ਬੀਤੀ ਰਾਤ ਅੰਮ੍ਰਿਤਸਰ ਦੇ ਕੰਪਨੀ ਬਾਗ ਨੂੰ ਉਸ ਵੇਲੇ ਛਾਉਣੀ ਵਿਚ ਤਬਦੀਲ ਕਰ ਦਿੱਤਾ ਗਿਆ ਜਦੋ ਇਹ ਸੂਚਨਾ ਮਿਲੀ ਕੇ ਬਾਗ ਵਿਚ ਬੰਬ ਹੈ ਤੇ ਬਾਗ...
ਅੰਮ੍ਰਿਤਸਰ (ਭਾਸ਼ਾ) : ਬੀਤੀ ਰਾਤ ਅੰਮ੍ਰਿਤਸਰ ਦੇ ਕੰਪਨੀ ਬਾਗ ਨੂੰ ਉਸ ਵੇਲੇ ਛਾਉਣੀ ਵਿਚ ਤਬਦੀਲ ਕਰ ਦਿੱਤਾ ਗਿਆ ਜਦੋ ਇਹ ਸੂਚਨਾ ਮਿਲੀ ਕੇ ਬਾਗ ਵਿਚ ਬੰਬ ਹੈ ਤੇ ਬਾਗ ਅੰਦਰ ਕੁਝ ਸ਼ੱਕੀ ਲੂਕਾ ਹੋਏ ਹਨ। ਪੁਲਿਸ ਨੇ ਸੂਚਨਾ ਮਿਲਣ 'ਤੇ ਹੀ ਪੂਰੇ ਕੰਪਨੀ ਬਾਗ ਨੂੰ ਸੀਲ ਕਰ ਦਿੱਤਾ ਅਤੇ ਕਈ ਘੰਟੇ ਤੱਕ ਬਾਗ ਵਿਚ ਸਰਚ ਓਪਰੇਸ਼ਨ ਜਾਰੀ ਰੱਖਿਆ।
ਦੱਸ ਦੇਈਏ ਕਿ ਸੂਚਨਾ ਮਿਲਣ ਤੇ ਅੰਮ੍ਰਿਤਸਰ ਦੀ ਪੁਲਿਸ ਵੱਡੀ ਮਾਤਰਾ ਵਿਚ ਉਥੇ ਪਹੁੰਚ ਗਈ ਅਤੇ ਕੰਪਨੀ ਬਾਗ ਨੂੰ ਖਾਲੀ ਕਰਵਾ ਸੀਲ ਕਰ ਦਿੱਤਾ। ਜਿਸ ਤੋਂ ਬਾਅਦ ਬਾਗ ਵਿਚ ਕਈ ਘੰਟਿਆਂ ਤੱਕ ਸਰਚ ਓਪਰੇਸ਼ਨ ਚਲਿਆ ਪਰ ਬਾਗ ਵਿਚੋਂ ਕੁਝ ਨਹੀਂ ਮਿਲਿਆ। ਬੀਤੇ ਕੁਝ ਦੀਨਾ ਤੋਂ ਹੋ ਰਹੇ ਬੰਬ ਬਲਾਸਟ ਅਤੇ ਅੱਤਵਾਦੀਆਂ ਦੇ ਪੰਜਾਬ ਵਿਚ ਹੋਣ ਨੂੰ ਲੈ ਕੇ ਪੁਲਿਸ ਵੱਲੋਂ ਚੌਕਸੀ ਵਧ ਦਿੱਤੀ ਗਈ ਹੈ ਅਤੇ ਕਿਸੇ ਅਣਸੁਖਾਵੀ ਘਟਨਾ ਨੂੰ ਰੋਕਣ ਲਈ ਪੁਲਿਸ ਚੱਪੇ ਚੱਪੇ 'ਤੇ ਤੈਨਾਤ ਹੈ।