ਬਠਿੰਡਾ: ਡੇਂਗੂ ਦਾ ਡੰਗ ਲਗਾਤਾਰ ਭਿਆਨਕ ਰੂਪ ਧਾਰਨ ਕਰ ਰਿਹਾ ਹੈ। ਇਸ ਨਾਲ ਪ੍ਰਾਈਵੇਟ ਅਤੇ ਸਰਕਾਰੀ ਹਸਪਤਾਲਾਂ ’ਚ ਮਰੀਜ਼ਾਂ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਇਸ ਦੇ ਨਾਲ ਹੀ ਦੁੱਧ ਅਤੇ ਫਲਾਂ ਦੀਆਂ ਕੀਮਤਾਂ ਵੀ ਆਸਮਾਨ ਛੂਹਣ ਲੱਗੀਆਂ ਹਨ। ਫਲ ਆਮ ਆਦਮੀ ਦੀ ਪਹੁੰਚ ਤੋਂ ਦੂਰ ਹੁੰਦੇ ਜਾ ਰਹੇ ਹਨ।
Dengue ਇਨ੍ਹਾਂ ’ਚ ਕੁਝ ਅਜਿਹੇ ਫਲ ਹਨ ਜਿਨ੍ਹਾਂ ਬਾਰੇ ਕਿਹਾ ਜਾਂਦਾ ਹੈ ਕਿ ਡੇਂਗੂ ਦੇ ਕਾਰਣ ਖੂਨ ’ਚ ਵ੍ਹਾਈਟ ਸੈੱਲ ਖਤਮ ਹੋ ਜਾਂਦੇ ਹਨ, ਜਿਸ ਨੂੰ ਫਲਾਂ ਅਤੇ ਬੱਕਰੀ ਦੇ ਦੁੱਧ ਨਾਲ ਪੂਰਾ ਕੀਤਾ ਜਾ ਸਕਦਾ ਹੈ। ਆਮ ਤੌਰ ’ਤੇ ਅਜਿਹੇ ਰੋਗੀ ਨੂੰ ਕੀਵੀ, ਡ੍ਰੈਗਨ ਫਲ, ਮੌਸੰਮੀ ਦਾ ਜੂਸ, ਅਨਾਰ, ਪਾਈਨਐਪਲ ਆਦਿ ਸ਼ਾਮਲ ਹੈ ਦਿੱਤੇ ਜਾਂਦੇ ਹਨ। ਮੌਸੰਮੀ ਫਲ ਜੋ ਪਹਿਲਾਂ 40 ਰੁਪਏ ਵਿਕ ਰਿਹਾ ਸੀ ਉਸ ਦੀ ਕੀਮਤ 120 ਰੁਪਏ ਕਿਲੋ ਤੱਕ ਪਹੁੰਚ ਚੁੱਕੀ ਹੈ।
Pomegranateਇਸੇ ਤਰ੍ਹਾਂ ਹੀ ਕੀਵੀ ਫਲ ਜੋ 15-20 ਰੁਪਏ ’ਚ ਮਿਲਦਾ ਸੀ ਹੁਣ 40-50 ਰੁਪਏ ਵਿੱਕ ਰਿਹਾ ਹੈ। ਡ੍ਰੈਗਨ ਫਲ ਦੀ ਕੀਮਤ ਵੀ ਦੁੱਗਣੀ ਹੋ ਚੁੱਕੀ ਹੈ। ਸਰਦੀਆਂ ਵਿਚ ਅਨਾਰ ਦੀਆਂ ਕੀਮਤਾਂ ਘੱਟ ਹੋ ਜਾਂਦੀਆਂ ਹਨ ਪਰ ਹੁਣ ਇਹ ਵੀ 180 ਰੁਪਏ ਤੋਂ 200 ਰੁਪਏ ਤੱਕ ਵਿਕ ਰਿਹਾ ਹੈ। ਫਲ ਵਿਕਰੇਤਾਵਾਂ ਦਾ ਕਹਿਣਾ ਹੈ ਕਿ ਡੇਂਗੂ ਦੀ ਮਹਾਮਾਰੀ ਕਾਰਣ ਅਕਸਰ ਰੋਗੀ ਇਨ੍ਹਾਂ ਫਲਾਂ ਦਾ ਹੀ ਸੇਵਨ ਕਰਦੇ ਹਨ, ਜਿਸ ਕਾਰਣ ਇਨ੍ਹਾਂ ਕੀਮਤਾਂ ’ਚ ਵਾਧਾ ਹੋਇਆ।
Photo ਪਿੱਛੋਂ ਹੀ ਫਲਾਂ ਦੇ ਰੇਟ ਮਹਿੰਗੇ ਹੋਣ ਕਾਰਣ ਇਨ੍ਹਾਂ ਦੀ ਆਮਦ ਵੀ ਬਹੁਤ ਘੱਟ ਹੋ ਰਹੀ ਹੈ। ਡੇਂਗੂ ਦੇ ਬੁਖਾਰ ’ਚ ਰੋਗੀ ਦੇ ਜੋੜਾਂ ’ਚ ਤੇਜ਼ ਦਰਦ ਅਤੇ ਵਾਰ-ਵਾਰ ਚੱਕਰ ਆਉਣ ਲਗਦੇ ਹਨ, ਜਿਸ ਨਾਲ ਖੂਨ ਦੇ ਪਲੇਟਲੈੱਟਸ ਦੀ ਗਿਣਤੀ ਵਿਚ ਘਾਟ ਹੋ ਜਾਂਦੀ ਹੈ, ਜਿਸ ਕਾਰਣ ਸਰੀਰ ਟੁੱਟਣ ਲੱਗਦਾ ਹੈ। ਜੇ ਪਲੇਟਲੈੱਟਸ ਦਾ ਤੁਰੰਤ ਇਲਾਜ ਨਾ ਹੋਵੇ ਤਾਂ ਰੋਗੀ ਦੀ ਮੌਤ ਵੀ ਹੋ ਜਾਂਦੀ ਹੈ।
Fruits ਮਰੀਜ਼ਾਂ ਨੂੰ ਇਸ ਸਮੱਸਿਆ ਤੋਂ ਰਾਹਤ ਦਿਵਾਉਣ ਲਈ ਆਯੁਰਵੈਦਿਕ ਡਾਕਟਰ ਗਲੂਕੋਜ਼ ਅਤੇ ਐਂਟੀ ਬਾਓਟਿਕ ਅਤੇ ਐੱਸੀਡੀਟੀ ਦੇ ਇੰਜਕੈਸ਼ਨ ਲਾਉਣ ਤੋਂ ਇਲਾਵਾ ਡੇਂਗੂ ਦੇ ਮਰੀਜ਼ ਨੂੰ ਫਲ ਤੇ ਬੱਕਰੀ ਦਾ ਦੁੱਧ ਪੀਣ ਦੀ ਵੀ ਸਲਾਹ ਦਿੰਦੇ ਹਨ। ਅਜਿਹੇ ਵਿਚ ਫਲ ਅਤੇ ਬੱਕਰੀ ਦੇ ਦੁੱਧ ਦੇ ਰੇਟਾਂ ’ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਬੱਕਰੀ ਦਾ ਦੁੱਧ 200 ਤੋਂ 500 ਰੁਪਏ ਪ੍ਰਤੀ ਕਿਲੋ ਵਿਕ ਰਿਹਾ ਹੈ। ਅਜਿਹੇ ’ਚ ਲੋਕਾਂ ਕੋਲ ਬਦਲ ਦੇ ਰੂਪ ’ਚ ਫਲ ਬਚਦਾ ਹੈ।
ਇਸੇ ਕਾਰਣ ਫਲਾਂ ਦੇ ਰੇਟਾਂ ’ਚ ਵੀ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਖਰੀਦਦਾਰਾਂ ਦਾ ਕਹਿਣਾ ਹੈ ਕਿ ਜਿੰਨੀ ਤੇਜ਼ੀ ਨਾਲ ਫਲਾਂ ਦੇ ਰੇਟਾਂ ਵਿਚ ਵਾਧਾ ਹੋ ਰਿਹਾ ਹੈ ਅਤੇ ਇਸ ਨੂੰ ਦੇਖਦੇ ਹੋਏ ਨਹੀਂ ਲੱਗਦਾ ਕਿ ਆਉਣ ਵਾਲੇ ਸਮੇਂ ’ਚ ਇਹ ਫਲ ਸਸਤੇ ਹੋਣ ਵਾਲੇ ਹਨ। ਡੇਂਗੂ ਦੇ ਰੋਗੀਆਂ ਦੇ ਕਾਰਣ ਫਲ ਆਮ ਲੋਕਾਂ ਦੀ ਪਹੁੰਚ ਤੋਂ ਹੌਲੀ-ਹੌਲੀ ਬਾਹਰ ਹੁੰਦਾ ਜਾ ਰਿਹਾ ਹੈ ਇਸ ਕਰ ਕੇ ਰੋਗੀ ਜਾਂ ਆਮ ਲੋਕ ਇੰਨੇ ਮਹਿੰਗੇ ਫਲ ਖਰੀਦ ਹੀ ਨਹੀਂ ਸਕਦੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
