ਰਵਿੰਦਰ ਸਿੰਘ ਨੇ ਕੰਪਨੀ ਨੂੰ ਇਕ ਅਪੀਲ ਕਰਦਿਆਂ ਨਿੱਜੀ ਸੁਰੱਖਿਆ ਉਪਕਰਨਾਂ ਦੀ ਵਰਤੋਂ ਤੋਂ ਇਨਕਾਰ ਕਰ ਦਿੱਤਾ ਸੀ, ਜੋ ਉਸ ਦੀ ਦਸਤਾਰ ਅਤੇ ਦਾੜ੍ਹੀ ਦੇ ਅਨੁਕੂਲ ਨਹੀਂ ਸਨ।
ਵਾਸ਼ਿੰਗਟਨ: ਅਮਰੀਕਾ ਦੇ ਇਕੂਅਲ ਇਪਲਾਇਮੈਂਟ ਓਪਰਚੂਨਿਟੀ ਕਮਿਸ਼ਨ (EEOC) ਨੇ ਭਾਰਤੀ ਮੂਲ ਦੇ ਸਿੱਖ ਪੈਰਾਮੈਡਿਕ ਰਵਿੰਦਰ ਸਿੰਘ ਨੂੰ ਗਲਤ ਢੰਗ ਨਾਲ ਬਰਖਾਸਤ ਕਰਨ ਲਈ ਅਮਰੀਕੀ ਸਿਹਤ ਸੇਵਾ ਕੰਪਨੀਆਂ ਵਿਰੁੱਧ ਦੇਸ਼ ਵਿਆਪੀ ਮੁਕੱਦਮਾ ਦਾਇਰ ਕੀਤਾ ਹੈ। ਇਹ ਮੁਕੱਦਮਾ ਕੋਲੋਰਾਡੋ ਸਥਿਤ ਗਲੋਬਲ ਮੈਡੀਕਲ ਰਿਸਪਾਂਸ (ਜੀਐਮਆਰ) ਅਤੇ ਇਸ ਦੇ ਅਧੀਨ ਆਉਂਦੀਆਂ ਕੰਪਨੀਆਂ ਅਮੈਰੀਕਨ ਮੈਡੀਕਲ ਰਿਸਪਾਂਸ (ਏਐਮਆਰ) ਅਤੇ ਇਸ ਦੀਆਂ ਸਹਾਇਕ ਕੰਪਨੀਆਂ ਦੇ ਵਿਰੁੱਧ ਇਕ ਵਿਸ਼ਵਵਿਆਪੀ ਮਹਾਂਮਾਰੀ ਦੇ ਵਿਚਕਾਰ ਇਕ ਯੋਗਤਾ ਪ੍ਰਾਪਤ ਪੈਰਾਮੈਡਿਕ ਨੂੰ ਕੱਢਣ ਲਈ ਦਾਇਰ ਕੀਤਾ ਗਿਆ ਹੈ।
ਨਵੰਬਰ 2020 ਵਿਚ ਅਮੈਰੀਕਨ ਮੈਡੀਕਲ ਰਿਸਪਾਂਸ ਨੇ ਰਵਿੰਦਰ ਸਿੰਘ ਨੂੰ ਬਰਖਾਸਤ ਕਰ ਦਿੱਤਾ ਸੀ। ਦਰਅਸਲ ਰਵਿੰਦਰ ਸਿੰਘ ਨੇ ਕੰਪਨੀ ਨੂੰ ਇਕ ਅਪੀਲ ਕਰਦਿਆਂ ਨਿੱਜੀ ਸੁਰੱਖਿਆ ਉਪਕਰਨਾਂ (PPE) ਦੀ ਵਰਤੋਂ ਤੋਂ ਇਨਕਾਰ ਕਰ ਦਿੱਤਾ ਸੀ, ਜੋ ਉਸ ਦੀ ਦਸਤਾਰ ਅਤੇ ਦਾੜ੍ਹੀ ਦੇ ਅਨੁਕੂਲ ਨਹੀਂ ਸਨ।
ਮਹਾਂਮਾਰੀ ਦੀ ਸ਼ੁਰੂਆਤ ਤੋਂ ਅਮਰੀਕਾ ਵਿਚ ਬਹੁਤ ਸਾਰੇ ਸਿੱਖਾਂ ਨੂੰ ਸ਼ੁਰੂ ਵਿਚ N95 ਮਾਸਕ ਦੀ ਵਰਤੋਂ ਕਰਨ ਲਈ ਆਪਣੀ ਦਾੜ੍ਹੀ ਕਟਵਾਉਣ ਲਈ ਕਿਹਾ ਗਿਆ ਸੀ। ਰਵਿੰਦਰ ਸਿੰਘ ਨੇ ਅਮੈਰਿਕਨ ਮੈਡੀਕਲ ਰਿਸਪਾਂਸ ਅਧੀਨ ਪੈਰਾਮੈਡਿਕ ਸਿਖਲਾਈ ਦੌਰਾਨ ਇਕ ਪਾਵਰਡ ਏਅਰ ਪਿਊਰੀਫਾਇੰਗ ਰੈਸਪੀਰੇਟਰ (ਪੀਏਪੀਆਰ) ਦੀ ਸਫਲਤਾਪੂਰਵਕ ਵਰਤੋਂ ਕੀਤੀ। ਪੀਏਪੀਆਰ ਦੀ ਵਰਤੋਂ ਪੈਰਾਮੈਡਿਕਸ ਦੁਆਰਾ ਸੂਡੋਫੋਲੀਕੁਲਾਈਟਿਸ ਬਾਰਬੇ ਦੇ ਅਨੁਕੂਲ ਹੋਣ ਲਈ ਕੀਤੀ ਜਾਂਦੀ ਹੈ - ਇਕ ਚਮੜੀ ਦੀ ਸਥਿਤੀ ਜੋ ਸ਼ੇਵ ਕਰਨ ਦੀ ਆਗਿਆ ਨਹੀਂ ਦਿੰਦੀ ਅਤੇ ਇਸ ਤਰ੍ਹਾਂ N95 ਮਾਸਕ ਦੀ ਵਰਤੋਂ ਦੀ ਮਨਾਹੀ ਕਰਦੀ ਹੈ।
ਸਿਵਿਲ ਰਾਈਟਸ ਐਕਟ ਦੇ ਟਾਈਟਲ VII ਦੇ ਤਹਿਤ ਉਸ ਦੇ ਅਧਿਕਾਰਾਂ ਦੀ ਉਲੰਘਣਾ ਕਰਕੇ ਉਸ ਨੂੰ ਉਸ ਦੇ ਅਹੁਦੇ ਤੋਂ ਬਰਖਾਸਤ ਕਰ ਦਿੱਤਾ ਗਿਆ ਸੀ।
ਰਵਿੰਦਰ ਸਿੰਘ ਵੱਲੋਂ ਇਕ ਸਿੱਖ-ਅਮਰੀਕਨ ਐਡਵੋਕੇਸੀ ਗਰੁੱਪ ਸਿੱਖ ਕੋਲੀਸ਼ਨ ਨੇ ਮਈ 2021 ਵਿਚ ਇਕੂਅਲ ਇਪਲਾਇਮੈਂਟ ਓਪਰਚੂਨਿਟੀ ਕਮਿਸ਼ਨ (EEOC) ਕੋਲ ਭੇਦਭਾਵ ਦੀ ਸ਼ਿਕਾਇਤ ਦਾਇਰ ਕੀਤੀ ਸੀ। ਈਈਓਸੀ ਨੇ ਫਰਵਰੀ 2022 ਵਿਚ ਕੇਸ ਵਿਚ ਵਿਚੋਲਗੀ ਕਰਨ ਦੀ ਪੇਸ਼ਕਸ਼ ਕੀਤੀ ਪਰ GMR ਅਤੇ AMR ਦੇ ਇਨਕਾਰ ਕਰਨ ਤੋਂ ਬਾਅਦ, ਰੁਜ਼ਗਾਰ ਅਧਿਕਾਰ ਪੈਨਲ ਬਾਅਦ ਉਹਨਾਂ ਵਿਰੁੱਧ ਮੁਕੱਦਮਾ ਦਾਇਰ ਕਰਨ ਅੱਗੇ ਆਇਆ, ਜਿਸ ਵਿਚ ਸਿੱਖ ਕੋਲੀਸ਼ਨ ਅਤੇ ਬਕਲੇ ਬੀਲ ਐਲਐਲਪੀ ਨੇ ਰਵਿੰਦਰ ਸਿੰਘ ਦੇ ਹੱਕ ਵਿਚ ਸਾਥ ਦੇਣਾ ਜਾਰੀ ਰੱਖਿਆ।
ਬਕਲੇ ਬੀਲ ਦੇ ਮੈਨੇਜਿੰਗ ਪਾਰਟਨਰ ਐਡ ਬਕਲੇ ਨੇ ਕਿਹਾ, "ਕਿਸੇ ਨਾਲ ਵੀ ਉਸ ਦੇ ਕੰਮ ਵਾਲੀ ਥਾਂ 'ਤੇ ਉਸ ਦੇ ਧਾਰਮਿਕ ਵਿਸ਼ਵਾਸ ਕਾਰਨ ਵਿਤਕਰਾ ਨਹੀਂ ਕੀਤਾ ਜਾਣਾ ਚਾਹੀਦਾ। ਅਸੀਂ ਚਾਹੁੰਦੇ ਹਾਂ ਕਿ ਸਾਰੇ ਧਰਮਾਂ ਦੇ ਲੋਕਾਂ ਨੂੰ ਪਤਾ ਹੋਵੇ ਕਿ ਉਹ ਕੰਮ ਵਾਲੀ ਥਾਂ 'ਤੇ ਨਿਰਪੱਖ ਅਤੇ ਬਰਾਬਰ ਵਿਉਹਾਰ ਦੇ ਹੱਕਦਾਰ ਹਨ।"
