ਰਾਹਗੀਰਾਂ ਦਾ ਦੱਸਣਾ ਹੈ ਕਿ ਇਸ ਪੁੱਲ ਦੀ ਹਾਲਤ ਸੁਧਾਰਨ...
ਤਰਨਤਾਰਨ: ਜ਼ਿਲ੍ਹਾ ਤਰਨਤਾਰਨ ਵਿਚ ਖੇਮਕਰਨ ਤੋਂ ਮਹੀਪੁਰ ਨੂੰ ਇਕ ਸੜਕ ਤੇ ਪੁੱਲ ਆਉਂਦਾ ਹੈ ਜਿਸ ਦੀ ਹਾਲਤ ਦੇਖ ਕੇ ਤੁਸੀਂ ਵੀ ਦੰਗ ਰਹਿ ਜਾਓਗੇ। ਇਸ ਪੁੱਲ ਦੀ ਸਮਰੱਥਾ 24 ਟਨ ਲਿਖੀ ਹੋਈ ਹੈ। ਇਸ ਦੇ ਪਾਸਿਆਂ ਦੀ ਮਜ਼ਬੂਤੀ ਤਾਂ ਠੀਕ ਹੈ ਪਰ ਇਸ ਦੀ ਜਿਹੜੀ ਲੋਹੇ ਦੀ ਚਾਦਰ ਪਾਈ ਗਈ ਹੈ ਉਹ ਬਹੁਤ ਹੀ ਕਮਜ਼ੋਰ ਹੋ ਚੁੱਕੀ ਹੈ।
ਰਾਹਗੀਰਾਂ ਦਾ ਦੱਸਣਾ ਹੈ ਕਿ ਇਸ ਪੁੱਲ ਦੀ ਹਾਲਤ ਸੁਧਾਰਨ ਲਈ ਉਹਨਾਂ ਵੱਲੋਂ ਕਾਫੀ ਸਮੇਂ ਤੋਂ ਮੰਗ ਕੀਤੀ ਜਾ ਰਹੀ ਹੈ ਪਰ ਉਹ ਇਸ ਵੱਲ ਕੋਈ ਧਿਆਨ ਨਹੀਂ ਦੇ ਰਹੇ। ਵੋਟਾਂ ਸਮੇਂ ਤਾਂ ਸਰਕਾਰਾਂ ਦੇ ਬਹੁਤ ਵਾਅਦੇ ਹੁੰਦੇ ਹਨ ਪਰ ਜ਼ਮੀਨੀ ਪੱਧਰ ਤੇ ਇਹ ਵਾਅਦੇ ਖੋਖਲੇ ਨਜ਼ਰ ਆਉਂਦੇ ਹਨ।
ਉੱਥੇ ਹੀ ਮੌਜੂਦ ਰਾਹਗੀਰਾਂ ਦਾ ਕਹਿਣਾ ਹੈ ਕਿ ਪਹਿਲਾਂ ਇੱਥੇ ਫੱਟੀਆਂ ਵਾਲਾ ਪੁੱਲ ਹੁੰਦਾ ਸੀ ਉਸ ਦੀਆਂ ਫੱਟੀਆਂ ਟੁੱਟ ਜਾਂਦੀਆਂ ਸਨ। ਉਸ ਤੋਂ ਬਾਅਦ ਆਰਮੀ ਨੇ ਇਸ ਦੀਆਂ ਫੱਟੀਆਂ ਬਦਲ ਕੇ ਲੋਹੇ ਦੀਆਂ ਚਾਦਰਾਂ ਪਾ ਦਿੱਤੀਆਂ। ਉਹਨਾਂ ਵੱਲੋਂ ਲੀਡਰਾਂ ਨੂੰ ਇਹੀ ਮੰਗ ਕੀਤੀ ਜਾਂਦੀ ਹੈ ਕਿ ਪੁੱਲ ਦੀ ਮੁਰੰਮਤ ਕਰਵਾਈ ਜਾਵੇ।
ਇਸ ਦੀਆਂ ਚਾਦਰਾਂ ਵਿਚ ਟੋਏ ਪੈਣ ਕਾਰਨ ਇੱਥੇ ਕਈ ਦੁਰਘਟਨਾਵਾਂ ਵੀ ਹੋਈਆਂ ਹਨ। ਇਸ ਪ੍ਰਤੀ ਉਹ ਆਪ ਹੀ ਇਸ ਦੀ ਮੁਰੰਮਤ ਕਰਦੇ ਹਨ ਸਰਕਾਰ ਨੇ ਉਹਨਾਂ ਦੀ ਕੋਈ ਸੁਣਵਾਈ ਨਹੀਂ ਕੀਤੀ।
ਲੋਕਾਂ ਨੇ ਸਰਕਾਰ ਤੋਂ ਇਹੋ ਮੰਗ ਕੀਤੀ ਹੈ ਕਿ ਇਸ ਪੁੱਲ ਦੀ ਜਲਦ ਤੋਂ ਜਲਦ ਮੁਰੰਮਤ ਕੀਤੀ ਜਾਵੇ ਤਾਂ ਜੋ ਉਹਨਾਂ ਨੂੰ ਆਵਾਜਾਈ ਵਿਚ ਪਰੇਸ਼ਾਨੀ ਨਾ ਹੋਵੇ। ਸੋ ਦੇਖਣਾ ਹੋਵੇਗਾ ਕਿ ਸਰਕਾਰ ਕਦੋਂ ਇਹਨਾਂ ਲੋਕਾਂ ਦੀ ਮੰਗ ਨੂੰ ਪੂਰਾ ਕਰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।