ਕਨੇਡਾ ਵਿਚ ਵੈਂਕੂਵਰ ਪੁਲਿਸ ਨੇ 14 ਇੰਡੋ - ਕੈਨੇਡਿਅਨ ਗੈਂਗਸਟਰਜ਼ ਦੇ ਕੋਲੋਂ ਵੱਡੀ ਮਾਤਰਾ ਵਿਚ ਹਥਿਆਰ ਬਰਾਮਦ ਕੀਤੇ ਹਨ
ਨਵੀ ਦਿੱਲੀ, ਕਨੇਡਾ ਵਿਚ ਵੈਂਕੂਵਰ ਪੁਲਿਸ ਨੇ 14 ਇੰਡੋ - ਕੈਨੇਡਿਅਨ ਗੈਂਗਸਟਰਜ਼ ਦੇ ਕੋਲੋਂ ਵੱਡੀ ਮਾਤਰਾ ਵਿਚ ਹਥਿਆਰ ਬਰਾਮਦ ਕੀਤੇ ਹਨ। ਇਸ ਨੂੰ ਹੁਣ ਤੱਕ ਦੀ ਸਭ ਤੋਂ ਵੱਡੀ ਬਰਾਮਦਗੀ ਮੰਨਿਆ ਜਾ ਰਿਹਾ ਹੈ। ਪੁਲਿਸ ਨੇ ਦੱਸਿਆ ਕਿ ਆਰੋਪੀਆਂ ਨੇ ਇਹ ਹਥਿਆਰ ਅੰਤਰਰਾਸ਼ਟਰੀ ਅਤਿਵਾਦੀ ਸੰਗਠਨ ਨੂੰ ਸਪਲਾਈ ਕਰਨੇ ਸਨ। ਦੱਸ ਦਈਏ ਕਿ ਫੜੇ ਗਏ ਆਰੋਪੀਆਂ ਵਿਚੋਂ 8 ਪੰਜਾਬੀ ਮੂਲ ਦੇ ਹਨ।
14 gangsters arrested in Canada
ਆਰੋਪੀਆਂ ਦੇ ਕੋਲੋਂ ਪ੍ਰੈਸ਼ਰ ਕੁਕਰ ਬੰਬ, ਏਕੇ - 47 ਅਤੇ ਸਨਾਇਪਰ (SNIPER) ਗਨ ਵਰਗੇ 120 ਤੋਂ ਜ਼ਿਆਦਾ ਹਥਿਆਰ, 50 ਗੈਰ ਕਾਨੂੰਨੀ ਉਪਕਰਣ, 9.5 ਕਿੱਲੋਗ੍ਰਾਮ ਫੇਨਟੇਨਾਇਲ, 40 ਕਿੱਲੋ ਨਸ਼ੀਲਾ ਪਦਾਰਥ, 8 ਲੱਖ ਡਾਲਰ ਕੈਸ਼ ਅਤੇ ਕਰੀਬ 8 ਲੱਖ ਡਾਲਰ ਦੀ ਸੋਨੇ ਦੀ ਜਵੈਲਰੀ ਬਰਾਮਦ ਕੀਤੀ ਗਈ ਹੈ।
ਆਰੋਪੀਆਂ ਦੀ ਨਿਸ਼ਾਨਦੇਹੀ 'ਤੇ ਪੁਲਿਸ ਨੇ 3.5 ਲੱਖ ਡਾਲਰ ਮੁੱਲ ਦੀਆਂ ਕੁੱਝ ਕਾਰਾਂ ਵੀ ਜ਼ਬਤ ਕੀਤੀਆਂ ਗਈਆਂ ਹਨ। ਇਹ ਕਾਰਵਾਈ ਭਾਰਤੀ ਸਮੇਂ ਅਨੁਸਾਰ ਸ਼ਨੀਵਾਰ ਸਵੇਰੇ ਕੀਤੀ ਗਈ ਹੈ।
14 gangsters arrested in Canada
ਸਹਾਇਕ ਪੁਲਿਸ ਕਮਿਸ਼ਨਰ ਆਰਸੀਐਮਪੀ ਕੇਵਿਨ ਹਾਕਲੇਟ ਨੇ ਦੱਸਿਆ ਕਿ ਫੜੇ ਗਏ ਸਾਰੇ ਗੈਂਗਸਟਰ ਕੰਗ ਅਤੇ ਲੇਟੀਮਰ ਗੈਂਗ ਨਾਲ ਜੁੜੇ ਹਨ। ਆਰੋਪੀਆਂ ਦੀ ਉਮਰ 22 ਤੋਂ 68 ਸਾਲ ਦੇ ਵਿਚਕਾਰ ਹੈ। ਦੱਸ ਦਈਏ ਕਿ ਇਨ੍ਹਾਂ ਦੋਸ਼ੀਆਂ ਦਾ ਰਿਸ਼ਤਾ ਜਲੰਧਰ ਅਤੇ ਲੁਧਿਆਣਾ ਨਾਲ ਦੱਸਿਆ ਜਾ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹਨਾਂ ਦੀ ਗਰੇਵਾਲ ਗੈਂਗ ਦੇ ਨਾਲ ਵੀ ਗੈਂਗਵਾਰ ਹੋਣ ਵਾਲੀ ਸੀ। ਪੁਲਿਸ ਸੂਤਰਾਂ ਨੇ ਦੱਸਿਆ ਕਿ ਇਹ ਕਾਰਵਾਈ ਵੈਂਕੂਵਰ ਪੁਲਿਸ ਅਤੇ ਕੰਬੀਂਡੀ ਫੋਰਸ ਸਪੈਸ਼ਲ ਇੰਫੋਰਸਮੇਂਟ ਯੂਨਿਟ ਆਫ ਬੀਸੀ, ਆਰਸੀਐਮਪੀ,
14 gangsters arrested in Canada
ਇੰਟਰਗਰੇਟਿਡ ਹੋਮੀਸਾਇਡ ਇੰਵੈਸਟਿਗੇਸ਼ਨ ਟੀਮ ਅਤੇ ਲੋਕਲ ਮਿਊਨਿਸਿਪਲ ਪੁਲਿਸ ਡਿਪਾਰਟਮੈਂਟ ਨੇ ਸੰਯੁਕਤ ਰੂਪ ਨਾਲ ਕੀਤੀ ਹੈ। ਕੰਬਾਈਂਡ ਫੋਰਸਜ਼ ਸਪੈਸ਼ਲ ਇੰਫੋਰਸਮੈਂਟ ਯੂਨਿਟ ਆਫ ਬੀਸੀ, ਆਰਸੀਐਮਪੀ, ਇੰਟਰਗਰੇਟਿਡ ਹੋਮੀਸਾਇਡ ਇੰਵੇਸਟਿਗੇਸ਼ਨ ਟੀਮ ਦਾ ਗਠਨ ਸਤੰਬਰ 2017 ਨੂੰ ਕੀਤਾ ਗਿਆ ਸੀ। ਇਸ ਟੀਮ ਨੂੰ ਕਨੇਡਾ ਦੇ 4 ਵੱਡੇ ਗੈਂਗ ਦੇ ਪਿੱਛੇ ਲਗਾਇਆ ਗਿਆ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਕਾਰਵਾਈ ਇਸ ਮਿਸ਼ਨ ਦਾ ਹਿੱਸਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਦੋਸ਼ੀਆਂ ਤੋਂ ਪੁੱਛਗਿਛ ਵਿਚ ਹੋਰ ਵੱਡੇ ਖੁਲਾਸੇ ਹੋ ਸਕਦੇ ਹਨ।
14 gangsters arrested in Canada
ਗਿਰਫ਼ਤਾਰ ਕੀਤੇ ਗਏ ਦੋਸ਼ੀਆਂ ਵਿਚ ਕੇਲ ਲੇਟੀਮਰ (27), ਸੁਮੀਚ ਕੰਗ (26), ਗੈਰੀ ਕੰਗ (22), ਕੇਗ ਲੇਟੀਮਰ (55), ਕਸੋਨਗੋਰ ਸਜੂਸ (29) , ਏੰਡਿਊਲ ਪਿਕਨਟਿਊ (22), ਜੋਕਬ ਪ੍ਰੇਰਾ (25) , ਜੀਤੇਸ਼ ਵਾਘ (37), ਕਰਿਸਟੋਫਰ ਘੁਮਾਣ (21), ਪਸ਼ਮਿੰਦਰ ਬੋਪਾਰਾਏ (29), ਮਨਵੀਰ ਵੜੈਚ (30), ਰਣਬੀਰ ਕੰਗ (48), ਮਨਬੀਰ ਕੰਗ (50) ਅਤੇ ਗੁਰਚਰਨ ਕੰਗ (68) ਸ਼ਾਮਿਲ ਹਨ।
14 gangsters arrested in Canada
ਉਥੇ ਹੀ ਪੁਲਿਸ ਨੂੰ ਇਨ੍ਹਾਂ ਦੇ ਸਾਥੀ ਜੇਮਜ਼ ਬੇਕੋਨ, ਕੌਡੀ ਹੇਵਿਚਰ, ਅਮਦੀਪ ਮਟੂ, ਰਾਜੀਵ ਔਜਲਾ, ਗੁਰਵਿੰਦਰ ਰੰਧਾਵਾ, ਅਭੀਸ਼ੇਕ ਲੋਹਿਆ, ਦਿਲਰਾਜ ਗਿਲ, ਓਮੀਦ ਮਸ਼ਿੰਚੀ, ਜਸਨਦੀਪ ਉੱਪਲ ਦੀ ਤਲਾਸ਼ ਹੈ। ਇਹਨਾਂ ਵਿਚੋਂ ਜ਼ਿਆਦਾਤਰ ਦਾ ਜਨਮ ਕਨੇਡਾ ਵਿਚ ਹੀ ਹੋਇਆ ਹੈ।
