ਸੂਬੇ ਦੀ ਸੜਕ ਸੁਰੱਖਿਆ ਸਲਾਹਕਾਰ ਟੀਮ ਨੇ ਪੰਜਾਬ ਦੀਆਂ ਸੜਕਾਂ 'ਤੇ ਨਵੇਂ ਬਲੈਕ ਸਪਾਟ ਦੀ ਪਛਾਣ ਕੀਤੀ ਹੈ।
ਚੰਡੀਗੜ੍ਹ: ਸੂਬੇ ਦੀ ਸੜਕ ਸੁਰੱਖਿਆ ਸਲਾਹਕਾਰ ਟੀਮ ਨੇ ਪੰਜਾਬ ਦੀਆਂ ਸੜਕਾਂ 'ਤੇ ਨਵੇਂ ਬਲੈਕ ਸਪਾਟ ਦੀ ਪਛਾਣ ਕੀਤੀ ਹੈ। ਪੰਜਾਬ ਵਿਜ਼ਨ ਜ਼ੀਰੋ ਐਕਸੀਡੈਂਟ ਟੀਮ ਅਤੇ ਪੰਜਾਬ ਪੁਲਿਸ ਦੇ ਟ੍ਰੈਫਿਕ ਵਿੰਗ ਨੇ ਸਾਂਝੇ ਤੌਰ 'ਤੇ ਪੰਜਾਬ ਰੋਡ ਐਕਸੀਡੈਂਟ ਬਲੈਕ ਸਪਾਟ ਬਾਰੇ ਰਿਪੋਰਟ ਤਿਆਰ ਕੀਤੀ ਹੈ। 1 ਅਪ੍ਰੈਲ ਤੱਕ ਕੀਤੇ ਗਏ ਸਰਵੇ ਦੀ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ 407 ਅਜਿਹੀਆਂ ਨਵੀਆਂ ਥਾਵਾਂ ਦਾ ਪਤਾ ਲਗਾਇਆ ਗਿਆ ਹੈ ਜਿੱਥੇ ਵਾਰ-ਵਾਰ ਹਾਦਸੇ ਵਾਪਰ ਰਹੇ ਹਨ। ਪੰਜਾਬ ਵਿਚ ਦੋ ਸਾਲ ਪਹਿਲਾਂ ਟਰੈਫਿਕ ਸਰਵੇਖਣ ਸ਼ੁਰੂ ਕੀਤਾ ਗਿਆ ਸੀ।
Road Safety Survey
ਪਹਿਲੇ ਪੜਾਅ ਵਿਚ 377 ਬਲੈਕ ਸਪਾਟ ਪਾਏ ਗਏ ਸਨ, ਜੋ ਹੁਣ ਵੱਧ ਕੇ 784 ਹੋ ਗਏ ਹਨ। ਜਦੋਂ 500 ਮੀਟਰ ਦੇ ਘੇਰੇ ਵਿਚ 5 ਹਾਦਸੇ ਵਾਪਰਦੇ ਹਨ ਅਤੇ 10 ਤੋਂ ਵੱਧ ਲੋਕ ਆਪਣੀ ਜਾਨ ਗੁਆ ਦਿੰਦੇ ਹਨ, ਤਾਂ ਇਸ ਨੂੰ ਬਲੈਕ ਸਪਾਟ ਕਿਹਾ ਜਾਂਦਾ ਹੈ। ਇਸ ਦਾ ਉਦੇਸ਼ ਹਾਦਸਿਆਂ ਨੂੰ ਜਨਮ ਦੇਣ ਵਾਲੀਆਂ ਤਕਨੀਕੀ ਕਮੀਆਂ ਨੂੰ ਦੂਰ ਕਰਨਾ ਅਤੇ ਮੁੱਢਲੀ ਡਾਕਟਰੀ ਦੇਖਭਾਲ ਪ੍ਰਦਾਨ ਕਰਨਾ ਹੈ। ਸਰਕਾਰ ਨੇ ਤੰਦਰੁਸਤ ਪੰਜਾਬ ਮਿਸ਼ਨ ਤਹਿਤ 1600 ਕਰੋੜ ਰੁਪਏ ਮਨਜ਼ੂਰ ਕੀਤੇ ਹਨ।
Road Accident
ਇਸ ਨਾਲ ਸੜਕਾਂ ਦਾ ਨਵੀਨੀਕਰਨ ਅਤੇ ਹੋਰ ਕੰਮ ਹੋਣਗੇ। ਸਭ ਤੋਂ ਵੱਧ 104 ਬਲੈਕ ਸਪਾਟ ਲੁਧਿਆਣਾ ਜ਼ਿਲ੍ਹੇ ਵਿਚ ਹਨ। ਮੋਹਾਲੀ 92 ਨਾਲ ਦੂਜੇ ਅਤੇ ਜਲੰਧਰ 59 ਬਲੈਕ ਸਪਾਟਾਂ ਨਾਲ ਤੀਜੇ ਨੰਬਰ 'ਤੇ ਹੈ। ਇਸ ਤੋਂ ਇਲਾਵਾ ਅੰਮ੍ਰਿਤਸਰ ਵਿਚ 29, ਬਟਾਲਾ ਵਿਚ 9, ਬਠਿੰਡਾ ਵਿਚ 55 ਬਲੈਕ ਸਪਾਟ ਹਨ। ਤੰਦਰੁਸਤ ਪੰਜਾਬ ਮਿਸ਼ਨ ਦੇ ਡਾਇਰੈਕਟਰ ਕਾਹਨ ਸਿੰਘ ਪੰਨੂ ਨੇ ਦੱਸਿਆ ਕਿ ਦਿੱਲੀ ਤੋਂ ਅੰਮ੍ਰਿਤਸਰ ਅਤੇ ਪਠਾਨਕੋਟ ਤੱਕ ਬਲੈਕ ਸਪਾਟ ਦੀ ਪਛਾਣ ਕੀਤੀ ਗਈ ਹੈ। ਇਹਨਾਂ ਨੂੰ ਖਤਮ ਕਰਨ ਲਈ 1600 ਕਰੋੜ ਵਿਚੋਂ 560 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ।
Punjab Roads
ਨਵੇਂ ਹਾਈਵੇਅ ਅਤੇ ਪੁਲ ਬਣਾਏ ਜਾ ਰਹੇ ਹਨ ਜਿਸ ਵਿਚ ਜਲੰਧਰ ਵੀ ਸ਼ਾਮਲ ਹੈ। ਇਸ ਸਮੇਂ ਮੁਕੇਰੀਆਂ ਅਤੇ ਦਸੂਹਾ ਸਭ ਤੋਂ ਖਤਰਨਾਕ ਬਲੈਕ ਸਪਾਟ ਬਣ ਰਹੇ ਹਨ ਕਿਉਂਕਿ ਹਾਈਵੇਅ ਸ਼ਹਿਰ ਦੇ ਵਿਚਕਾਰੋਂ ਲੰਘ ਰਹੇ ਹਨ ਅਤੇ ਇਹਨਾਂ ਦੋਵਾਂ ਵਿਚਕਾਰ ਪੁਲ ਬਣਾਏ ਜਾਣਗੇ। ਹਾਈਵੇ ਨੂੰ ਚੌੜਾ ਕਰਨ ਦਾ ਕੰਮ ਲਗਪਗ ਚੱਲ ਰਿਹਾ ਹੈ। ਰਿਪੋਰਟ ਅਨੁਸਾਰ ਨੈਸ਼ਨਲ ਹਾਈਵੇਅ 'ਤੇ 545, ਸਟੇਟ ਹਾਈਵੇਅ 'ਤੇ 128, ਐਮਸੀ ਰੋਡ ਅਰਬਨ 'ਤੇ 64, ਮੈਡਲ ਡਿਸਟ੍ਰਿਕਟ ਰੋਡ 'ਤੇ 21, ਹੋਰ ਜ਼ਿਲ੍ਹਾ ਰੋਡ 'ਤੇ 12, ਦਿਹਾਤੀ ਰੋਡ 'ਤੇ 14 ਬਲੈਕ ਸਪਾਟ ਹਨ।
