ਬਰਲਿਨ : ਜਰਨਮੀ ਦੀ ਇਕ ਅਦਾਲਤ ਨੇ ਅਜਿਹਾ ਫ਼ੈਸਲਾ ਸੁਣਾਇਆ ਹੈ ਜਿਸ ਨਾਲ ਸਿੱਖਾਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਅਦਾਲਤ ਨੇ ਕਿਹਾ ਕਿ ਜਰਮਨੀ ਵਿਚ ਦੁਪਹੀਆ ਵਾਹਨ ਚਲਾਉਣ ਵਾਲੇ ਹਰ ਵਿਅਕਤੀ ਨੂੰ ਹੈਲਮੇਟ ਪਾਉਣਾ ਪਵੇਗਾ, ਭਾਵੇਂ ਉਹ ਸਿੱਖ ਹੀ ਕਿਉਂ ਨਾ ਹੋਵੇ। ਜਰਮਨੀ ਦੀ ਸੰਘੀ ਪ੍ਰਸ਼ਾਸਕੀ ਅਦਾਲਤ ਨੇ ਕਿਹਾ ਕਿ ਕਿਸੇ ਵੀ ਵਿਅਕਤੀ ਨੂੰ ਧਰਮ ਦਾ ਆਧਾਰ 'ਤੇ ਹੈਲਮੇਟ ਪਾਉਣ ਤੋਂ ਛੂਟ ਨਹੀਂ ਦਿਤੀ ਜਾ ਸਕਦੀ।
Sikhs have to wear helmet
ਅਦਾਲਤ ਨੇ ਇਕ ਸਿੱਖ ਵਿਅਕਤੀ ਦੀ ਉਸ ਅਪੀਲ ਨੂੰ ਰੱਦ ਕਰ ਦਿਤਾ ਜਿਸ ਵਿਚ ਕਿਹਾ ਗਿਆ ਸੀ ਕਿ ਦਸਤਾਰ ਸਿੱਖਾਂ ਦੀ ਸ਼ਾਨ ਹੈ ਅਤੇ ਇਸ ਦੇ ਉਪਰ ਹੈਲਮੇਟ ਫਿਟ ਨਹੀਂ ਬੈਠੇਗਾ ਅਤੇ ਨਾ ਹੀ ਸਿੱਖ ਧਰਮ ਦਸਤਾਰ ਦੇ ਉਪਰ ਹੈਲਮੇਟ ਪਾਉਣ ਦੀ ਇਜਾਜ਼ਤ ਦਿੰਦਾ ਹੈ। ਇਸ 'ਤੇ ਅਦਾਲਤ ਨੇ ਕਿਹਾ ਕਿ ਸਿਰਫ਼ ਧਰਮ ਨੂੰ ਹੀ ਆਧਾਰ ਬਣਾ ਕੇ ਹੈਲਮੇਟ ਪਾਉਣ ਤੋਂ ਛੂਟ ਨਹੀਂ ਦਿਤੀ ਜਾ ਸਕਦੀ। ਦਸਤਾਰ ਸਿੱਖ ਧਰਮ ਵਿਚ ਕਾਫ਼ੀ ਅਹਿਮ ਥਾਂ ਰਖਦੀ ਹੈ। ਇਸ ਨੂੰ ਔਰਤਾਂ ਵੀ ਅਪਣੀ ਮਰਜ਼ੀ ਨਾਲ ਸਜਾ ਸਕਦੀਆਂ ਹਨ।
Sikhs have to wear helmet
ਇਸ ਅਦਾਲਤ ਨੇ ਹੇਠਲੇ ਅਦਾਲਤ ਦੇ ਉਸ ਫ਼ੈਸਲੇ ਦਾ ਵੀ ਸਮਰਥਨ ਕੀਤਾ ਜਿਸ ਵਿਚ ਕਿਹਾ ਗਿਆ ਸੀ ਕਿ ਇਸ ਸਿੱਖ ਵਿਅਕਤੀ ਲਈ ਮੋਟਰਸਾਈਕਲ ਚਲਾਉਣਾ ਜ਼ਰੂਰੀ ਨਹੀਂ ਹੈ ਕਿਉਂਕਿ ਉਸ ਦੇ ਕੋਲ ਕਾਰ ਅਤੇ ਡਿਲੀਵਰੀ ਵੈਨ ਵੀ ਹੈ। ਅਦਾਲਤ ਨੇ ਕਿਹਾ ਕਿ ਦੁਪਹੀਆ ਵਾਹਨ 'ਤੇ ਹੈਲਮੇਟ ਪਾਉਣ ਵਾਲਾ ਵਿਅਕਤੀ ਅਪਣੀ ਹੀ ਸੁਰੱਖਿਆ ਕਰਦਾ ਹੈ ਕਿਉਂਕਿ ਸੜਕ ਹਾਦਸਿਆਂ ਵਿਚ ਹੈਲਮੇਟ ਪਾਏ ਹੋਣ ਨਾਲ ਸਿਰ 'ਤੇ ਸੱਟ ਲੱਗਣ ਦੀ ਸੰਭਾਵਨਾ ਕਾਫ਼ੀ ਘੱਟ ਹੁੰਦੀ ਹੈ। ਇੰਗਲੈਂਡ ਅਤੇ ਕੈਨੇਡਾ ਸਮੇਤ ਕਈ ਦੇਸ਼ਾਂ ਵਿਚ ਸਿੱਖਾਂ ਨੂੰ ਹੈਲਮੇਟ ਪਾਉਣ ਤੋਂ ਛੂਟ ਮਿਲੀ ਹੋਈ ਹੈ।
ਦੇਖੋ ਵੀਡੀਓ:
