ਕਿਉਂ ਛਿੜੀ ਟਵਿਟਰ ਤੇ ਜੰਗ, ਕੀ ਹੈ ਅਸਲ ਮੁੱਦਾ
ਨਵੀਂ ਦਿੱਲੀ: ਨੈਸ਼ਨਲ ਕਾਂਨਫਰੈਂਸ ਦੇ ਨੇਤਾ ਅਤੇ ਜੰਮੂ ਕਸ਼ਮੀਰ ਦੇ ਸਾਬਕਾ ਮੁੱਖ ਮੰਤਰੀ ਉਮਰ ਅਬਦੁਲਾ ਦੇ ਉਸ ਬਿਆਨ 'ਤੇ ਸਿਆਸਤ ਗਰਮਾ ਗਈ ਜਿਸ ਵਿਚ ਉਹਨਾਂ ਜੰਮੂ ਕਸ਼ਮੀਰ ਲਈ ਵੱਖਰਾ ਪੀਐਮ ਬਣਾਉਣ ਦੀ ਗੱਲ ਕੀਤੀ ਸੀ। ਜੰਮੂ ਕਸ਼ਮੀਰ ਲਈ ਵੱਖਰੇ ਪੀਐਮ ਦੀ ਮੰਗ ਵਾਲੇ ਬਿਆਨ 'ਤੇ ਟੀਮ ਇੰਡੀਆ ਦੇ ਸਾਬਕਾ ਕ੍ਰਿਕਟਰ, ਭਾਰਤੀ ਜਨਤਾ ਪਾਰਟੀ ਵਿਚ ਸ਼ਾਮਲ ਹੋਣ ਵਾਲੇ ਗੌਤਮ ਗੰਭੀਰ ਅਤੇ ਉਮਰ ਅਬਦੁਲਾ ਵਿਚਕਾਰ ਟਵਿਟਰ ਜੰਗ ਛਿੜ ਪਈ ਹੈ।
@OmarAbdullah wants a separate PM for J&K & I want to walk on oceans! @OmarAbdullah wants a separate PM for J&K & I want pigs to fly! More than a separate PM @OmarAbdullah needs some sleep followed by a strong coffee! If he still doesn’t understand then a green Pakistani passport
— Gautam Gambhir (@GautamGambhir) April 2, 2019
ਭਾਜਪਾ ਨੇਤਾ ਗੌਤਮ ਗੰਭੀਰ ਨੇ ਉਮਰ ਅਬਦੁਲਾ ਦੇ ਬਿਆਨ 'ਤੇ ਉਸ 'ਤੇ ਨਿਸ਼ਾਨਾ ਸਾਧਿਆ, ਜਿਸ ਤੋਂ ਬਾਅਦ ਉਮਰ ਅਬਦੁਲਾ ਨੇ ਵੀ ਉਸ ਨੂੰ ਸਿਰਫ ਕ੍ਰਿਕਟ ਖੇਡਣ ਦੀ ਨਸੀਹਤ ਦੇ ਦਿੱਤੀ। ਗੌਤਮ ਗੰਭੀਰ ਨੇ ਅਪਣੇ ਟਵਿਟਰ ਅਕਾਉਂਟ 'ਤੇ ਉਮਰ ਅਬਦੁਲਾ ਨੂੰ ਟੈਗ ਕਰਕੇ ਲਿਖਿਆ - ਉਮਰ ਅਬਦੁਲਾ ਜੇਕਰ ਜੰਮੂ ਕਸ਼ਮੀਰ ਲਈ ਇਕ ਵੱਖਰਾ ਪ੍ਰਧਾਨ ਮੰਤਰੀ ਚਾਹੁੰਦੇ ਹੋ, ਮੈਂ ਵੀ ਸਮੁੰਦਰ 'ਤੇ ਚਲਣਾ ਚਾਹੁੰਦਾ ਹਾਂ। ਉਮਰ ਅਬਦੁਲਾ ਜੰਮੂ ਕਸ਼ਮੀਰ ਲਈ ਵੱਖਰਾ ਪੀਐਮ ਚਾਹੁੰਦੇ ਹਨ, ਤਾਂ ਮੈਂ ਵੀ ਚਾਹੁੰਦਾ ਹਾਂ ਕਿ ਸੂਰ ਹਵਾ ਵਿਚ ਉੱਡਣ।
Gautam,I never played much cricket because I knew I wasn’t very good at it. You don’t know very much about J&K,it’s history or the role of @jknc_ in shaping that history yet you insist on displaying that ignorance for all to see. Stick to stuff you know about, tweet about the IPL https://t.co/2ZSHJclWkt
— Omar Abdullah (@OmarAbdullah) April 2, 2019
ਜੰਮੂ ਕਸ਼ਮੀਰ ਲਈ ਵੱਖਰੇ ਪੀਐਮ ਤੋਂ ਜ਼ਿਆਦਾ ਉਮਰ ਅਬਦੁਲਾ ਨੂੰ ਡੂੰਘੀ ਨੀਂਦ ਦੀ ਜ਼ਰੂਰਤ ਹੈ। ਉਠਣ ਤੋਂ ਬਾਅਦ ਉਹਨਾਂ ਨੂੰ ਕਾਫੀ ਮਿਲਣੀ ਚਾਹੀਦੀ ਹੈ। ਜੇਕਰ ਇਸ ਤਰ੍ਹਾਂ ਵੀ ਉਹ ਨਾ ਸਮਝੇ ਤਾਂ ਉਹਨਾਂ ਨੂੰ ਹਰੇ ਰੰਗ ਦੇ ਪਾਕਿਸਤਾਨੀ ਪਾਸਪੋਰਟ ਦੇਣ ਦੀ ਜ਼ਰੂਰਤ ਹੈ। ਉਮਰ ਅਬਦੁਲਾ ਨੇ ਗੌਤਮ ਗੰਭੀਰ ਦੇ ਟਵਿਟਰ 'ਤੇ ਜਵਾਬ ਦਿੰਦੇ ਹੋਏ ਕਿਹਾ ਗੌਤਮ, ਮੈਂ ਕਦੇ ਕ੍ਰਿਕਟ ਨਹੀਂ ਖੇਡਿਆ। ਤੁਸੀਂ ਜੰਮੂ ਕਸ਼ਮੀਰ ਉਸ ਦੇ ਇਤਿਹਾਸ ਬਾਰੇ ਜ਼ਿਆਦਾ ਨਹੀਂ ਜਾਣਦੇ ਅਤੇ ਜੰਮੂ ਕਸ਼ਮੀਰ ਨੂੰ ਬਣਾਉਣ ਵਿਚ ਨੈਸ਼ਨਲ ਕਾਂਨਫਰੈਂਸ ਦਾ ਕੀ ਯੋਗਦਾਨ ਰਿਹਾ ਹੈ, ਇਹ ਵੀ ਨਹੀਂ ਜਾਣਦੇ।
ਤੁਸੀਂ ਆਈਪੀਐਲ ਨਾਲ ਸਬੰਧਿਤ ਹੀ ਟਵੀਟ ਕਰੋ। ਇਸ ਤੋਂ ਪਹਿਲਾਂ ਪੀਐਮ ਮੋਦੀ ਨੇ ਇਕ ਚੋਣ ਰੈਲੀ ਦੌਰਾਨ ਉਮਰ ਦੇ ਇਸ ਬਿਆਨ 'ਤੇ ਵਿਰੋਧੀ ਦਲ ਕਾਂਗਰਸ ਨੂੰ ਵੀ ਘੇਰਿਆ। ਉਹਨਾਂ ਕਾਂਗਰਸ ਤੋਂ ਪੁਛਿਆ ਕਿ ਕੀ ਉਹ ਨੈਸ਼ਨਲ ਕਾਂਨਫਰੈਂਸ ਦੇ ਨੇਤਾ ਦੇ ਇਸ ਬਿਆਨ ਦਾ ਸਮਰਥਨ ਕਰਦੇ ਹਨ? ਪੀਐਮ ਮੋਦੀ ਨੇ ਕਿਹਾ ਕਿ ਉਮਰ ਅਬਦੁਲਾ ਚਾਹੁੰਦੇ ਹਨ ਕਿ ਜੰਮੂ ਕਸ਼ਮੀਰ ਲਈ ਵੱਖਰਾ ਪੀਐਮ ਬਣਾਇਆ ਜਾਵੇ। ਮੈਂ ਉਮਰ ਦੀ ਇਸ ਰਾਇ ਤੇ ਮਹਾਂਗਠਜੋੜ ਵਿਚ ਸ਼ਾਮਲ ਉਹਨਾਂ ਦੇ ਸਾਰੇ ਸਹਿਯੋਗੀਆਂ ਤੋਂ ਸਪੱਸ਼ਟੀਕਰਨ ਮੰਗਦਾ ਹਾਂ। ਉਹ ਸਾਰੇ ਦੱਸਣ ਕਿ ਉਹ ਉਮਰ ਦੇ ਇਸ ਬਿਆਨ ਦਾ ਸਮਰਥਨ ਦਿੰਦੇ ਹਨ।
