Advertisement

ਸੜਕ ਖ਼ਰਾਬ ਹੋਣ ਕਾਰਨ ਹਸਪਤਾਲ ਨਾ ਪਹੁੰਚ ਸਕੀ ਗਰਭਵਤੀ ਔਰਤ, ਸੜਕ 'ਤੇ ਹੀ ਦਿੱਤਾ ਬੱਚੀ ਨੂੰ ਜਨਮ

ਏਜੰਸੀ
Published Jun 15, 2019, 11:16 am IST
Updated Jun 15, 2019, 11:16 am IST
ਪੰਜਾਬ ਸਰਕਾਰ ਜਿਥੇ ਸਮੁਚੇ ਸੂਬੇ ਦੀਆਂ ਸੜਕਾਂ ਦੀ ਮੁਰੰਮਤ ਕਰਵਾ ਠੀਕ ਕਰਨ ਦਾ ਦਾਅਵਾ ਕਰਦੀ ਹੈ।
Woman delivered baby roadside
 Woman delivered baby roadside

ਖੰਨਾ: ਪੰਜਾਬ ਸਰਕਾਰ ਜਿਥੇ ਸਮੁਚੇ ਸੂਬੇ ਦੀਆਂ ਸੜਕਾਂ ਦੀ ਮੁਰੰਮਤ ਕਰਵਾ ਠੀਕ ਕਰਨ ਦਾ ਦਾਅਵਾ ਕਰਦੀ ਹੈ। ਉਥੇ ਹੀ ਖੰਨਾ ਤੋਂ ਸਾਹਮਣੇ ਆਈ ਘਟਨਾ ਨੇ ਪੰਜਾਬ ਸਰਕਾਰ ਦੇ ਦਾਅਵਿਆਂ ਨੂੰ ਫੋਕਾ ਸਾਬਿਤ ਕਰ ਦਿੱਤਾ ਹੈ। ਬੀਤੇ ਦਿਨੀਂ ਖੰਨਾ ਵਿਖੇ ਇਕ ਗਰਭਵਤੀ ਔਰਤ ਨੂੰ ਸੜਕ ਕਿਨਾਰੇ ਹੀ ਬੱਚੇ ਨੂੰ ਜਨਮ ਦੇਣਾ ਪਿਆ, ਕਿਉਂ ਕਿ ਸੜਕਾਂ ਦੀ ਹਾਲਤ ਐਨੀ ਜ਼ਿਆਦਾ ਖ਼ਸਤਾ ਸੀ ਕਿ ਉਹ ਗਰਭਵਤੀ ਔਰਤ ਹਸਪਤਾਲ ਤੱਕ ਨਾ ਪਹੁੰਚ ਸਕੀ।

Woman delivered baby roadsideWoman delivered baby roadside

Advertisement

ਦੱਸ ਦਈਏ ਕਿ ਅਮਲੋਹ ਤੋਂ ਖੰਨਾ ਜਾ ਰਹੀ ਮਮਤਾ ਨਾਂਅ ਦੀ ਔਰਤ ਆਪਣੇ ਜਣੇਪੇ ਲਈ ਆਟੋ ਰਿਕਸ਼ਾ 'ਤੇ ਹਸਪਤਾਲ ਜਾ ਰਹੀ ਸੀ ਪਰ ਸੜਕ ਵਿਚ ਇੰਨੇ ਟੋਏ ਸੀ ਕਿ ਰਸਤੇ ਵਿਚ ਹੀ ਉਸ ਦੇ ਜਣੇਪਾ ਪੀੜਾਂ ਸ਼ੁਰੂ ਹੋ ਗਈਆਂ। ਇੰਨਾ ਹੀ ਨਹੀਂ ਮਾਂ ਦੇ ਜਣਨ ਅੰਗ ਵਿਚੋਂ ਬੱਚੇ ਦਾ ਸਿਰ ਵੀ ਬਾਹਰ ਆ ਗਿਆ ਸੀ। ਮਮਤਾ ਨੂੰ ਸੜਕ ਕੰਢੇ ਹੀ ਲਿਟਾ ਕੇ ਉਸ ਦਾ ਜਣੇਪਾ ਕਰਨਾ ਪਿਆ। ਮਮਤਾ ਨੇ ਇਕ ਬੱਚੀ ਨੂੰ ਜਨਮ ਦਿਤਾ ਹੈ। ਹਾਲਾਂਕਿ ਸੜਕ ਤੋਂ ਲੰਘਦੇ ਲੋਕਾਂ ਨੇ ਮਹਿਲਾ ਦੀ ਹਾਲਤ ਦੇਖਦੇ ਹੋਏ 108 ਐਂਬੂਲੈਂਸ ਨੂੰ ਫ਼ੋਨ ਕਰ ਦਿਤਾ।

Woman delivered baby roadsideWoman delivered baby roadside

ਐਂਬੂਲੈਂਸ ਕੁਝ ਹੀ ਸਮੇਂ ਵਿਚ ਪਹੁੰਚ ਗਈ ਅਤੇ ਉਸ ਨੂੰ ਖੰਨਾ ਦੇ ਹਸਪਤਾਲ ਲਿਜਾਇਆ ਗਿਆ। ਬੱਚੇ ਦੀ ਹਾਲਤ ਨਾਜ਼ੁਕ ਦੇਖਦਿਆਂ ਉਨ੍ਹਾਂ ਨੂੰ ਪਟਿਆਲਾ ਦੇ ਰਜਿੰਦਰਾ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਲੋਕ ਜਿੱਥੇ ਮੰਦੀਆਂ ਸੜਕਾਂ ਤੋਂ ਪ੍ਰੇਸ਼ਾਨ ਹਨ, ਉੱਥੇ ਹੀ ਉਨ੍ਹਾਂ ਨੇ ਵੱਡੇ ਸਰਕਾਰੀ ਹਸਪਤਾਲਾਂ 'ਤੇ ਵੀ ਸਵਾਲ ਚੁੱਕੇ। ਲੋਕਾਂ ਨੇ ਰੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਜੇਕਰ ਮਰੀਜ਼ ਨੂੰ ਦੂਜੇ ਸ਼ਹਿਰ ਰੈਫਰ ਕਰਨਾ ਹੀ ਹੁੰਦਾ ਹੈ ਤਾਂ ਇੰਨੀਆਂ ਵੱਡੀਆਂ ਇਮਾਰਤਾਂ ਉਸਾਰਨ ਦਾ ਕੀ ਫਾਇਦਾ।

Advertisement

 

Advertisement
Advertisement