ਇਸ ਲਈ ਉਸ ਨੇ ਕਦੇ ਵੀ ਅਪਣੀਆਂ ਅੱਖਾਂ ਨੂੰ ਲੈ ਕੇ...
ਚੰਡੀਗੜ੍ਹ: ਮੋਹਾਲੀ ਪਿੰਡ ਦੇ ਪੱਤੋਂ ਵਿਚ ਇਕ ਅਜਿਹੀ ਲੜਕੀ ਹਰਲੀਨ ਕੌਰ ਜਿਸ ਨੇ 12ਵੀਂ ਜਮਾਤ ਵਿਚ 96.6% ਨੰਬਰ ਹਾਸਲ ਕੀਤੇ ਹਨ। ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਇਸ ਬੱਚੀ ਦੀਆਂ ਅੱਖਾਂ ਦੀ ਰੌਸ਼ਨੀ ਹੈ ਭਾਵ ਉਹ ਨੇਤਰਹੀਣ ਹੈ। ਇਸ ਲੜਕੀ ਨਾਲ ਸਪੋਕਸਮੈਨ ਟੀਮ ਵੱਲੋਂ ਗੱਲਬਾਤ ਕੀਤੀ ਗਈ।
Harleen Kaur
ਉਸ ਨੇ ਦਸਿਆ ਕਿ ਇਹ ਸਭ ਉਹਨਾਂ ਦੇ ਮਾਤਾ-ਪਿਤਾ ਤੇ ਅਧਿਆਪਕਾਂ ਦੀ ਹੌਂਸਲਾ ਅਫ਼ਜਾਈ ਕਾਰਨ ਹੀ ਸੰਭਵ ਹੋ ਸਕਿਆ ਹੈ। ਜੇ ਪ੍ਰਮਾਤਮਾ ਨੇ ਅੱਖਾਂ ਦੀ ਦਾਤ ਨਹੀਂ ਬਖ਼ਸ਼ੀ ਫਿਰ ਵੀ ਉਹ ਬਹੁਤ ਖੁਸ਼ ਹੈ ਕਿਉਂ ਕਿ ਉਸ ਨੂੰ ਪਰਿਵਾਰ ਬਹੁਤ ਵਧੀਆ ਮਿਲਿਆ ਤੇ ਅਧਿਆਪਕਾਂ ਨੇ ਵੀ ਉਸ ਦਾ ਪੂਰਾ ਸਾਥ ਦਿੱਤਾ ਹੈ।
Harleen Kaur
ਇਸ ਲਈ ਉਸ ਨੇ ਕਦੇ ਵੀ ਅਪਣੀਆਂ ਅੱਖਾਂ ਨੂੰ ਲੈ ਕੇ ਪ੍ਰਮਾਤਮਾ ਨੂੰ ਮਿਹਣਾ ਨਹੀਂ ਮਾਰਿਆ। ਉਹਨਾਂ ਦਾ ਇਹੀ ਸੁਪਨਾ ਹੈ ਕਿ ਉਹ ਜੇ ਉਹਨਾਂ ਦੇ ਰਾਜਨੀਤੀ ਸ਼ਾਸਤਰ ਵਿਸ਼ੇ ਵਿਚੋਂ ਨੰਬਰ ਚੰਗੇ ਆਉਂਦੇ ਹਨ ਤਾਂ ਉਹ ਵਕੀਲ ਬਣਨਗੇ ਤੇ ਫਿਰ ਜੱਜ। ਉਸ ਨੇ ਅੱਗੇ ਦਸਿਆ ਕਿ ਉਸ ਨੂੰ ਅਪਣਾ ਨਤੀਜਾ ਦੇਖਣ ਤੋਂ ਪਹਿਲਾਂ ਹੀ ਅਧਿਆਪਕਾਂ ਦੇ ਵਧਾਈਆਂ ਦੇਣ ਲਈ ਫੋਨ ਆਉਣੇ ਸ਼ੁਰੂ ਹੋ ਗਏ।
Harleen Kaur
ਜਦੋਂ ਡਾਕਟਰਾਂ ਨੇ ਜਵਾਬ ਦੇ ਦਿੱਤਾ ਸੀ ਕਿ ਬੱਚੀ ਦਾ ਬਚਣਾ ਮੁਸ਼ਕਿਲ ਹੈ ਤਾਂ ਉਸ ਦੇ ਸਾਰੇ ਪਰਿਵਾਰ ਨੇ ਉਸ ਦੇ ਅਰਦਾਸ ਕੀਤੀ ਸੀ। ਉੱਥੇ ਹੀ ਹਰਲੀਨ ਦੇ ਦਾਦਾ ਜੀ ਨੇ ਕਿਹਾ ਕਿ ਉਹਨਾਂ ਨੂੰ ਅਪਣੀ ਪੋਤੀ ਤੇ ਬਹੁਤ ਮਾਣ ਹੈ ਤੇ ਉਹਨਾਂ ਦਾ ਸੁਪਨਾ ਹੈ ਕਿ ਉਹ ਜੱਜ ਬਣੇ। ਇਸ ਦੇ ਨਾਲ ਹੀ ਹਰਲੀਨ ਨੇ ਹੋਰਨਾਂ ਨੂੰ ਵੀ ਇਹੀ ਸਲਾਹ ਦਿੱਤੀ ਹੈ ਕਿ ਹਮੇਸ਼ਾ ਮਿਹਨਤ ਕਰਦੇ ਰਹਿਣਾ ਚਾਹੀਦਾ ਹੈ। ਅੱਜ ਦੇ ਹਾਲਾਤਾਂ ਨੂੰ ਦੇਖਦੇ ਹੋਏ ਦੇਸ਼ ਵਿਚ ਹਰ ਕੋਈ ਨਿਰਾਸ਼ ਹੈ ਪਰ ਕਦੇ ਵੀ ਅਪਣੇ ਤੇ ਮਾੜਾ ਪ੍ਰਭਾਵ ਨਾ ਪੈਣ ਦਿਓ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
