ਪਿਛਲੇ ਕੁਝ ਦਿਨਾਂ ਤੋਂ ਨਸ਼ੇ ਦੇ ਵਧਦੇ ਹੋਏ ਕਹਿਰ ਨੂੰ ਮੱਦੇਨਜ਼ਰ ਰੱਖਦਿਆਂ ਸੂਬੇ ਸਿਆਂ ਸਰਕਾਰਾਂ ਨੇ ਕਈ ਅਹਿਮ ਕਦਮ ਚੁਕੇ ਹਨ। ਉਹਨਾਂ ਨੇ ਨਸ਼ੇ
ਲੁਧਿਆਣਾ: ਪਿਛਲੇ ਕੁਝ ਦਿਨਾਂ ਤੋਂ ਨਸ਼ੇ ਦੇ ਵਧਦੇ ਹੋਏ ਕਹਿਰ ਨੂੰ ਮੱਦੇਨਜ਼ਰ ਰੱਖਦਿਆਂ ਸੂਬੇ ਸਿਆਂ ਸਰਕਾਰਾਂ ਨੇ ਕਈ ਅਹਿਮ ਕਦਮ ਚੁਕੇ ਹਨ। ਉਹਨਾਂ ਨੇ ਨਸ਼ੇ ਨੂੰ ਖਤਮ ਕਰਨ ਦੇ ਲਈ ਸੂਬੇ `ਚ ਅਨੇਕਾਂ ਹੀ ਸਕੀਮਾਂ ਬਣਾਈਆਂ ਹਨ। ਸਰਕਾਰਾਂ ਨੇ ਸੂਬੇ `ਚ ਵੱਖ ਵੱਖ ਕਮੇਟੀਆਂ ਦਾ ਗਠਨ ਕੀਤਾ ਹੈ। ਜੋ ਕੇ ਨਸ਼ੇ ਨੂੰ ਠੱਲ ਪਾਉਣ `ਚ ਕੁਝ ਹੱਦ ਤਕ ਸਫਲ ਹੁੰਦੀਆਂ ਦਿਖਾਈ ਦੇ ਰਹੀਆਂ ਹਨ। ਇਸੇ ਹੀ ਤਰਾਂ ਮਿਸ਼ਨ ਤੰਦੁਰੁਸਤ ਪੰਜਾਬ ਦੇ ਤਹਿਤ ਦਵਾਈਆਂ ਦੀਆਂ ਦੁਕਾਨਾਂ ਉੱਤੇ ਹੋ ਰਹੀ ਛਾਪੇਮਾਰੀ ਅਤੇ ਸੈਂਪਲਿੰਗ ਦੇ ਖਿਲਾਫ ਸੂਬੇ ਭਰ ਦੇ ਡਰਗ ਸਟੋਰ 30 ਜੁਲਾਈ ਨੂੰ ਬੰਦ ਰਹਿਣਗੇ ।
ਕਿਹਾ ਜਾ ਰਿਹਾ ਹੈ ਕੇ ਕੇਮਿਸਟਾ ਦੀ ਇੱਕ ਦਿਨਾਂ ਹੜਤਾਲ 29 ਜੁਲਾਈ ਰਾਤ 12 ਵਜੇ ਸ਼ੁਰੂ ਹੋਵੇਗੀ ਅਤੇ 30 ਜੁਲਾਈ ਰਾਤ 12 ਵਜੇ ਤੱਕ ਚੱਲੇਗੀ । ਇਸੇ ਦੌਰਾਨ ਹੀ ਐਸੋਸੀਏਸ਼ਨ ਨੇ ਆਈਏਮਏ ਵਲੋਂ ਵੀ ਹੜਤਾਲ ਨੂੰ ਸਫਲ ਬਣਾਉਣ ਲਈ ਸਹਿਯੋਗ ਮੰਗਿਆ ਹੈ। ਦਸਿਆ ਜਾ ਰਿਹਾ ਹੈ ਕੇ ਮਾਡਲ ਟਾਉਨ ਸਥਿਤ ਹੋਟਲ ਵਿਚ ਆਯੋਜਿਤ ਮੀਟਿੰਗ ਦੇ ਦੌਰਾਨ ਪੰਜਾਬ ਕੇਮਿਸਟ ਐਸੋਸੀਏਸ਼ਨ ਦੇ ਕਾਰਜਕਾਰੀ ਪ੍ਰਧਾਨ ਜੀਐਸ ਚਾਵਲਾ ਅਤੇ ਜਨਰਲ ਸੈਕਟਰੀ ਸੁਰਿੰਦਰ ਦੁੱਗਲ ਨੇ ਕਿਹਾ ਕਿ ਨਸ਼ੇ ਦੇ ਖਿਲਾਫ ਚੱਲ ਰਹੇ ਅਭਿਆਨ ਦੇ ਤਹਿਤ ਉਨ੍ਹਾਂ ਨੂੰ ਸ਼ਕ ਦੀ ਨਜ਼ਰ ਨਾਲ ਵੇਖਿਆ ਜਾ ਰਿਹਾ ਹੈ ।
ਮਿਸ਼ਨ ਤੰਦੁਰੁਸਤ ਦੀ ਆੜ ਵਿਚ ਛਾਪੇਮਾਰੀ ਕਰਕੇ ਕੇਮਿਸਟਾ ਨੂੰ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ । ਉਹਨਾਂ ਦਾ ਕਹਿਣਾ ਹੈ ਕੇ ਅਸੀਂ ਲੋੜੀਦਾਂ ਲਾਇਸੇਂਸ ਲੈ ਕੇ ਹੀ ਦੁਕਾਨ ਚਲਾਉਂਦੇ ਹਾਂ। ਇਸ ਦੇ ਬਾਵਜੂਦ ਕੇਵਲ ਸਰਕਾਰ ਦੇ ਕੋਲ ਨੰਬਰ ਬਣਾਉਣ ਲਈ ਉਨ੍ਹਾਂ ਉੱਤੇ ਛਾਪੇਮਾਰੀ ਕੀਤੀ ਜਾ ਰਹੀ ਹੈ । ਉਹਨਾਂ ਦਾ ਕਹਿਣਾ ਹੈ ਕੇ ਸਰਕਾਰ ਵਲੋਂ ਜੋ ਛਾਪੇਮਾਰੀ ਕੀਤੀ ਜਾ ਰਹੀ ਹੈ ਉਹ ਇਕ ਦਮ ਨਜਾਇਜ ਹੈ। ਇਸ ਮੌਕੇ ਜੀ ਐਸ ਚਾਵਲਾ ਨੇ ਕਿਹਾ ਕਿ ਜੇਕਰ ਕੋਈ ਦੁਕਾਨ ਖੁੱਲੀ ਪਾਈ ਗਈ ਤਾਂ ਐਸੋਸੀਏਸ਼ਨ ਦੇ ਲੋਕ ਰੈਲੀ ਦੇ ਰੂਪ ਵਿੱਚ ਉੱਥੇ ਜਾ ਕੇ ਉਸ ਨੂੰ ਬੰਦ ਕਰਵਾ ਦੇਣਗੇ।
ਜੇਕਰ ਕੋਈ ਦੁਕਾਨਦਾਰ ਇਸ ਹੜਤਾਲ ਵਿੱਚ ਉਹਨਾਂ ਦਾ ਸਹਿਯੋਗ ਨਹੀਂ ਕਰੇਗਾ ਤਾਂ ਉਸ ਦੇ ਖਿਲਾਫ ਹੋਣ ਵਾਲੀ ਕਿਸੇ ਵੀ ਕਾਰਵਾਈ ਵਿੱਚ ਐਸੋਸੀਏਸ਼ਨ ਉਸ ਦਾ ਸਹਿਯੋਗ ਨਹੀਂ ਕਰੇਗੀ ਅਤੇ ਉਸ ਦਾ ਬਾਇਕਾਟ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਆਈਏਮਏ ਨੂੰ ਵੀ ਅਪੀਲ ਕੀਤੀ ਹੈ ਕਿ ਉਹ ਨਿਜੀ ਨਰਸਿੰਗ ਹੋਮ ਵਿੱਚ ਮੌਜੂਦ ਕੇਮਿਸਟ ਦੀਆਂ ਦੁਕਾਨਾਂ ਬੰਦ ਕਰਕੇ ਉਨ੍ਹਾਂ ਦਾ ਸਹਿਯੋਗ ਕਰਨ। ਕਿਹਾ ਜਾ ਰਿਹਾ ਹੈ ਕੇ ਇਸ ਮੀਟਿੰਗ ਵਿਚ ਪੰਜਾਬ ਦੇ 22 ਜਿਲਿਆ ਦੇ ਕੇਮਿਸਟ ਪ੍ਰਤਿਨਿਧੀ ਮੌਜੂਦ ਰਹੇ। ਜਿਲ੍ਹੇ ਦੇ ਸਾਰੇ ਪ੍ਰਤੀਨਿਧੀ ਨੇ ਇਸ ਹੜਤਾਲ `ਚ ਸਾਥ ਦੀ ਮੰਗ ਕੀਤੀ। ਉਹਨਾਂ ਨੇ ਕਿਹਾ ਹੈ ਕੇ ਅਸੀਂ ਆਪਣੇ ਆਪਣੇ ਜਿਲੇ ਦੀ ਜਿੰਮੇਵਾਰੀ ਲੈਂਦੇ ਹਾਂ।