ਪਿੰਡ ਤੋਂ ਸਕੂਲ 17 ਕਿਲੋਮੀਟਰ ਦੂਰੀ ’ਤੇ ਸੀ ਅਤੇ ਗੁਰਜੀਤ ਕੌਰ ਦੇ ਪਿਤਾ ਉਨ੍ਹਾਂ ਨੂੰ ਸਾਈਕਲ ’ਤੇ ਛੱਡਣ ਜਾਂਦੇ ਸੀ ਅਤੇ ਉਥੇ ਹੀ ਬੈਠੇ ਰਹਿੰਦੇ ਸਨ।
ਚੰਡੀਗੜ੍ਹ: ਭਾਰਤੀ ਮਹਿਲਾ ਹਾਕੀ ਟੀਮ (Indian Women's Hockey Team) ਨੇ ਸ਼ੁਰੂਆਤੀ ਮੁਕਾਬਲਿਆਂ ‘ਚ ਹਾਰ ਤੋਂ ਬਾਅਦ ਉਲੰਪਿਕਸ ਦੇ ਸੈਮੀਫਾਈਨਲ (Olympic Semifinals) ‘ਚ ਜਗ੍ਹਾ ਬਣਾ ਕੇ ਇਤਿਹਾਸ ਰਚ ਦਿੱਤਾ ਹੈ। ਕੁਆਰਟਰਫਾਈਨਲ (Quarterfinals) ‘ਚ ਭਾਰਤ ਨੇ ਵਿਸ਼ਵ ਦੀਆਂ ਮਜ਼ਬੂਤ ਟੀਮਾਂ ‘ਚ ਸ਼ਾਮਲ ਆਸਟਰੇਲੀਆ ਦੀ ਟੀਮ ਨੂੰ ਹਰਾਇਆ। ਇਸ ਮੈਚ ਵਿਚ ਇਕਲੌਤਾ ਗੋਲ ਕਰਨ ਵਾਲੀ ਪੰਜਾਬ ਦੀ ਗੁਰਜੀਤ ਕੌਰ (Gurjit Kaur) ਸੀ। ਗੁਰਜੀਤ ਕੌਰ ਅੰਮ੍ਰਿਤਸਰ (Amritsar, Punjab) ਦੀ ਰਹਿਣ ਵਾਲੀ ਹੈ ਅਤੇ ਉਹ ਹਾਕੀ ਟੀਮ ‘ਚ ਡਿਫੈਂਡਰ ਅਤੇ ਡ੍ਰੈਗ ਫਲਿੱਕਰ (Drag Flicker) ਦੇ ਤੌਰ ’ਤੇ ਦੋ ਭੂਮਿਕਾਵਾਂ ਨਿਭਾਉਂਦੀ ਹੈ।
ਹੋਰ ਪੜ੍ਹੋ: Olympic: 1912 ਤੋਂ ਬਾਅਦ ਪਹਿਲੀ ਵਾਰ High Jump ‘ਚ ਇਨ੍ਹਾਂ ਖਿਡਾਰੀਆਂ ਨੂੰ ਦਿੱਤੇ 2 ਸੋਨ ਤਗਮੇ
Indian Womens Hockey Team Enters Semifinals
ਗੁਰਜੀਤ ਕੌਰ ਅੰਮ੍ਰਿਤਸਰ ਦੇ ਅਜਨਾਲਾ (Ajnala) ਕੋਲ ਪਿੰਡ ਮਿਆਦੀ ਕਲਾਂ ਦੀ ਰਹਿਣ ਵਾਲੀ ਹੈ। ਪਿੰਡ ਸਰਹੱਦੀ ਖੇਤਰ ‘ਚ ਹੋਣ ਕਾਰਨ ਸਹੂਲਤਾਂ ਦੀ ਕਮੀ ਜ਼ਰੂਰ ਸੀ ਪਰ ਪਰਿਵਾਰ ਨੇ ਉਸਦਾ ਪੂਰਾ ਸਾਥ ਦਿੱਤਾ। ਪਿੰਡ ਤੋਂ ਸਕੂਲ 17 ਕਿਲੋਮੀਟਰ ਦੂਰੀ ’ਤੇ ਸੀ ਅਤੇ ਗੁਰਜੀਤ ਕੌਰ ਦੇ ਪਿਤਾ ਉਨ੍ਹਾਂ ਨੂੰ ਸਾਈਕਲ ’ਤੇ ਛੱਡਣ ਜਾਂਦੇ ਸੀ ਅਤੇ ਉਥੇ ਹੀ ਬੈਠੇ ਰਹਿੰਦੇ ਸਨ। ਅੱਗੇ ਦੀ ਪੜ੍ਹਾਈ ਕਰਦਿਆਂ ਅਤੇ ਹੋਸਟਲ ਜਾ ਕੇ ਗੁਰਜੀਤ ਕੌਰ ਨੂੰ ਖੇਡਾਂ ਬਾਰੇ ਪਤਾ ਚਲਿਆ ਅਤੇ ਉਨ੍ਹਾਂ ਦੀ ਖੇਡਾਂ ‘ਚ ਦਿਲਚਸਪੀ ਵਧੀ।
ਹੋਰ ਪੜ੍ਹੋ: ਸਾਬਕਾ ਕੇਂਦਰੀ ਮੰਤਰੀ ਰਾਮੂਵਾਲੀਆ ਦੀ ਧੀ ਅਮਨਜੋਤ ਕੌਰ ਰਾਮੂਵਾਲੀਆ ਅਕਾਲੀ ਦਲ ਛੱਡ BJP ‘ਚ ਸ਼ਾਮਲ
Gurjit Kaur
ਟੋਕੀਉ ਉਲੰਪਿਕਸ (Tokyo Olympics) ਗੁਰਜੀਤ ਕੌਰ ਦਾ ਪਹਿਲਾ ਉਲੰਪਿਕਸ ਹੈ। ਉਲੰਪਿਕਸ ‘ਚ ਖੇਡਣਾ ਹਰ ਖਿਡਾਰੀ ਦਾ ਸੁਪਨਾ ਹੁੰਦਾ ਹੈ ਅਤੇ ਹੁਣ ਗੁਰਜੀਤ ਕੌਰ ਦਾ ਇਹ ਸੁਪਨਾ ਪੂਰਾ ਹੋ ਗਿਆ ਹੈ। ਗੁਰਜੀਤ ਕੌਰ ਨੇ ਆਪਣੀ ਇਕ ਇੰਟਰਵਿਊ ‘ਚ ਦੱਸਿਆ ਕਿ ਸ਼ੁਰੂਆਤ ‘ਚ ਪਿੰਡ ਦੇ ਲੋਕ ਖੇਡਾਂ ਦੌਰਾਨ ਉਨ੍ਹਾਂ ਦੇ ਕਪੜਿਆਂ ਬਾਰੇ ਘਰਦਿਆਂ ਨਾਲ ਅਸਹਿਮਤੀ ਜਤਾਉਂਦੇ ਸਨ, ਪਰ ਉਨ੍ਹਾਂ ਦੇ ਪਰਿਵਾਰ ਨੂੰ ਕਦੇ ਇਨ੍ਹਾਂ ਗੱਲਾਂ ਤੋਂ ਪਰੇਸ਼ਾਨੀ ਨਹੀਂ ਹੋਈ। ਉਲੰਪਿਕਸ ‘ਚ ਜਾਣ ਤੋਂ ਪਹਿਲਾਂ ਗੁਰਜੀਤ ਕੌਰ ਨੇ 87 ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। ਉਹ ਹਾਕੀ ‘ਚ ਸੰਦੀਪ ਸਿੰਘ ਨੂੰ ਆਪਣਾ ਆਦਰਸ਼ ਮੰਨਦੇ ਹਨ।
ਹੋਰ ਪੜ੍ਹੋ: Tokyo Olympic: ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਰਚਿਆ ਇਤਿਹਾਸ, ਆਸਟ੍ਰੇਲੀਆ ਨੂੰ 1-0 ਨਾਲ ਹਰਾਇਆ
Gurjit Kaur
ਜਾਣਕਾਰੀ ਮੁਤਾਬਕ ਗੁਰਜੀਤ ਕੌਰ ਭਾਰਤ ਹੀ ਨਹੀਂ ਦੁਨੀਆ ਦੀ ਬਿਹਤਰੀਨ ਡ੍ਰੈਗ ਫਲਿੱਕਰਜ਼ ਵਿਚੋਂ ਇਕ ਹੈ। ਆਪਣੀ ਇਸ ਕਲਾ ਨਾਲ ਗੁਰਜੀਤ ਕੌਰ ਨੇ ਆਪਣੇ ਪਹਿਲੇ ਅੰਤਰਰਾਸ਼ਟਰੀ ਮੈਚ ਵਿਚ ਗੋਲ ਕੀਤਾ ਸੀ। 2019 ਵਿਚ ਜਾਪਾਨ ਵਿਖੇ ਐਫਆਈਐਚ ਮਹਿਲਾਵਾਂ ਦੀ ਸੀਰੀਜ਼ ਦੇ ਫਾਈਨਲ ‘ਚ ਭਾਰਤ ਨੇ ਸੋਨ ਤਗਮਾ ਜਿੱਤਿਆ ਸੀ ਅਤੇ ਗੁਰਜੀਤ ਕੌਰ ਨੇ ਉਸ ‘ਚ ਸਭ ਤੋਂ ਵੱਧ ਗੋਲ ਕੀਤੇ ਸਨ। ਮਹਿਲਾ ਹਾਕੀ ਟੀਮ ਵਿਚ ਸਿਰਫ਼ ਗੁਰਜੀਤ ਕੌਰ ਦੀ ਪੰਜਾਬ ਦੀ ਖਿਡਾਰਣ ਹੈ।
ਹੋਰ ਪੜ੍ਹੋ: ਗੁਜਰਾਤ ਦੇ 1101 ਹਸਪਤਾਲਾਂ ‘ਚ ਨਹੀਂ ਹਨ ਅੱਗ ਸੁਰੱਖਿਆ ਦੇ ਪ੍ਰਬੰਧ, SC ‘ਚ ਅੱਜ ਹੋ ਸਕਦੀ ਸੁਣਵਾਈ
ਗੁਰਜੀਤ ਕੌਰ ਨੇ ਟੀਮ ‘ਚ ਘੱਟ ਪੰਜਾਬੀ ਖਿਡਾਰਣਾਂ ਅਤੇ ਉਨ੍ਹਾਂ ਦੇ ਪਿੱਛੇ ਰਹਿ ਜਾਣ ਬਾਰੇ ਵੀ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ ਪੰਜਾਬ ਵਿਚ ਕੋਚਿੰਗ, ਮੈਦਾਨ ਅਤੇ ਹੋਸਟਲਾਂ ਦੀ ਕਮੀ ਹੈ। ਇਕ ਜ਼ਿੰਮੇਵਾਰ ਕੋਚ ਦੀ ਬਹੁਤ ਜ਼ਰੂਰਤ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ (Punjab Government) ਨੂੰ ਇਸ ਵੱਲ ਧਿਆਨ ਦੇਣਾ ਚਾਹੀਦਾ ਹੈ, ਨਹੀਂ ਤਾਂ ਅਉਣ ਵਾਲੇ ਸਮੇਂ ‘ਚ ਕੁੜੀਆਂ ਦੀ ਹਾਕੀ ਬਿਲਕੁਲ ਖਤਮ ਹੋ ਜਾਵੇਗੀ।
