ਲੋਕਾਂ ਦਾ ਕੰਮ ਤਾਂ ਸਿਰਫ ਬੋਲਣਾ
ਚੰਡੀਗੜ੍ਹ: ਹਾਲ ਹੀ ’ਚ ਛਿੜੇ ਮੁੱਦੇ ਨੂੰ ਲੈ ਕੇ ਗੋਲਡੀ PP ਨੇ ਲਾਈਵ ਹੋ ਕੇ ਕਈ ਵੱਡੇ ਖੁਲਾਸੇ ਕੀਤੇ ਹਨ। ਕਾਫੀ ਦਿਨ ਪਹਿਲਾਂ ਇਕ ਵੀਡੀਓ ਵਾਇਰਲ ਹੋ ਰਹੀ ਸੀ ਜਿਸ ਵਿਚ ਇਕ ਆਦਮੀ ਪੁਲਿਸ ਮਹਿਕਮੇ ਦੇ ਜਾਬਾਜ਼ ਪੁਲਿਸ ਅਧਕਾਰੀਆਂ ਤੇ ਇਲਜ਼ਾਮ ਲਗਾ ਰਿਹਾ ਸੀ ਕਿ ਇਹ NRI ਵੀਰਾਂ ਦੇ ਪੈਸੇ ਖਾਂਦੇ ਹਨ।
PP Goldy
ਉਹਨਾਂ ਇਹ ਵੀ ਇਲਜ਼ਾਮ ਲਗਾਏ ਸਨ ਕਿ ਗੋਲਡੀ ਨੇ NRI ਵੀਰਾਂ ਦੇ ਪੈਸਿਆਂ ਨਾਲ ਇਕ ਨਵੀਂ ਗੱਡੀ ਵੀ ਲੈ ਲਈ ਹੈ ਜਿਸ ਤੇ ਅੱਜ ਗੋਲਡੀ ਨੇ ਲਾਇਵ ਹੋ ਕੇ ਸਾਰੀਆਂ ਗੱਲਾਂ ਦੇ ਜੁਆਬ ਦਿੱਤੇ। ਗੋਲਡੀ ਦਾ ਕਹਿਣਾ ਹੈ ਕਿ ਕਿਸੇ ਨੂੰ ਕੁੱਝ ਵੀ ਕਹਿਣ ਤੋਂ ਪਹਿਲਾਂ ਸੋਚ ਲੈਣਾ ਚਾਹੀਦਾ ਹੈ ਤੇ ਉਸ ਬਾਰੇ ਜਾਣ ਲੈਣਾ ਚਾਹੀਦਾ ਹੈ।
PP Goldy
ਉਹਨਾਂ ਨੇ ਅਪਣੇ ਫੋਨ ਵਿਚ ਉਸ ਵਿਅਕਤੀ ਦੀ ਗੱਡੀ ਵੀ ਦਿਖਾਈ ਜਿਸ ਨੂੰ ਲੈ ਕੇ ਇੰਨੀਆਂ ਗੱਲਾਂ ਬਣਾਈਆਂ ਗਈਆਂ ਸਨ। ਗੋਲਡੀ ਨੇ ਬੇਨਤੀ ਕੀਤੀ ਕਿ ਉਹਨਾਂ ਨੂੰ ਅਜਿਹੇ ਮਸਲਿਆਂ ਵਿਚ ਨਾ ਉਲਝਾਇਆ ਜਾਵੇ। ਇਹ ਨਾ ਹੋਵੇ ਕਿ ਉਹ ਘਰ ਵਿਚ ਬੰਦ ਹੋ ਜਾਣ।
PP Goldy
ਪਰ ਇਸ ਨਾਲ ਉਹਨਾਂ ਦਾ ਕੁੱਝ ਨਹੀਂ ਜਾਣਾ ਤੇ ਗਰੀਬ ਲੋਕਾਂ ਦਾ ਕੁੱਝ ਨਹੀਂ ਰਹਿਣਾ। ਉਹਨਾਂ ਨੂੰ ਸ਼ਾਂਤਮਈ ਢੰਗ ਨਾਲ ਸੇਵਾ ਕਰਨ ਦਿੱਤੀ ਜਾਵੇ। ਪੈਸਿਆਂ ਦੇ ਹਿਸਾਬ-ਕਿਤਾਬ ਨੂੰ ਲੈ ਕੇ ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਜਿੱਥੇ ਵੀ ਬੁਲਾਇਆ ਜਾਵੇਗਾ ਉਹ ਜਾਣ ਲਈ ਤਿਆਰ ਹਨ ਤੇ ਉਹ ਇਕ ਇਕ ਰੁਪਏ ਦਾ ਹਿਸਾਬ ਦੇਣਗੇ ਤੇ ਇਸ ਦਾ ਰਿਕਾਰਡ ਵੀ ਉਹਨਾਂ ਕੋਲ ਲਿਖਿਆ ਪਿਆ ਹੈ।
Fortuner Car
ਜਿਹੜੇ ਉਹਨਾਂ ਦੀ ਸਪੋਟ ਕਰਦੇ ਹਨ ਉਹਨਾਂ ਦਾ ਗੋਲਡੀ ਨੇ ਦਿਲੋਂ ਧੰਨਵਾਦ ਕੀਤਾ ਤੇ ਜਿਹੜੇ ਇਲਜ਼ਾਮ ਲਗਾਉਂਦੇ ਹਨ ਉਹਨਾਂ ਨੂੰ ਬੇਨਤੀ ਕੀਤੀ ਕਿ ਉਹ ਅਜਿਹਾ ਨਾ ਕਰਨ ਨਹੀਂ ਤਾਂ ਗਰੀਬ ਪਰਿਵਾਰਾਂ ਨੇ ਰੁਲ ਜਾਣਾ ਹੈ। ਉਹਨਾਂ ਦੀ ਸਾਰ ਕੋਈ ਵਿਰਲਾ ਹੀ ਲੈਂਦਾ ਹੈ ਇਸ ਲਈ ਜੇ ਕੋਈ ਸੇਵਾ ਕਰਦਾ ਹੈ ਤਾਂ ਉਸ ਤੇ ਇਲਜ਼ਾਮ ਲਗਾਉਣ ਦੀ ਬਜਾਏ ਉਸ ਦਾ ਸਾਥ ਦਿਓ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
