ਜਨਕਪੁਰੀ ਇਲਾਕੇ ਵਿਚ ਸੋਮਵਾਰ ਰਾਤ ਕਰੀਬ ਦੋ ਵਜੇ ਸ਼ਰਾਬ ਦੇ ਨਸ਼ੇ ਵਿਚ ਧੁਤ ਇਕ ਨੌਜਵਾਨ ਔਰਤ ਨਾਲ ਕੁਕਰਮ ਦੀ ਨੀਅਤ ਨਾਲ ਕੰਧ ਟੱਪ ਕੇ ਘਰ...
ਲੁਧਿਆਣਾ (ਪੀਟੀਆਈ) : ਜਨਕਪੁਰੀ ਇਲਾਕੇ ਵਿਚ ਸੋਮਵਾਰ ਰਾਤ ਕਰੀਬ ਦੋ ਵਜੇ ਸ਼ਰਾਬ ਦੇ ਨਸ਼ੇ ਵਿਚ ਧੁਤ ਇਕ ਨੌਜਵਾਨ ਔਰਤ ਨਾਲ ਕੁਕਰਮ ਦੀ ਨੀਅਤ ਨਾਲ ਕੰਧ ਟੱਪ ਕੇ ਘਰ ਵਿਚ ਵੜ ਗਿਆ। ਉਦੋਂ ਮਾਂ ਅਤੇ ਉਸ ਦੇ ਨਾਲ ਸੋ ਰਹੇ ਬੱਚੇ ਜਗ ਗਏ। ਇਸ ਉਤੇ ਨਸ਼ੇ ‘ਚ ਧੁਤ ਨੌਜਵਾਨ ਨੇ ਚਾਕੂ ਨਾਲ ਔਰਤ ਦੇ 13 ਸਾਲ ਦੇ ਬੇਟੇ ਦੇ ਚਿਹਰੇ ‘ਤੇ ਹਮਲਾ ਕਰ ਦਿਤਾ ਅਤੇ ਫਿਰ ਔਰਤ ‘ਤੇ ਝਪਟ ਪਿਆ। ਇਸ ਦੌਰਾਨ ਉਸ ਨੇ ਔਰਤ ਦੀ ਅੱਖ ‘ਤੇ 3-4 ਵਾਰੀ ਹਮਲਾ ਕਰ ਦਿਤਾ।
ਔਰਤ ਦੀ ਇਕ ਅੱਖ ਕਰੀਬ-ਕਰੀਬ ਬਾਹਰ ਨਿਕਲ ਆਈ ਪਰ ਉਹ ਉਸ ਦਰਿੰਦੇ ਦਾ ਮੁਕਾਬਲਾ ਕਰਦੀ ਰਹੀ। ਮਾਂ ਨੂੰ ਜੂਝਦਾ ਵੇਖ ਕੇ ਬੱਚੇ ਵੀ ਭਿੜਦੇ ਰਹੇ। ਇਸ ਦੌਰਾਨ ਚੀਕਾਂ ਅਤੇ ਅਵਾਜ਼ਾਂ ਸੁਣ ਕੇ ਆਸਪਾਸ ਦੇ ਹੋਰ ਲੋਕ ਵੀ ਉਠ ਗਏ ਅਤੇ ਦੋਸ਼ੀ ਭੱਜ ਨਿਕਲਿਆ। ਬਾਅਦ ਵਿਚ ਮੁਹੱਲੇ ਦੇ ਲੋਕ ਖ਼ੂਨ ਦੇ ਨਿਸ਼ਾਨ ਦਾ ਪਿਛਾ ਕਰਦੇ ਕਰਦੇ ਕੋਲ ਦੇ ਹੀ ਇਕ ਬੇਹੜੇ ਕੋਲ ਪਹੁੰਚੇ ਅਤੇ ਦੋਸ਼ੀ ਨੂੰ ਦਬੋਚ ਲਿਆ। ਉਸ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿਤਾ ਗਿਆ ਹੈ।
34 ਸਾਲ ਦਾ ਦੋਸ਼ੀ ਅਰਜੁਨ ਉੱਤਰ ਪ੍ਰਦੇਸ਼ ਦਾ ਰਹਿਣ ਵਾਲਾ ਹੈ। ਉਹ ਮਹੱਲੇ ਦੇ ਇਕ ਬੇਹੜੇ ਵਿਚ ਰਹਿੰਦਾ ਸੀ। ਉਸ ਦੇ ਕਮਰੇ ਵਿਚੋਂ ਸ਼ਰਾਬ ਦੀ ਬੋਤਲ ਅਤੇ ਗਲਾਸ ਮਿਲੇ ਸਨ। ਦੱਸਦੇ ਹਨ ਕਿ ਬੇਹੜ ਮਾਲਿਕ ਨੇ ਉਸ ਦੀ ਵੈਰੀਫਿਕੇਸ਼ਨ ਨਹੀਂ ਕਰਵਾਈ ਸੀ, ਇਸ ਨੂੰ ਲੈ ਕੇ ਪੀੜਿਤ ਦੇ ਪਰਿਵਾਰ ਵਾਲਿਆਂ ਨੇ ਪੁਲਿਸ ਦੇ ਖਿਲਾਫ਼ ਚੌਕੀ ਦੇ ਬਾਹਰ ਧਰਨਾ ਦਿਤਾ। ਮਕਾਨ ਮਾਲਿਕ ‘ਤੇ ਵੀ ਕਾਰਵਾਈ ਕਰਨ ਦੀ ਮੰਗ ਕੀਤੀ।
ਆਖ਼ਿਰਕਾਰ ਪੁਲਿਸ ਨੇ ਦੋਸ਼ੀ ਅਤੇ ਮਕਾਨ ਮਾਲਿਕ ਦੋਵਾਂ ਦੇ ਖਿਲਾਫ਼ ਵੱਖ-ਵੱਖ ਧਾਰਾਵਾਂ ਵਿਚ ਮਾਮਲਾ ਦਰਜ ਕੀਤਾ। ਉਧਰ, ਔਰਤ ਸੀਐਮਸੀ ਵਿਚ ਭਰਤੀ ਹੈ। ਉਸ ਦੀ ਹਾਲਤ ਸਥਿਰ ਹੈ। ਔਰਤ ਦੇ ਭਰਾ ਨੇ ਦੱਸਿਆ ਕਿ ਡਾਕਟਰਾਂ ਦੇ ਮੁਤਾਬਕ ਉਨ੍ਹਾਂ ਦੀ ਭੈਣ ਦੀ ਅੱਖ 95% ਖ਼ਤਮ ਹੋ ਚੁੱਕੀ ਹੈ। ਤਿੰਨ ਆਪਰੇਸ਼ਨ ਅਤੇ ਪਲਾਸਟਿਕ ਸਰਜਰੀ ਹੋ ਚੁੱਕੀ ਹੈ। ਉਸ ਦੀ ਹਾਲਤ ਸਥਿਰ ਹੈ। ਉਥੇ ਹੀ, ਔਰਤ ਦੇ ਬੇਟੇ ਦੇ ਚਿਹਰੇ ‘ਤੇ ਚਾਰ ਟਾਂਕੇ ਲੱਗੇ ਹਨ।
ਦੋਸ਼ੀ ਦੇ ਖਿਲਾਫ਼ ਕੁਕਰਮ ਦੀ ਕੋਸ਼ਿਸ਼, ਕਤਲ ਦੀ ਕੋਸ਼ਿਸ਼ ਦਾ ਮਾਮਲਾ ਦਰਜ ਕੀਤਾ ਹੈ। ਮਕਾਨ ਮਾਲਿਕ ਦੇ ਖਿਲਾਫ਼ ਵੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਕਿਉਂਕਿ ਉਸ ਨੇ ਦੋਸ਼ੀ ਦੀ ਵੈਰੀਫਿਕੇਸ਼ਨ ਨਹੀਂ ਕਰਵਾਈ ਸੀ।
