ਜ਼ਿਕਰਯੋਗ ਹੈ ਕਿ ਬਲਾਤਕਾਰ ਦਾ ਇਹ ਮਾਮਲਾ ਸਾਲ 2016 ਦਾ ਹੈ । ਉਧਰ ਪੀੜਤਾ ਦਾ ਕਹਿਣਾ ਹੈ ਕਿ 2 ਸਾਲ ਪਹਿਲਾਂ ਸ਼ਨੀ ਧਾਮ ਦੇ ਅੰਦਰ ਉਸਦਾ ਯੋਨ...
ਰਾਮ ਰਹੀਮ ਅਤੇ ਆਸਾਰਾਮ ਦੇ ਬਾਅਦ ਇੱਕ ਹੋਰ ਬਾਬਾ ਔਰਤਾਂ - ਸਾਧਵੀਆਂ ਦੇ ਯੋਨ ਸ਼ੋਸ਼ਣ ਦੇ ਮਾਮਲੇ ਵਿਚ ਘਿਰ ਗਿਆ ਹੈ । ਦਿੱਲੀ ਦੇ ਨਾਲ ਪੂਰੇ ਦੇਸ਼ ਵਿੱਚ ਮਸ਼ਹੂਰ ਬਾਬਾ ਦਾਤੀ ਮਹਾਰਾਜ 'ਤੇ ਆਪਣੀ ਸਾਧਵੀ ਨਾਲ ਬਲਾਤਕਾਰ ਕਰਨ ਦਾ ਗੰਭੀਰ ਇਲਜ਼ਾਮ ਲਗਾ ਹੈ ।
ਇਸ ਸਬੰਧ ਵਿੱਚ ਦਿੱਲੀ ਪੁਲਿਸ ਨੇ ਧਾਰਾ 376 ਅਤੇ 377 ਵਿੱਚ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਆਰੋਪੀ ਬਾਬਾ ਦੀ ਤਲਾਸ਼ ਤੇਜ ਕਰ ਦਿੱਤੀ ਹੈ । ਉਥੇ ਹੀ , ਬਾਬਾ ਆਸ਼ਰਮ ਅਤੇ ਆਪਣੇ ਠਿਕਾਣਿਆਂ ਤੋਂ ਫਰਾਰ ਦੱਸਿਆ ਜਾ ਰਿਹਾ ਹੈ। ਪੁਲਿਸ ਬਾਬਾ ਦਾਤੀ ਮਹਾਰਾਜ ਦੀ ਤਲਾਸ਼ ਵਿੱਚ ਆਸ਼ਰਮ 'ਤੇ ਛਾਪੇਮਾਰੀ ਕੀਤੀ ਗਈ ਪਰ ਬਾਬਾ ਉਥੇ ਨਹੀਂ ਮਿਲਿਆ |
ਜ਼ਿਕਰਯੋਗ ਹੈ ਕਿ ਬਲਾਤਕਾਰ ਦਾ ਇਹ ਮਾਮਲਾ ਸਾਲ 2016 ਦਾ ਹੈ । ਉਧਰ ਪੀੜਤਾ ਦਾ ਕਹਿਣਾ ਹੈ ਕਿ 2 ਸਾਲ ਪਹਿਲਾਂ ਸ਼ਨੀ ਧਾਮ ਦੇ ਅੰਦਰ ਉਸਦਾ ਯੋਨ ਸ਼ੋਸ਼ਣ ਕੀਤਾ ਗਿਆ ਅਤੇ ਡਰ ਦੇ ਕਾਰਨ ਉਸਨੇ ਸ਼ਿਕਾਇਤ ਦਰਜ ਨਹੀਂ ਕਾਰਵਾਈ ਸੀ ।
ਪੀੜਤ ਮਹਿਲਾ ਨੇ ਪਿਛਲੇ ਹਫ਼ਤੇ 6 ਜੂਨ (ਬੁੱਧਵਾਰ) ਨੂੰ ਥਾਣਾ ਫਤਿਹਪੁਰਬੇਰੀ ਵਿਚ ਸ਼ਿਕਾਇਤ ਦਿਤੀ ਸੀ । ਸ਼ਿਕਾਇਤ ਮਿਲਣ 'ਤੇ ਐੱਸਐਚਓ ਵਲੋਂ ਬਾਬੇ ਨਾਲ ਪੁੱਛਗਿੱਛ ਕੀਤੀ ਗਈ | ਦਸਿਆ ਜਾ ਰਿਹਾ ਹੈ ਕਿ ਬਾਬਾ ਨੇ ਪੁੱਛਗਿਛ ਵਿਚ ਬਿਲਕੁਲ ਵੀ ਸਹਿਯੋਗ ਨਹੀਂ ਕੀਤਾ ਸੀ । ਜਿਸ ਤੋਂ ਬਾਅਦ ਇਸ ਮਾਮਲੇ ਵਿਚ ਐੱਸਐਚਓ ਨੇ ਡੀਸੀਪੀ ਨੂੰ ਰਿਪੋਰਟ ਕੀਤੀ ਅਤੇ ਇਸਦੇ ਬਾਅਦ ਡੀਸੀਪੀ ਦੇ ਆਦੇਸ਼ 'ਤੇ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ ।
ਪੁਲਿਸ ਵਲੋਂ ਡੇਰੇ ਵਿਚ ਕੀਤੀ ਗਈ ਛਾਪੇਮਾਰੀ ਦੌਰਾਨ ਮਿਲੇ ਡੇਰਾ ਸਮਰਥਕਾਂ ਨੇ ਦਸਿਆ ਕਿ ਬਾਬਾ ਦਾ ਰਾਜਸਥਾਨ ਦੇ ਪਾਲੀ ਵਿਚ ਵੀ ਆਸ਼ਰਮ ਹੈ ਅਤੇ ਦਿੱਲੀ ਵਿੱਚ ਬਾਬਾ ਸਿਰਫ ਸ਼ਨੀਵਾਰ ਨੂੰ ਆਉਂਦਾ ਹੈ, ਜਦੋਂ ਇੱਥੇ ਸ਼ਨੀ ਭਗਵਾਨ ਦੀ ਪੂਜਾ ਹੁੰਦੀ ਹੈ ।
ਬਲਾਤਕਾਰ ਦਾ ਮਾਮਲਾ ਸਾਹਮਣੇ ਆਉਣ ਦੇ ਬਾਅਦ ਬਾਬਾ ਦੀਆਂ ਮੁਸ਼ਕਿਲਾਂ ਦਾ ਵਧਣਾ ਤੈਅ ਮੰਨਿਆ ਜਾ ਰਿਹਾ ਹੈ । ਇਸਤੋਂ ਇਲਾਵਾ ਬਾਬਾ 'ਤੇ ਕਈ ਲੋਕਾਂ ਨਾਲ ਕਰੋੜਾਂ ਰੁਪਏ ਦੀ ਧੋਖਾਧੜੀ ਕਰਨ ਦਾ ਵੀ ਦੋਸ਼ ਹੈ। ਅਜਿਹੇ ਵਿਚ ਪੁਲਿਸ ਇਸ ਮਾਮਲੇ ਵਿਚ ਵੀ ਜਾਂਚ ਸ਼ੁਰੂ ਕਰ ਸਕਦੀ ਹੈ ।