ਸੂਚਨਾ ਤੋਂ ਬਾਅਦ ਪੁਲਿਸ ਨੇ ਜ਼ਰੂਰੀ ਕਾਰਵਾਈ ਸ਼ੁਰੂ...
ਲੁਧਿਆਣਾ: ਲੁਧਿਆਣਾ ਵਿਚ ਕਰਫਿਊ ਦੇ ਹਾਲਾਤ ਦੇ ਚਲਦੇ ਇਕ ਮਜ਼ਦੂਰ ਨੇ ਫਾਂਸੀ ਲਗਾ ਕੇ ਆਤਮਹੱਤਿਆ ਕਰ ਲਈ। ਆਤਮਹੱਤਿਆ ਦੀ ਵਜ੍ਹਾ ਘਰ ਵਿਚ ਖਾਣ ਵਾਲਾ ਰਾਸ਼ਨ ਨਾ ਹੋਣ ਦੀ ਦੱਸੀ ਜਾ ਰਹੀ ਹੈ। ਜਾਂਚ ਵਿਚ ਪਤਾ ਲਗਿਆ ਹੈ ਕਿ ਉਹ ਤਿੰਨ ਦਿਨ ਤੋਂ ਰਾਸ਼ਨ ਲਈ ਫੋਕਲ ਪੁਆਇੰਟ ਥਾਣੇ ਦੇ ਚੱਕਰ ਕੱਟ ਰਿਹਾ ਸੀ। ਨਰਾਸ਼ ਹੋ ਕੇ ਘਰ ਵਾਪਸ ਆਉਣ ਤੋਂ ਬਾਅਦ ਪਤਨੀ ਨਾਲ ਵੀ ਉਸ ਦੀ ਬਹੁਤ ਬਹਿਸ ਹੋਈ ਸੀ।
Photo
ਸੂਚਨਾ ਤੋਂ ਬਾਅਦ ਪੁਲਿਸ ਨੇ ਜ਼ਰੂਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਮ੍ਰਿਤਕ ਦੀ ਸ਼ਿਕਾਇਤ ਲੁਧਿਆਣਾ ਸ਼ਹਿਰ ਦੀ ਰਾਜੀਵ ਗਾਂਧੀ ਕਾਲੋਨੀ ਵਿਚ ਰਹਿਣ ਵਾਲੇ ਅਜੀਤ ਰਾਇ ਦੇ ਰੂਪ ਵਿਚ ਹੋਈ ਹੈ। ਕੋਰੋਨਾ ਕਰਫਿਊ ਦੇ ਚਲਦੇ ਕੰਮ ਬੰਦ ਹੈ ਅਤੇ ਅਜੀਤ ਦੇ ਘਰ ਵਿਚ ਕੁੱਝ ਖਾਣ ਨੂੰ ਨਹੀਂ ਬਚਿਆ ਸੀ। ਉਹ ਪਿਛਲੇ ਕਈ ਦਿਨਾਂ ਤੋਂ ਰਾਸ਼ਨ ਲਈ ਚੱਕਰ ਲਗਾ ਰਿਹਾ ਸੀ।
Ration
ਸ਼ਨੀਵਾਰ ਨੂੰ ਵੀ ਰਾਸ਼ਨ ਲੈਣ ਲਈ ਫੋਕਲ ਪੁਆਇੰਟ ਥਾਣੇ ਗਿਆ ਸੀ ਪਰ ਉੱਥੋਂ ਰਾਸ਼ਨ ਨਾ ਮਿਲਣ ਤੇ ਨਰਾਸ਼ ਹੋ ਕੇ ਘਰ ਵਾਪਸ ਆ ਗਿਆ। ਘਰ ਦੇਰ ਸ਼ਾਮ ਉਸ ਦੀ ਅਪਣੀ ਪਤਨੀ ਨਾਲ ਬਹਿਸ ਹੋ ਗਈ ਅਤੇ ਇਸ ਦੇ ਚਲਦੇ ਉਸ ਨੇ ਖੁਦਕੁਸ਼ੀ ਕਰ ਲਈ। ਥਾਣਾ ਫੋਕਲ ਪੁਆਇੰਟ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਉੱਧਰ ਫੋਕਲ ਪੁਆਇੰਟ ਏਰੀਆ ਵਿਚ ਐਤਵਾਰ ਨੂੰ ਇਕ ਵਾਰ ਫਿਰ ਰਾਸ਼ਨ ਦੇ ਜ਼ਰੂਰਤਮੰਦ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ।
Coronavirus
ਪੁਲਿਸ ਨੇ ਬਹੁਤ ਮੁਸ਼ਕਿਲ ਨਾਲ ਹਾਲਾਤ ਤੇ ਕਾਬੂ ਪਾਇਆ। ਇਸ ਦੌਰਾਨ ਮ੍ਰਿਤਕ ਦੇ ਪਰਿਵਾਰਾਂ ਅਤੇ ਰਿਸ਼ਤੇਦਾਰਾਂ ਨੇ ਕਿਹਾ ਕਿ ਉਹਨਾਂ ਨੂੰ ਹਰ ਵਾਰ ਖਾਲ੍ਹੀ ਹੱਥ ਜਾਣਾ ਪੈਂਦਾ ਸੀ ਅਜਿਹੇ ਵਿਚ ਅਜੀਤ ਨੇ ਮਰਨਾ ਹੀ ਬਿਹਤਰ ਸਮਝਿਆ। ਕੋਰੋਨਾ ਵਾਇਰਸ ਕਾਰਨ ਲਗਾਏ ਗਏ ਕਰਫਿਊ ਦੌਰਾਨ ਲੋਕਾਂ ਨੂੰ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜਿਹੜੇ ਲੋਕਾਂ ਦਾ ਕੰਮ ਠੱਪ ਹੋ ਗਿਆ ਹੈ ਉਹਨਾਂ ਦੇ ਪਰਿਵਾਰਾਂ ਦਾ ਪੇਟ ਭਰਨਾ ਮੁਸ਼ਕਿਲ ਹੋ ਗਿਆ ਹੈ।
Coronavirus
ਅਜਿਹੇ ਸੰਕਟ ਦੇ ਸਮੇਂ ਵਿਚ ਲੋਕਾਂ ਨੂੰ ਸਰਕਾਰੀ ਰਾਸ਼ਨ ਤੇ ਨਿਰਭਰ ਰਹਿਣਾ ਪੈ ਰਿਹਾ ਹੈ ਅਤੇ ਉਹ ਕੁੱਝ ਲੋਕਾਂ ਨੂੰ ਨਸੀਬ ਹੋ ਰਿਹਾ ਹੈ ਤੇ ਕੁੱਝ ਨੂੰ ਨਹੀਂ। ਲੁਧਿਆਣਾ ਵਿੱਚ ਖੁਦਕੁਸ਼ੀ ਦੇ ਬਹੁਤ ਸਾਰੇ ਮਾਮਲੇ ਹਨ। ਹਾਲ ਹੀ ਵਿੱਚ, ਸ਼ਹਿਰ ਦੇ ਮੁੰਡੀਆ ਖੇਤਰ ਵਿੱਚ, 12 ਵੀਂ ਦੇ ਇੱਕ ਵਿਦਿਆਰਥੀ ਨੇ ਪਿਤਾ ਦੀ ਲਾਇਸੈਂਸੀ ਪਿਸਤੌਲ ਨਾਲ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ ਸੀ। ਕੇਸ ਦੇ ਅਨੁਸਾਰ ਮੁੰਡੀਆ ਖੁਰਦ ਦਾ ਵਸਨੀਕ ਵਿਦਿਆਰਥੀ 12 ਵੀਂ ਜਮਾਤ ਵਿੱਚ ਪੜ੍ਹਦੀ ਸੀ।
coronavirus
ਲੜਕੀ ਦਾ ਪਿਤਾ ਟਰਾਂਸਪੋਰਟਰ ਹੈ ਅਤੇ ਉਸ ਦੀ ਵੱਡੀ ਭੈਣ ਆਸਟਰੇਲੀਆ ਵਿੱਚ ਰਹਿੰਦੀ ਹੈ। ਖੁਦਕੁਸ਼ੀ ਕਰਨ ਵਾਲੀ ਲੜਕੀ ਵਿਦੇਸ਼ ਵੀ ਜਾਣਾ ਚਾਹੁੰਦੀ ਸੀ। ਉਸ ਨੇ ਥੋੜ੍ਹੀ ਦੇਰ ਪਹਿਲਾਂ ਆਇਲੇਟਸ ਦੀ ਪੜ੍ਹਾਈ ਕੀਤੀ ਸੀ ਅਤੇ ਉਸ ਦੇ ਬੈਂਡ ਘੱਟ ਆਏ ਸਨ।
ਜਿਸ ਕਾਰਨ ਉਹ ਪਿਛਲੇ ਦਿਨਾਂ ਤੋਂ ਮਾਨਸਿਕ ਤਣਾਅ ਵਿੱਚ ਸੀ। ਉਹ ਘਰ ਦੇ ਪਿਛਲੇ ਕਮਰੇ ਵਿਚ ਗਈ ਅਤੇ ਆਪਣੇ ਆਪ ਨੂੰ ਗੋਲੀ ਮਾਰ ਲਈ। ਗੋਲੀਬਾਰੀ ਦੀ ਆਵਾਜ਼ ਸੁਣ ਕੇ ਜਦੋਂ ਪਰਿਵਾਰਕ ਮੈਂਬਰ ਦੌੜ ਕੇ ਆਏ ਤਾਂ ਉਨ੍ਹਾਂ ਦੇਖਿਆ ਕਿ ਲੜਕੀ ਦੀ ਮੌਤ ਹੋ ਚੁੱਕੀ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
