ਸੰਯੁਕਤ ਅਰਬ ਅਮੀਰਾਤ ਵਿਚ ਹੋਣ ਵਾਲੇ ਏਸ਼ੀਆ ਕੱਪ ਟੂਰਨਮੈਂਟ ਲਈ ਪਾਕਿਸਤਾਨ ਕ੍ਰਿਕੇਟ ਟੀਮ ਵਿਚ ਸ਼ਾਮਿਲ ਕੀਤੇ ਗਏ, ਹਸਨ ਅਲੀ
ਨਵੀ ਦਿੱਲੀ : ਸੰਯੁਕਤ ਅਰਬ ਅਮੀਰਾਤ ਵਿਚ ਹੋਣ ਵਾਲੇ ਏਸ਼ੀਆ ਕੱਪ ਟੂਰਨਮੈਂਟ ਲਈ ਪਾਕਿਸਤਾਨ ਕ੍ਰਿਕੇਟ ਟੀਮ ਵਿਚ ਸ਼ਾਮਿਲ ਕੀਤੇ ਗਏ, ਹਸਨ ਅਲੀ ਭਾਰਤੀ ਕ੍ਰਿਕੇਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਦਾ ਵਿਕੇਟ ਲੈਣਾ ਚਾਹੁੰਦੇ ਹਨ। ਮੀਡੀਆਂ ਦੇ ਹਵਾਲੇ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਹਸਨ ਨੂੰ ਇਸ ਗੱਲ ਦੀ ਨਿਰਾਸ਼ਾ ਹੈ ਕਿ ਕੋਹਲੀ ਏਸ਼ੀਆ ਕਪ ਵਿਚ ਨਹੀਂ ਖੇਡ ਰਹੇ ਹਨ।
ਧਿਆਨ ਯੋਗ ਹੈ ਕਿ ਏਸ਼ੀਆ ਕਪ ਲਈ ਕੋਹਲੀ ਨੂੰ ਆਰਾਮ ਦਿੱਤਾ ਗਿਆ ਹੈ,ਅਤੇ ਉਨ੍ਹਾਂ ਦੇ ਸਥਾਨ `ਤੇ ਰੋਹਿਤ ਸ਼ਰਮਾ ਨੂੰ ਭਾਰਤੀ ਟੀਮ ਦੀ ਕਮਾਨ ਸੌਂਪੀ ਗਈ ਹੈ। ਤੁਹਾਨੂੰ ਦਸ ਦੇਈਏ ਕਿ ਇਸ ਟੂਰਨਾਮੈਂਟ `ਚ ਭਾਰਤ ਦਾ ਸਾਹਮਣਾ 19 ਸਤੰਬਰ ਨੂੰ ਪਾਕਿਸਤਾਨ ਨਾਲ ਹੋਵੇਗਾ। ਪਿਛਲੇ ਸਾਲ ਚੈਂਪੀਅੰਸ ਟਰਾਫੀ ਦੇ ਫਾਈਨਲ ਵਿਚ ਭਾਰਤ ਨੂੰ ਟੱਕਰ ਦੇਣ ਵਾਲੀ ਪਾਕਿਸਤਾਨ ਟੀਮ ਲਈ ਹਸਨ ਨੇ 3 ਵਿਕੇਟ ਲਏ ਸਨ। ਹਾਲਾਂਕਿ , ਉਹ ਕੋਹਲੀ ਦਾ ਵਿਕੇਟ ਨਹੀਂ ਲੈ ਸਕੇ, ਅਤੇ ਉਨ੍ਹਾਂ ਦੀ ਇਹ ਇੱਛਾ ਏਸ਼ੀਆ ਕਪ ਵਿਚ ਵੀ ਪੂਰੀ ਨਹੀਂ ਹੋ ਸਕੇਗੀ। ਜਿਸ ਕਾਰਨ ਹਸਨ ਥੋੜ੍ਹੇ ਨਿਰਾਸ਼ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਹਸਨ ਨੇ ਕਿਹਾ , ਇੱਕ ਜਵਾਨ ਖਿਡਾਰੀ ਦੇ ਤੌਰ ਉੱਤੇ ਹਰ ਕੋਈ ਕੋਹਲੀ ਦਾ ਵਿਕੇਟ ਲੈਣਾ ਚਾਹੁੰਦਾ ਹੈ। ਉਹਨਾਂ ਨੇ ਕਿਹਾ ਹੈ ਕਿ ਇਹ ਬੜੀ ਨਿਰਾਸ਼ਾਜਨਕ ਗੱਲ ਹੈ ਕਿ ਏਸ਼ੀਆ ਕਪ ਵਿਚ ਕੋਹਲੀ ਨਹੀਂ ਖੇਡ ਰਹੇ ਹਨ। ਨਾਲ ਹੀ ਉਹਨਾਂ ਦਾ ਇਹ ਵੀ ਕਿਹਾ ਹੈ ਕਿ ਅਗਲੇ ਮੁਕਾਬਲਿਆਂ `ਚ ਕੋਹਲੀ ਦੀ ਵਿਕਟ ਲੈਣ ਲਈ ਜਰੂਰ ਕੋਸ਼ਿਸ਼ ਕਰਾਂਗਾ। ਨਾਲ ਹੀ ਹਸਨ ਨੇ ਕਿਹਾ , ਕੋਹਲੀ ਇਕ ਬੇਹੱਦ ਚੰਗੇ ਖਿਡਾਰੀ ਹਨ। ਹਰ ਕੋਈ ਜਾਣਦਾ ਹੈ ਕਿ ਉਹ ਮੈਚ ਦੇ ਜੇਤੂ ਹਨ। ਉਨ੍ਹਾਂ ਦੀ ਅਨੁਪਸਥਿਤੀ ਦੇ ਬਾਵਜੂਦ ਭਾਰਤ ਇੱਕ ਚੰਗੀ ਟੀਮ ਹੈ।
ਇਸ ਵਿਚ ਕਈ ਚੰਗੇ ਖਿਡਾਰੀ ਸ਼ਾਮਿਲ ਹਨ। ਸਾਡੇ ਲਈ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਜਿਸ ਤਰ੍ਹਾਂ ਕੋਹਲੀ ਦਬਾਅ ਨੂੰ ਸੰਭਾਲਦੇ ਹਨ ਉਹੋ ਜਿਹਾ ਉਨ੍ਹਾਂ ਦੇ ਸਥਾਨ `ਤੇ ਆਉਣ ਵਾਲਾ ਕੋਈ ਹੋਰ ਖਿਡਾਰੀ ਨਹੀਂ ਕਰ ਸਕਦਾ। ਨਾਲ ਹੀ ਉਹਨਾਂ ਨੇ ਦਸਿਆ ਕਿ ਕੋਹਲੀ ਹਮੇਸ਼ਾ ਹੀ ਆਪਣੇ ਖੇਡ ਨੂੰ ਦਿਮਾਗ ਨਾਲ ਖੇਡ ਦਾ ਹੈ। ਅਤੇ ਹਮੇਸ਼ਾ ਹੀ ਚੰਗਾ ਪ੍ਰਦਰਸ਼ਨ ਕਰਕੇ ਆਪਣੀ ਟੀਮ ਨੂੰ ਜਿੱਤ ਹਾਸਿਲ ਕਰਵਾਉਂਦੇ ਹਨ।