਆਂ ਵਿਚ ਦੁੱਧ ਨੂੰ ਦਾਨ ਕੀਤਾ ਜਾ ਰਿਹਾ ਹੈ।
Dairy
ਨਾਲ ਹੀ ਕਿਸਾਨਾ ਨੇ ਸਰਕਾਰ ਤੇ ਇਹ ਦੋਸ਼ ਵੀ ਲਗਾਏ ਹਨ ਕਿ ਸਰਕਾਰੀ ਖ੍ਰੀਦ ਏਜੰਸੀਆਂ ਕਿਸਾਨਾਂ ਦੇ ਦੁੱਧ ਦਾ ਬਕਾਇਆ ਰਾਸ਼ੀ ਨਹੀਂ ਦੇ ਰਹੀਆਂ ਹਨ। ਸੋ ਸਰਕਾਰ ਨੂੰ ਇਸ ਲੌਕਡਾਊਨ ਦੇ ਵਿਚ ਇਨ੍ਹਾਂ ਪ੍ਰੇਸ਼ਾਨ ਕਿਸਾਨਾਂ ਦੇ ਲਈ ਕੋਈ ਪੁਖਤਾ ਪ੍ਰਬੰਧ ਜਰੂਰ ਕਰਨੇ ਚਾਹੀਦੇ ਹਨ ਤਾਂ ਜੋ ਇਨ੍ਹਾਂ ਦੇ ਦੁੱਧ ਦੀ ਬਰਬਾਦੀ ਨਾਂ ਹੋ ਸਕੇ।
Dairy Farm
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
