ਪਿਛਲੇ ਸਾਲ ਖੰਨੇ 'ਚ ਪੈਂਦੇ ਰਸੂਲੜਾ ਦੇ ਸਰਪੰਚ ਮਿੰਦੀ ਗਾਂਧੀ ਦੇ ਕਤਲ ਦੀ ਸੁਪਾਰੀ ਦੇਣ ਵਾਲੇ ਕੈਨੇਡਾ ਦੇ ਗੁਰਜੋਤ ਗਰਚਾ ਦੀ ਬੀਤੀ ਰਾਤ ਕੈਨੇਡਾ ਵਿਚ ...
ਚੰਡੀਗੜ੍ਹ : ਪਿਛਲੇ ਸਾਲ ਖੰਨੇ 'ਚ ਪੈਂਦੇ ਰਸੂਲੜਾ ਦੇ ਸਰਪੰਚ ਮਿੰਦੀ ਗਾਂਧੀ ਦੇ ਕਤਲ ਦੀ ਸੁਪਾਰੀ ਦੇਣ ਵਾਲੇ ਕੈਨੇਡਾ ਦੇ ਗੁਰਜੋਤ ਗਰਚਾ ਦੀ ਬੀਤੀ ਰਾਤ ਕੈਨੇਡਾ ਵਿਚ ਮੌਤ ਹੋ ਗਈ। ਮਿਲੀ ਜਾਣਕਾਰੀ ਅਨੁਸਾਰ ਗਰਚਾ ਬੀਤੀ ਰਾਤ ਕਿਸੇ ਪਾਰਟੀ 'ਤੇ ਗਿਆ ਸੀ ਅਤੇ ਉਸ ਤੋਂ ਬਾਅਦ ਉਹ ਅਪਣੇ ਮਾਮੇ ਦੇ ਘਰ ਆ ਕੇ ਸੌਂ ਗਿਆ। ਜਦੋਂ ਸਵੇਰ ਵੇਲੇ ਉਸ ਨੂੰ ਕਿਸੇ ਘਰ ਦੇ ਮੈਂਬਰ ਵਲੋਂ ਉਠਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਸਦੀ ਮੌਤ ਹੋ ਚੁੱਕੀ ਸੀ।
Mindi Gandhiਇਕ ਜਾਣਕਾਰੀ ਅਨੁਸਾਰ ਗੁਰਜੋਤ ਗਰਚਾ ਦੀ ਮੌਤ ਦਾ ਕਾਰਨ ਨਸ਼ੇ ਦੀ ਓਵਰਡੋਜ਼ ਦਸਿਆ ਜਾ ਰਿਹਾ ਹੈ। ਹਾਲਾਂਕਿ ਇਸ ਦੀ ਅਜੇ ਤਕ ਕੋਈ ਪੁਸ਼ਟੀ ਨਹੀਂ ਹੋਈ ਹੈ। ਦਸ ਦਈਏ ਕਿ ਗੁਰਜੋਤ ਗਰਚਾ ਜ਼ੁਰਮ ਦੀ ਦੁਨੀਆ ਵਿਚ ਪੂਰੇ ਪੰਜਾਬ ਨੂੰ ਦਹਿਸ਼ਤ ਵਿਚ ਪਾਉਣ ਵਾਲੇ ਗੈਂਗਸਟਰ ਰਿੰਦਾ ਦਾ ਪੱਕਾ ਯਾਰ ਸੀ।
Gurjot Gacha Facebook Postਗਰਚਾ ਨੇ ਹੀ ਰਿੰਦੇ ਤੋਂ ਪਿਛਲੇ ਸਾਲ ਸੁਪਾਰੀ ਦੇ ਕੇ ਖੰਨੇ ਵਾਲੇ ਗਾਂਧੀ ਦੇ ਭਰਾ ਦਾ ਕਤਲ ਕਰਵਾਇਆ ਸੀ। ਜਿਸ ਤੋਂ ਬਾਅਦ ਉਸ ਨੇ ਸੋਸ਼ਲ ਮੀਡੀਆ ਸਾਈਟ ਫੇਸਬੁੱਕ 'ਤੇ ਇਸ ਕਤਲ ਦੀ ਜ਼ਿੰਮੇਵਾਰੀ ਵੀ ਲਈ ਸੀ। ਗਰਚਾ ਪੰਜਾਬ ਦੇ ਲੁਧਿਆਣਾ ਵਿਚ ਪੈਂਦੇ ਢੰਡਾਰੀ ਦਾ ਰਹਿਣ ਵਾਲਾ ਸੀ ਅਤੇ ਉਹ ਰਵੀ ਖਵਾਜਕੇ ਗਰੁੱਪ ਦਾ ਮੈਂਬਰ ਸੀ।
Gurjot Gachaਦਸ ਦਈਏ ਕਿ ਅਗਸਤ 2017 ਵਿਚ ਮਿੰਦੀ ਗਾਂਧੀ ਦਾ ਉਸ ਵੇਲੇ ਕੁੱਝ ਵਿਅਕਤੀਆਂ ਵਲੋਂ ਕਤਲ ਕਰ ਦਿਤਾ ਗਿਆ ਸੀ ਜਦੋਂ ਉਹ ਅਪਣੇ ਖੇਤਾਂ ਵਿਚ ਕੰਮ ਕਰ ਰਿਹਾ ਸੀ। ਉਹ ਅਪਣੇ ਘਰ ਦੇ ਨੇੜੇ ਹੀ ਖੇਤਾਂ ਵਿਚ ਅਪਣੇ ਭਤੀਜੇ ਦਵਿੰਦਰ ਸਿੰਘ ਨਾਲ ਸਪਰੇਅ ਕਰਨ ਲਈ ਨਿਕਲਿਆ ਸੀ। ਇਸੇ ਦੌਰਾਨ ਉਸ 'ਤੇ ਮੋਟਰਸਾਈਕਲ 'ਤੇ ਮੂੰਹ ਬੰਨ੍ਹ ਕੇ ਆਏ ਦੋ ਨੌਜਵਾਨਾਂ ਨੇ ਗੋਲੀਆਂ ਚਲਾ ਦਿਤੀਆਂ ਸਨ।
Gurjot Gacha Facebook Postਗੋਲੀਆਂ ਲੱਗਣ ਤੋਂ ਬਾਅਦ ਮਿੰਦੀ ਗਾਂਧੀ ਨੂੰ ਤੁਰਤ ਲੁਧਿਆਣਾ ਦੇ ਅਪੋਲੋ ਹਸਪਤਾਲ ਵਿਚ ਲਿਜਾਇਆ ਗਿਆ ਸੀ, ਜਿਥੇ ਉਸ ਦੀ ਮੌਤ ਹੋ ਗਈ ਸੀ। ਮਿੰਦੀ ਗਾਂਧੀ ਖੰਨਾ ਨੇੜੇ ਪੈਂਦੇ ਪਿੰਡ ਰਸੂਲੜਾ ਦਾ ਸਰਪੰਚ ਵੀ ਸੀ। ਮਿੰਦੀ ਗਾਂਧੀ ਦੇ ਕਤਲ ਤੋਂ ਬਾਅਦ ਗੁਰਜੋਤ ਗਰਚਾ ਨੇ ਫੇਸਬੁਕ 'ਤੇ ਪੋਸਟ ਪਾ ਕੇ ਇਸ ਕਤਲ ਦੀ ਜ਼ਿੰਮੇਵਾਰੀ ਲਈ ਸੀ।
