ਕਾਉਂਕੇ ਰੋੜ ਉੱਤੇ ਸਥਿਤ ਅਗਵਾੜ ਲੋਪੋ ਇਲਾਕੇ ਦੇ 19 ਸਾਲ ਦੇ ਨੌਜਵਾਨ ਗਗਨਦੀਪ ਸਿੰਘ ਧਾਲੀਵਾਲ ਦੀ ਕਨੇਡਾ ਵਿਚ ਗੋਲੀਆਂ ਮਾਰਕੇ ਹੱਤਿਆ ਕਰ ਦਿੱਤੀ ਗਈ ਹੈ।
ਜਗਰਾਵਾਂ/ਕਨੇਡਾ, ਕਾਉਂਕੇ ਰੋੜ ਉੱਤੇ ਸਥਿਤ ਅਗਵਾੜ ਲੋਪੋ ਇਲਾਕੇ ਦੇ 19 ਸਾਲ ਦੇ ਨੌਜਵਾਨ ਗਗਨਦੀਪ ਸਿੰਘ ਧਾਲੀਵਾਲ ਦੀ ਕਨੇਡਾ ਵਿਚ ਗੋਲੀਆਂ ਮਾਰਕੇ ਹੱਤਿਆ ਕਰ ਦਿੱਤੀ ਗਈ ਹੈ। ਕਨੇਡਾ ਦੇ ਸ਼ਹਿਰ ਐਬਟਸਫੋਰਡ ਵਿਚ ਘਰ ਦੇ ਅੰਦਰ ਹੀ ਕਾਰ ਗੈਰਾਜ ਵਿਚ ਬੈਠੇ ਗਗਨ ਅਤੇ ਉਸ ਦੀ ਭੂਆ ਦੇ 15 ਸਾਲ ਦੇ ਬੇਟੇ ਜੋ ਮੋਗੇ ਦੇ ਪਿੰਡ ਰੋਡੇ ਦਾ ਦੱਸਿਆ ਜਾ ਰਿਹਾ ਹੈ ਉੱਤੇ ਅਣਪਛਾਤੇ ਹਮਲਾਵਰਾਂ ਨੇ ਗੋਲੀਆਂ ਵਰਸਾ ਦਿੱਤੀਆਂ। ਘਟਨਾ ਭਾਰਤੀ ਸਮੇਂ ਅਨੁਸਾਰ ਸ਼ਨੀਵਾਰ ਦੇਰ ਰਾਤ ਦੀ ਦੱਸੀ ਜਾ ਰਹੀ ਹੈ, ਜਿਸ ਵਿਚ ਦਿਲ ਦੇ ਕੋਲ 2 ਗੋਲੀਆਂ ਲੱਗਣ ਨਾਲ ਗਗਨਦੀਪ ਧਾਲੀਵਾਲ ਦੀ ਮੌਕੇ ਉੱਤੇ ਮੌਤ ਹੋ ਗਈ,
Jagraon man gunned down in Canadaਜਦੋਂ ਕਿ ਉਸ ਦੀ ਭੂਆ ਦਾ ਪੁੱਤਰ ਵੀ ਗੋਲੀ ਲੱਗਣ ਨਾਲ ਗੰਭੀਰ ਜ਼ਖਮੀ ਹੋ ਗਿਆ ਹੈ ਜਿਸ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਗੋਲੀ ਚਲਣ ਦੀ ਅਵਾਜ਼ ਸੁਣਕੇ ਹੇਠਾਂ ਗੈਰਾਜ ਵਿਚ ਆਈ ਗਗਨ ਦੀ ਮਾਂ ਅਤੇ ਉਸ ਦੇ ਦਾਦਾ ਜੀ ਨੇ ਉਸ ਨੂੰ ਸੰਭਾਲਿਆ ਪਰ ਖੂਨ ਜ਼ਿਆਦਾ ਨਿਕਲ ਜਾਣ ਨਾਲ ਉਸ ਨੇ ਮਾਂ ਅਤੇ ਦਾਦੇ ਦੇ ਹੱਥਾਂ ਵਿਚ ਹੀ ਦਮ ਤੋੜ ਦਿੱਤਾ। ਦੱਸ ਦਈਏ ਕਿ ਗਗਨਦੀਪ ਦੇ ਪਿਤਾ ਗੁਰਚਰਣ ਧਾਲੀਵਾਲ 1998 ਵਿਚ ਵਿਆਹ ਕਰਵਾਕੇ ਕਨੇਡਾ ਸੈਟਲ ਹੋਣ ਗਏ ਸਨ। ਗਗਨ ਦਾ ਜਨਮ ਵੀ ਕਨੇਡਾ ਵਿਚ ਹੀ ਹੋਇਆ।
Jagraon man gunned down in Canadaਪਿਛਲੇ ਸਾਲ ਜੂਨ ਵਿਚ ਹੀ ਉਹ ਪਰਿਵਾਰ ਸਮੇਤ ਜਗਰਾਵਾਂ ਵਿਚ ਸਥਿਤ ਨਿਵਾਸ 'ਤੇ ਆਇਆ ਸੀ ਅਤੇ ਜਿੱਥੇ ਪੂਰਾ ਪਰਿਵਾਰ ਕਰੀਬ ਸਵਾ ਮਹੀਨੇ ਤੋਂ ਜ਼ਿਆਦਾ ਰਿਹਾ। ਦੱਸ ਦਈਏ ਕਿ ਖਾਲਸਾ ਦੀਵਾਨ ਸੋਸਾਇਟੀ ਦੇ ਪ੍ਰਧਾਨ ਵੀ ਰਹਿ ਚੁੱਕੇ ਹਨ ਗਗਨ ਦੇ ਪਿਤਾ। ਗਗਨਦੀਪ ਦੇ ਪਿਤਾ ਗੁਰਚਰਨ ਧਾਲੀਵਾਲ ਧਾਰਮਿਕ ਬਿਰਤੀ ਦੇ ਹੋਣ ਕਾਰਨ ਉਹ ਖਾਲਸਾ ਦੀਵਾਨ ਸੋਸਾਇਟੀ ਦੇ ਪ੍ਰਧਾਨ ਵੀ ਕਾਫ਼ੀ ਸਮੇਂ ਤੱਕ ਰਹਿ ਚੁੱਕੇ ਹਨ ਜਿਸਦੇ ਚਲਦੇ ਉਨ੍ਹਾਂ ਦਾ ਉੱਥੇ ਕਾਫ਼ੀ ਰਸੂਖ ਹੈ।
Murderਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ ਜਦੋਂ ਵਿਦੇਸ਼ ਦੀ ਧਰਤੀ 'ਤੇ ਕਿਸੇ ਨੌਜਵਾਨ ਦੀ ਜਾਨ ਅਜਿਹੇ ਸ਼ੱਕੀ ਹਲਾਤਾਂ ਵਿਚ ਗਈ ਹੋਵੇ। ਵਿਦੇਸ਼ ਵਿਚ ਕਾਨੂੰਨ ਨੂੰ ਪੰਜਾਬ ਦੇ ਕਾਨੂੰਨ ਤੋਂ ਜ਼ਿਆਦਾ ਸਖ਼ਤ ਦਰਸਾਇਆ ਜਾਂਦਾ ਹੈ। ਫਿਰ ਵੀ ਸ਼ਰੇਆਮ ਘਰਾਂ ਵਿਚ ਵੜਕੇ ਅਜਿਹੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇਣਾ, ਬਾਹਰਲੇ ਮੁਲਕਾਂ ਦੀ ਕਾਨੂੰਨੀ ਕਾਰਗੁਜ਼ਾਰੀ 'ਤੇ ਸਵਾਲੀਆ ਨਿਸ਼ਾਨ ਲਗਾਉਂਦਾ ਹੈ।
