ਗੁਆਂਢੀ ਦੀ 9 ਸਾਲਾ ਮਾਸੂਮ ਨਾਲ ਸ਼ਰਮਨਾਕ ਕਰਤੂਤ
ਲੁਧਿਆਣਾ ਵਾਸੀ 20 ਸਾਲਾ ਨੌਜਵਾਨ ਵੱਲੋਂ ਇਕ 9 ਸਾਲਾ ਮਾਸੂਮ ਨਾਲ ਜਬਰ-ਜ਼ਨਾਹ ਕਰਨ ਦੀ ਖ਼ਬਰ ਸਾਹਮਣੇ ਆਈ ਹੈ। ਇਹ ਨੌਜਵਾਨ ਪੀੜਤ ਲੜਕੀ ਦੇ ਗੁਆਂਢ ਵਿਚ ਰਹਿੰਦਾ ਸੀ। ਦੋਸ਼ੀ ਨੂੰ ਥਾਣਾ ਹੈਬੋਵਾਲ ਦੀ ਪੁਲਸ ਨੇ ਇਕ ਦਿਨ ਬਾਅਦ ਗਿਰਫ਼ਤਾਰ ਕਰ ਲਿਆ ਹੈ। ਗਿਰਫ਼ਤਾਰ ਕੀਤੇ ਗਏ ਦੋਸ਼ੀ ਦਾ ਨਾਂਅ ਰਾਜੂ ਦੱਸਿਆ ਜਾ ਰਿਹਾ ਹੈ ਜੋ ਕਿ ਪੀੜਿਤਾ ਦੇ ਨਾਲ ਵਾਲੇ ਕੁਆਟਰ ਵਿਚ ਰਹਿੰਦਾ ਸੀ।
Rape with Minorਥਾਣਾ ਹੈਬੋਵਾਲ ਦੇ ਜਾਂਚ ਅਧਿਕਾਰੀ ਐੱਸ. ਆਈ. ਸਤਵੀਰ ਸਿੰਘ ਦੇ ਅਨੁਸਾਰ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਪਿਤਾ ਨੇ ਦੱਸਿਆ ਕਿ ਉਸ ਦੇ 2 ਲੜਕੇ ਅਤੇ 1 ਲੜਕੀ ਹੈ। ਉਹ ਪਿੰਡ ਜੱਸੀਆਂ 'ਚ ਇਕ ਵਿਹੜੇ 'ਚ ਬਣੇ ਕਮਰੇ 'ਚ ਰਹਿੰਦੇ ਹਨ ਅਤੇ ਦੋਸ਼ੀ ਵੀ ਉਸੇ ਵਿਹੜੇ ਵਿਚ ਹੀ ਰਹਿੰਦਾ ਹੈ। ਸੋਮਵਾਰ ਰਾਤ ਨੂੰ ਸਾਰਾ ਪਰਿਵਾਰ ਖਾਣਾ-ਖਾਣ ਦੇ ਬਾਅਦ ਸੌਣ ਲਈ ਛੱਤ 'ਤੇ ਚਲਾ ਗਿਆ। ਪੀੜਿਤਾ ਦਾ ਪਿਤਾ ਸਵੇਰੇ ਲਗਭਗ 7 ਵਜੇ ਦੋਵਾਂ ਬੇਟਿਆਂ ਨਾਲ ਹੇਠਾਂ ਕਮਰੇ ਵਿਚ ਆ ਗਿਆ।
Say No to Rape ਉਸ ਸਮੇਂ ਦੋਸ਼ੀ ਅਤੇ ਅਤੇ ਲੜਕੀ ਛੱਤ 'ਤੇ ਹੀ ਸੁੱਤੇ ਪਏ ਸਨ। ਕੁਝ ਸਮੇਂ ਬਾਅਦ ਬੇਟੀ ਦੇ ਰੋਣ ਦੀਆਂ ਆਵਾਜ਼ਾਂ ਆਉਣ ਲੱਗ ਪਈਆਂ। ਇਸ ਉਪਰੰਤ ਪਿਤਾ ਦੇ ਛਤ 'ਤੇ ਜਾ ਕਿ ਦੇਖਣ ਤੋਂ ਪਤਾ ਚੱਲਿਆ ਲੜਕੀ ਦੇ ਕੱਪੜੇ ਉਤਰੇ ਹੋਏ ਸਨ ਅਤੇ ਦੋਸ਼ੀ ਉਸਦੇ ਕੋਲ ਬੈਠਾ ਸੀ। ਰੌਲਾ ਪਾਉਣ 'ਤੇ ਲੋਕਾਂ ਨੂੰ ਇਕੱਠਾ ਹੁੰਦਾ ਦੇਖ ਦੋਸ਼ੀ ਮੌਕੇ 'ਤੇ ਫਰਾਰ ਹੋ ਗਿਆ, ਜਿਸ ਦੇ ਬਾਅਦ ਪੁਲਿਸ ਨੇ ਇੱਕ ਦਿਨ ਦੇ ਕਾਰਵਾਈ ਤੋਂ ਬਾਅਦ ਦੋਸ਼ੀ ਨੂੰ ਗਿਰਫ਼ਤਾਰ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ। ਪੁਲਿਸ ਦੇ ਦੱਸਣ ਅਨੁਸਾਰ ਬੱਚੀ ਦਾ ਸਿਵਲ ਹਸਪਤਾਲ ਵਿਚ ਮੈਡੀਕਲ ਕਰਵਾਇਆ ਗਿਆ। ਵੀਰਵਾਰ ਨੂੰ ਦੋਸ਼ੀ ਨੂੰ ਅਦਾਲਤ 'ਚ ਪੇਸ਼ ਕਰ ਕੇ ਰਿਮਾਂਡ 'ਤੇ ਲਿਆ ਜਾਵੇਗਾ।
