ਅਪਣੀ ਬੱਲੇਬਾਜ਼ੀ ਨਾਲ ਪੂਰੀ ਦੁਨੀਆ 'ਚ ਨਾਮ ਕਮਾਉਣ ਵਾਲੇ ਸਚਿਨ ਤੇਂਦੁਲਕਰ ਅਪਣੇ ਬੇਟੇ 'ਚ ਵੀ ਮਹਾਨ ਖਿਡਾਰੀ ਬਣਾਉਣਾ ਚਾਹੁੰਦੇ ਹਨ
ਅਪਣੀ ਬੱਲੇਬਾਜ਼ੀ ਨਾਲ ਪੂਰੀ ਦੁਨੀਆ 'ਚ ਨਾਮ ਕਮਾਉਣ ਵਾਲੇ ਸਚਿਨ ਤੇਂਦੁਲਕਰ ਅਪਣੇ ਬੇਟੇ 'ਚ ਵੀ ਮਹਾਨ ਖਿਡਾਰੀ ਬਣਾਉਣਾ ਚਾਹੁੰਦੇ ਹਨ ਅਤੇ ਉਸ ਦੇ ਸਫ਼ਰ ਦੀ ਸ਼ੁਰੂਆਤ ਉਸ ਨੂੰ ਸ੍ਰੀਲੰਕਾ ਦੌਰੇ ਲਈ ਭਾਰਤੀ ਅੰਡਰ-19 ਟੀਮ ਦੀ ਮਿਲੀ ਜਗ੍ਹਾ ਨਾਲ ਹੋ ਚੁਕੀ ਹੈ। ਇਸ ਦੌਰੇ 'ਤੇ ਭਾਰਤੀ ਟੀਮ 2 ਚਾਰ ਦਿਨਾ ਮੈਚ ਅਤੇ 5 ਇਕ ਦਿਨਾ ਮੈਚ ਖੇਡੇਗੀ।
Arjuna Tendulkar18 ਸਾਲ ਦੇ ਅਰਜੁਨ ਤੇਂਦੁਲਕਰ ਨੂੰ ਅਗਲੇ ਮਹੀਨੇ ਦੋ ਚਾਰ ਦਿਨਾ ਮੈਚਾਂ 'ਚ ਖੇਡਣ ਦਾ ਮੌਕਾ ਮਿਲ ਸਕਦਾ ਹੈ। ਹਾਲਾਂ ਕਿ ਉਸ ਨੂੰ ਪੰਜ ਮੈਚਾਂ ਦੀ ਇਕ ਦਿਨਾ ਲੜੀ ਲਈ ਮੌਕਾ ਨਹੀਂ ਮਿਲਿਆ। ਅੰਡਰ-19 ਭਾਰਤੀ ਟੀਮ ਦੀ ਚੋਣ ਆਸ਼ੀਸ਼ ਕਪੂਰ, ਗਿਆਨੇਂਦਰ ਪਾਂਡੇ ਅਤੇ ਰਾਕੇਸ਼ ਪਾਰਿਖ ਕਰਦੇ ਹਨ। ਭਾਰਤੀ ਅੰਡਰ-19 ਟੀਮ ਅਗਲੇ ਮਹੀਨੇ ਸ਼੍ਰੀਲੰਕਾ ਦੌਰੇ 'ਤੇ ਜਾਵੇਗੀ ਅਤੇ ਚਾਰ ਦਿਨਾ ਮੈਚਾਂ ਲਈ ਟੀਮ ਦੀ ਕਮਾਨ ਦਿੱਲੀ ਦੇ ਵਿਕਟ ਕੀਪਰ ਬੱਲੇਬਾਜ ਅਰਜੁਨ ਰਾਵਤ ਨੂੰ ਸੌਂਪੀ ਗਈ ਹੈ।
Arjuna Tendulkarਉਸ ਨੇ 2016-17 'ਚ ਦਿੱਲੀ ਲਈ ਅਕਤੂਬਰ 'ਚ ਰਣਜੀ ਟਰਾਫ਼ੀ ਮੁਕਾਬਲੇ ਤੋਂ ਪਹਿਲੀ ਸ੍ਰੇਣੀ ਕ੍ਰਿਕਟ 'ਚ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਪਹਿਲਾਂ ਉਹ 2017 'ਚ ਹੋਏ ਅੰਡਰ-19 ਏਸ਼ੀਆ ਕੱਪ ਲਈ ਚੁਣਿਆ ਗਿਆ ਸੀ। ਇਕ ਦਿਨਾ ਟੀਮ ਦੀ ਕਪਤਾਨੀ ਆਰਿਅਨ ਜੁਯਲ ਨੂੰ ਦਿਤੀ ਗਈ ਹੈ। ਉਸ ਨੇ ਵਿਜੇ ਹਜ਼ਾਰੇ ਟਰਾਫ਼ੀ 'ਚ ਉਤਰ ਪ੍ਰਦੇਸ਼ ਲਈ ਅਪਣੀ ਸ਼ੁਰੂਆਤ ਕੀਤੀ ਸੀ।
