ਇਕ ਪਾਸੇ ਜਿੱਥੇ ਜੇ. ਸੀ. ਪੀ. ਅਟਾਰੀ ਸਰਹੱਦ ’ਤੇ ਗਣਤੰਤਰ ਦਿਵਸ ਧੂਮਧਾਮ ਨਾਲ ਮਨਾਇਆ ਗਿਆ, ਉਥੇ ਹੀ ਦੂਜੇ ਪਾਸੇ ਇਕ ਘਟਨਾ ਨੇ ਸਭ ਦਾ ਮਨ ਪਸੀਜ ਕੇ ਰੱਖ ਦਿੱਤਾ।
ਚੰਡੀਗੜ੍ਹ - ਇਕ ਪਾਸੇ ਜਿੱਥੇ ਜੇ. ਸੀ. ਪੀ. ਅਟਾਰੀ ਸਰਹੱਦ ’ਤੇ ਗਣਤੰਤਰ ਦਿਵਸ ਧੂਮਧਾਮ ਨਾਲ ਮਨਾਇਆ ਗਿਆ, ਉਥੇ ਹੀ ਦੂਜੇ ਪਾਸੇ ਇਕ ਘਟਨਾ ਨੇ ਸਭ ਦਾ ਮਨ ਪਸੀਜ ਕੇ ਰੱਖ ਦਿੱਤਾ। ਜਾਣਕਾਰੀ ਅਨੁਸਾਰ ਪਾਕਿ ਤੋਂ 500 ਹਿੰਦੂ ਪਰਿਵਾਰ ਐਤਵਾਰ ਦੇ ਦਿਨ ਉਜੜ ਕੇ ਭਾਰਤ ਆਏ ਹਨ। ਸੋਮਵਾਰ ਨੂੰ ਵੀ 250 ਦੇ ਕਰੀਬ ਹਿੰਦੂ ਪਰਿਵਾਰ ਪਾਕਿ ਤੋਂ ਉਜੜ ਕੇ ਆਏ ਹਨ।
File photo
ਪ੍ਰਧਾਨ ਮੰਤਰੀ ਮੋਦੀ ਵਲੋਂ ਹਿੰਦੂ ਘੱਟ ਗਿਣਤੀਆਂ ਨੂੰ ਭਾਰਤੀ ਨਾਗਰਿਕਤਾ ਦਿੱਤੇ ਜਾਣ ਦੇ ਬਿਆਨ ਮਗਰੋਂ ਪਾਕਿ ਤੋਂ ਹਿੰਦੂ ਪਰਿਵਾਰ ਆਉਣੇ ਸ਼ੁਰੂ ਹੋ ਗਏ ਹਨ। ਇਹ ਸਾਰੇ ਪਰਿਵਾਰ ਪਾਕਿ ਦੇ ਸਿੰਧ ਸੂਬੇ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ਦੇ ਰਹਿਣ ਵਾਲੇ ਹਨ। ਇਨ੍ਹਾਂ ਦੀ ਹਾਲਤ ਵੇਖ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਸਾਰੇ ਪਰਿਵਾਰ ਬਹੁਤ ਗਰੀਬ ਹਨ।
File photo
ਸਰਹੱਦ ਪਾਰ ਕਰਦੇ ਸਮੇਂ ਭਾਰੀ ਸਾਮਾਨ ਆਪਣੇ ਸਿਰ ’ਤੇ ਚੁੱਕ ਕੇ ਆਈ. ਸੀ. ਪੀ. ਅਟਾਰੀ ਦੇ ਬੈਗੇਜ ਹਾਲ ਵੱਲ ਜਾਂਦੇ ਨਜ਼ਰ ਆਏ। ਇਹ ਸਾਰੇ ਪਰਿਵਾਰ ਭਾਰਤੀ ਨਾਗਰਿਕਤਾ ਲੈਣ ਦੇ ਚਾਹਵਾਨ ਹਨ ਅਤੇ ਪਾਕਿ ਨੂੰ ਅਲਵਿਦਾ ਕਹਿ ਕੇ ਆਏ ਹਨ। ਸੁਰੱਖਿਆ ਏਜੰਸੀਆਂ ਦੀ ਰਿਪੋਰਟ ਅਨੁਸਾਰ ਪਿਛਲੇ ਸਾਲਾ ਦੌਰਾਨ ਅਜੇ ਤੱਕ ਪਾਕਿ ਤੋਂ 20 ਹਜ਼ਾਰ ਤੋਂ ਜ਼ਿਆਦਾ ਹਿੰਦੂ ਪਰਿਵਾਰ ਭਾਰਤ ਆ ਚੁੱਕੇ ਹਨ,
File Photo
ਜਿਨ੍ਹਾਂ ਨੂੰ ਭਾਰਤੀ ਨਾਗਰਿਕਤਾ ਮਿਲ ਚੁੱਕੀ ਹੈ। ਇਹ ਸਾਰੇ ਪਰਿਵਾਰ ਮੱਧ ਪ੍ਰਦੇਸ਼ ਦੇ ਇੰਦੌਰ, ਰਾਜਸਥਾਨ, ਗੁਜਰਾਤ, ਦਿੱਲੀ ਅਤੇ ਪੰਜਾਬ ਵੱਲ ਜਾ ਰਹੇ ਹਨ। ਦੂਜੇ ਪਾਸੇ ਵੱਡੀ ਗਿਣਤੀ ’ਚ ਪਾਕਿ ਹਿੰਦੂ ਪਰਿਵਾਰਾਂ ਦੇ ਆਉਣ ਮਗਰੋਂ ਸੁਰੱਖਿਆ ਏਜੰਸੀਆਂ ਦੀ ਨੀਂਦ ਉੱਡ ਗਈ ਹੈ। ਪਾਕਿ ਤੋਂ ਆਏ ਇਨ੍ਹਾਂ ਹਿੰਦੂ ਪਰਿਵਾਰਾਂ ’ਚ ਕੌਣ ਪਾਕਿ ਦਾ ਜਾਸੂਸ ਹੈ, ਇਸ ਦਾ ਅੰਦਾਜ਼ਾ ਨਹੀਂ ਲਾਇਆ ਜਾ ਸਕਦਾ ਹੈ।
