ਜ਼ਮੀਨੀ ਵਿਵਾਦ 'ਚ ਭਤੀਜੇ ਨੇ ਚਾਚੀ ਨੂੰ ਗੋਲੀਆਂ ਨਾਲ ਭੁੰਨਿਆ
Published : Aug 20, 2018, 12:28 pm IST
Updated : Aug 20, 2018, 12:28 pm IST
SHARE ARTICLE
Shot Dead
Shot Dead

ਅੱਜ ਬਾਅਦ ਦੁਪਹਿਰ ਕਰੀਬ ਪੰਜ ਵਜੇ ਸਥਾਨਕ ਅਨਾਜ ਮੰਡੀ 'ਚ ਇਕ ਭਤੀਜੇ ਨੇ ਜ਼ਮੀਨੀ ਵਿਵਾਦ 'ਚ ਅਪਣੀ ਤਾਈ ਨੂੰ ਸ਼ਰੇਆਮ ਗੋਲੀਆਂ ਮਾਰ ਦਿਤੀਆਂ..............

ਬਠਿੰਡਾ : ਅੱਜ ਬਾਅਦ ਦੁਪਹਿਰ ਕਰੀਬ ਪੰਜ ਵਜੇ ਸਥਾਨਕ ਅਨਾਜ ਮੰਡੀ 'ਚ ਇਕ ਭਤੀਜੇ ਨੇ ਜ਼ਮੀਨੀ ਵਿਵਾਦ 'ਚ ਅਪਣੀ ਤਾਈ ਨੂੰ ਸ਼ਰੇਆਮ ਗੋਲੀਆਂ ਮਾਰ ਦਿਤੀਆਂ। ਘਟਨਾ ਦਾ ਪਤਾ ਲਗਦੇ ਹੀ ਪੁਲਿਸ ਨੇ ਮੌਕੇ ਉਪਰ ਹੀ ਕਥਿਤ ਦੋਸ਼ੀ ਨੂੰ ਕਾਬੂ ਕਰ ਲਿਆ ਅਤੇ ਜ਼ਖ਼ਮੀ ਔਰਤ ਨੂੰ ਸਥਾਨਕ ਸਿਵਲ ਹਸਪਤਾਲ ਵਿਚ  ਦਾਖ਼ਲ ਕਰਵਾਇਆ। ਜ਼ਖ਼ਮੀ ਔਰਤ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਦੱਸੀ ਜਾ ਰਹੀ ਹੈ। ਡਾਕਟਰਾਂ ਮੁਤਾਬਕ ਉਸ ਦੇ ਲੱਤ ਅਤੇ ਪੱਟ ਉਪਰ ਗੋਲੀਆਂ ਲੱਗੀਆਂ ਹਨ। 

ਪ੍ਰਾਪਤ ਜਾਣਕਾਰੀ ਮੁਤਾਬਕ ਜ਼ਖ਼ਮੀ ਔਰਤ ਪ੍ਰਮਿਲਾ ਦੇਵੀ (50) ਪਤਨੀ ਹਰੀਰਾਮ ਵਾਸੀ ਦੁਕਾਨ ਨੰਬਰ 59-ਬੀ, ਅਨਾਜ ਮੰਡੀ ਬਠਿੰਡਾ 'ਚ ਅਪਣੇ ਪਤੀ ਸਮੇਤ ਰਹਿੰਦੀ ਹੈ। ਪ੍ਰਮਿਲਾ ਦੇਵੀ ਦੀ ਹੇਠਾਂ ਕਰਿਆਨੇ ਦੀ ਦੁਕਾਨ ਹੈ ਤੇ ਉਪਰ ਰਿਹਾਇਸ਼ ਹੈ। ਸੂਚਨਾ ਮੁਤਾਬਕ ਪ੍ਰਮਿਲਾ ਦੇਵੀ ਦੇ ਪਰਵਾਰ ਦਾ ਅਪਣੇ ਭਤੀਜੇ ਕ੍ਰਿਸ਼ਨ ਕੁਮਾਰ ਪੁੱਤਰ ਹੇਮ ਰਾਜ ਵਾਸੀ ਦੀਪ ਸਿੰਘ ਨਗਰ ਬਠਿੰਡਾ ਨਾਲ ਜ਼ਮੀਨ-ਜਾਇਦਾਦ ਦਾ ਝਗੜਾ ਚੱਲ ਰਿਹਾ ਸੀ। ਦੋਹਾਂ ਧਿਰਾਂ ਵਿਚਕਾਰ ਕੁੱਝ ਦਿਨ ਪਹਿਲਾਂ ਵੀ ਤਕਰਾਰ ਹੋਈ ਸੀ।

ਇਸ ਦੌਰਾਨ ਇਸੇ ਵਿਵਾਦ ਨੂੰ ਲੈ ਕੇ ਅੱਜ ਕਰੀਬ ਪੰਜ ਵਜੇ ਕ੍ਰਿਸ਼ਨ ਕੁਮਾਰ ਪਿਸਤੌਲ ਲੈ ਕੇ ਅਨਾਜ ਮੰਡੀ ਪੁੱਜਾ ਜਿਥੇ ਪ੍ਿਰਮਲਾ ਦੇਵੀ ਅਪਣੀ ਕਰਿਆਨੇ ਦੀ ਦੁਕਾਨ 'ਚ ਬੈਠੀ ਹੋਈ ਸੀ। ਦੋਹਾਂ ਧਿਰਾਂ 'ਚ ਇਸ ਮੌਕੇ ਹੋਈ ਤੂੰ-ਤੂੰ, ਮੈਂ-ਮੈਂ ਵਧ ਗਈ ਤੇ ਗੁੱਸੇ ਵਿਚ ਆ ਕੇ ਕ੍ਰਿਸ਼ਨ ਕੁਮਾਰ ਨੇ ਪਿਸਤੌਲ ਨਾਲ ਪ੍ਰਮਿਲਾ ਦੇਵੀ ਉਪਰ ਗੋਲੀ ਚਲਾ ਦਿਤੀ ਜਿਸ ਕਾਰਨ ਉਹ ਜ਼ਖ਼ਮੀ ਹੋ ਕੇ ਡਿੱਗ ਪਈ। ਗੋਲੀਆਂ ਦੀ ਆਵਾਜ਼ ਸੁਣ ਕੇ ਅਨਾਜ ਮੰਡੀ ਵਿਚ ਰੌਲਾ ਪੈ ਗਿਆ ਤੇ ਲੋਕ ਇਕੱਠੇ ਹੋ ਗਏ।

ਇਸ ਦੌਰਾਨ ਕਿਸੇ ਨੇ ਪੁਲਿਸ ਨੂੰ ਸੂਚਿਤ ਕਰ ਦਿਤਾ ਤੇ ਪੀ.ਸੀ.ਆਰ. ਟੀਮ ਨੇ ਮੌਕੇ 'ਤੇ ਹੀ ਕ੍ਰਿਸ਼ਨ ਕੁਮਾਰ ਨੂੰ ਪਿਸਤੌਲ ਸਮੇਤ ਕਾਬੂ ਕਰ ਲਿਆ। ਥਾਣਾ ਕੋਤਵਾਲੀ ਦੀ ਕਾਰਜਕਾਰੀ ਮੁਖੀ ਸਬ ਇੰਸਪੈਕਟਰ ਸੁਖਬੀਰ ਕੌਰ ਨੇ ਘਟਨਾ ਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ਕਥਿਤ ਦੋਸ਼ੀ ਵਿਰੁਧ ਧਾਰਾ 307, 452 ਅਤੇ 25, 27 ਆਰਮਜ਼ ਐਕਟ ਤਹਿਤ ਕੇਸ ਦਰਜ ਕਰ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement