![England wins first Cricket World Cup after all-time classic England wins first Cricket World Cup after all-time classic](/cover/prev/3ml85g4ucqt75aur2il9c98911-20190715190503.Medi.jpeg)
44 ਸਾਲ ਦਾ ਸੋਕਾ ਖ਼ਤਮ ਕਰਦਿਆਂ ਇੰਗਲੈਂਡ ਬਣਿਆ ਕ੍ਰਿਕਟ ਵਿਸ਼ਵ ਕੱਪ ਚੈਂਪੀਅਨ
ਲੰਡਨ : ਕ੍ਰਿਕਟ ਵਿਸ਼ਵ ਕੱਪ ਵਿਚ ਇੰਗਲੈਂਡ ਨੇ ਨਿਊਜ਼ੀਲੈਂਡ ਨੂੰ ਹਰਾ ਕੇ ਖ਼ਿਤਾਬ ਅਪਣੇ ਨਾਂ ਕੀਤਾ, ਭਾਵੇਂਕਿ ਨਿਊਜ਼ੀਲੈਂਡ ਹਰ ਕਦਮ 'ਤੇ ਇੰਗਲੈਂਡ ਦੇ ਬਰਾਬਰ ਰਿਹਾ। ਰੋਮਾਂਚਕ ਮੈਚ ਵਿਚ ਦੋਹਾਂ ਟੀਮਾਂ ਦੇ ਦੌੜਾਂ ਦੇ ਟੀਚੇ ਬਰਾਬਰ ਰਹੇ ਜਿਸ ਨਾਲ ਮੈਚ ਡਰਾ ਰਿਹਾ ਤੇ ਦੁਬਾਰਾ ਖ਼ਿਤਾਬ ਦਾ ਫ਼ੈਸਲਾ ਕਰਨ ਲਈ ਦੋਹਾਂ ਟੀਮਾਂ ਵਿਚਾਲੇ ਸੁਪਰ ਓਵਰ ਖੇਡਿਆ ਗਿਆ ਤੇ ਉਹ ਵੀ ਡਰਾ ਰਿਹਾ।
England wins first Cricket World Cup after all-time classic
ਇਸ ਤੋਂ ਬਾਅਦ ਚੌਕਿਆਂ ਤੇ ਛੱਕਿਆਂ ਦੀ ਗਿਣਤੀ ਦੇ ਆਧਾਰ 'ਤੇ ਕੀਤੇ ਫ਼ੈਸਲੇ ਵਿਚ ਇੰਗਲੈਂਡ ਨੂੰ ਜੇਤੂ ਐਲਾਨ ਦਿਤਾ ਗਿਆ। ਦੋਵੇਂ ਟੀਮਾਂ ਕਿਸੇ ਵੀ ਪੱਖੋਂ ਇਕ ਦੂਜੇ ਤੋਂ ਕਿਸੇ ਵੀ ਪੜਾਅ 'ਤੇ ਘੱਟ ਨਜ਼ਰ ਨਹੀਂ ਆਈਆਂ। ਫ਼ਾਈਨਲ ਵਿਚ ਨਾਬਾਦ 84 ਦੌੜਾਂ ਬਣਾ ਕੇ ਮੈਨ ਆਫ਼ ਦਾ ਮੈਚ ਰਹੇ ਸਟੋਕਸ ਨੇ ਸੁਪਰ ਓਵਰ ਵਿਚ ਜੋਂਸ ਬਟਲਰ ਨਾਲ 15 ਦੌੜਾਂ ਬਣਾਈਆਂ। ਨਿਊਜ਼ੀਲੈਂਡ ਨੇ ਵੀ ਸੁਪਰ ਓਵਰ ਵਿਚ 15 ਦੌੜਾਂ ਬਣਾਈਆਂ ਪਰ ਜ਼ਿਆਦਾ ਚੌਕੇ ਛੱਕੇ ਮਾਰਨ ਕਾਰਨ ਇੰਗਲੈਂਡ ਜੇਤੂ ਰਿਹਾ।
England wins first Cricket World Cup after all-time classic
ਨਿਊਜ਼ੀਲੈਂਡ ਦੇ ਕਪਤਾਨ ਕੇਨ ਵਿਲੀਅਮਸਨ ਨੂੰ ਕ੍ਰਿਕਟ ਵਿਸ਼ਵ ਕੱਪ 2019 ਦਾ 'ਪਲੇਅਰ ਆਫ਼ ਦਾ ਟੂਰਨਾਮੈਂਟ' ਚੁਣਿਆ ਗਿਆ। ਉਸ ਨੇ 10 ਮੈਚਾਂ ਵਿਚ 82.57 ਦੀ ਔਸਤ ਨਾਲ 578 ਦੌੜਾਂ ਬਣਾਈਆਂ। ਕੀਵੀ ਕਪਤਾਨ ਨੇ 2 ਸੈਂਕੜੇ ਅਤੇ 5 ਅਰਧ ਸੈਂਕੜੇ ਲਗਾਏ। ਉਹ ਟੂਰਨਾਮੈਂਟ ਵਿਚ 2 ਵਾਰ ਮੈਨ ਆਫ਼ ਦਿ ਮੈਚ ਵੀ ਚੁਣੇ ਗਏ।
England wins first Cricket World Cup after all-time classic
ਸਾਬਕਾ ਖਿਡਾਰੀਆਂ ਨੇ ਬਾਊਂਡਰੀਆਂ ਗਿਣਨ ਦੇ ਨਿਯਮ ਨੂੰ ਕਿਹਾ 'ਹਾਸੋਹੀਣਾ' :
ਭਾਰਤੀ ਖਿਡਾਰੀਆਂ ਸਹਿਤ ਸਾਬਕਾ ਖਿਡਾਰੀਆਂ ਨੇ ਚੌਕੇ ਛੱਕੇ ਗਿਣ ਕੇ ਵਿਸ਼ਵ ਕੱਪ ਜੇਤੂ ਦਾ ਫ਼ੈਸਲਾ ਕਰਨ ਵਾਲੇ ਆਈਸੀਸੀ ਦੇ 'ਹਾਸੋਹੀਣੇ' ਨਿਯਮ ਦੀ ਰੱਜ ਕੇ ਆਲੋਚਨਾ ਕੀਤਾ। ਇੰਗਲੈਂਡ ਨੇ ਮੈਚ ਵਿਚ 22 ਚੌਕੇ ਅਤੇ ਦੋ ਛੱਕੇ ਲਗਾਏ ਜਦੋਂਕਿ ਨਿਊਜ਼ੀਲੈਂਡ ਨੇ 16 ਚੌਕੇ ਲਗਾਏ।
Don't understand how the game of such proportions, the #CWC19Final, is finally decided on who scored the most boundaries. A ridiculous rule @ICC. Should have been a tie. I want to congratulate both @BLACKCAPS & @englandcricket on playing out a nail biting Final. Both winners imo.
— Gautam Gambhir (@GautamGambhir) 14 July 2019
ਸਮਝ ਨਹੀਂ ਆਉਂਦਾ ਕਿ ਵਿਸ਼ਵ ਕੱਪ ਫ਼ਾਈਨ ਵਰਗੇ ਮੈਚ ਦੇ ਜੇਤੂ ਦਾ ਫ਼ੈਸਲਾ ਚੌਕੇ ਛੱਕੇ ਦੇ ਆਧਾਰ 'ਤੇ ਕਿਵੇਂ ਹੋ ਸਕਦਾ ਹੈ। ਹਾਸੋਹੀਣਾਂ ਨਿਯਮ।
- ਗੌਤਮ ਗੰਭੀਰ
I don’t agree with that rule ! But rules are rules congratulations to England on finally winning the World Cup , my heart goes out for the kiwis they fought till the end ?. Great game an epic final !!!! #CWC19Final
— yuvraj singh (@YUVSTRONG12) 14 July 2019
ਮੈਂ ਨਿਯਮ ਨਾਲ ਸਹਿਮਤ ਨਹੀਂ ਹਾਂ ਪਰ ਨਿਯਮ ਤਾਂ ਨਿਯਮ ਹੈ। ਇੰਗਲੈਂਡ ਨੂੰ ਆਖ਼ਰਕਾਰ ਵਿਸ਼ਵ ਕੱਪ ਜਿਤਣ 'ਤੇ ਵਧਾਈ। ਮੈਂ ਨਿਊਜ਼ੀਲੈਂਡ ਲਈ ਦੁਖੀ ਹਾਂ। ਸ਼ਾਨਦਾਰ ਫ਼ਾਈਨਲ
- ਯੁਵਰਾਜ ਸਿੰਘ
The DL system is actually based on runs and wickets lost... yet the Final result is only based on Boundaries hit? Not fair in my opinion. Must have been great to watch!
— Dean Jones (@ProfDeano) 14 July 2019
ਡਕਵਰਥ ਲੋਈਸ ਪ੍ਰਣਾਲੀ ਦੌੜਾਂ ਤੇ ਵਿਕਟਾਂ 'ਤੇ ਨਿਰਭਰ ਹੈ। ਇਸ ਦੇ ਬਾਵਜੂਦ ਫ਼ਾਈਨਲ ਸਿਰਫ਼ ਚੌਕਿਆਂ ਛੱਕਿਆਂ ਨੂੰ ਆਧਾਰ ਮਨਿਆ ਗਿਆ। ਮੇਰੀ ਰਾਏ ਵਿਚ ਇਹ ਗ਼ਲਤ ਹੈ
- ਡੀਨ ਜੋਂਸ ਸਾਬਕਾ ਆਸਟਰੇਲੀਆਈ ਖਿਡਾਰੀ
Oh man cricket can be cruel but that one will take some getting over - count back on boundaries hit #really!? @BLACKCAPS you guys did us proud - hold your heads high - we are all hurting with you.
— Dion J Nash (@dionjnash) 14 July 2019
ਮੈਨੂੰ ਲਗਦਾ ਹੈ ਕਿ ਸਾਡੇ ਨਾਲ ਧੋਖਾ ਹੋਇਆ ਹੈ। ਇਹ ਬਕਵਾਸ ਹੈ। ਸਿੱਕੇ ਦੇ ਉਛਾਲ ਦੀ ਤਰ੍ਹਾਂ ਫ਼ੈਸਲਾ ਨਹੀਂ ਹੋ ਸਕਦਾ। ਨਿਯਮ ਹਾਲਾਂਕਿ ਪਹਿਲਾਂ ਤੋਂ ਬਣਿਆ ਹੋਇਆ ਹੈ ਤਾਂ ਸ਼ਿਕਾਇਤ ਦਾ ਕੋਈ ਫ਼ਾਇਦਾ ਨਹੀਂ।
- ਡਿਓਨ ਨੈਸ਼ ਸਾਬਕਾ ਨਿਊਜ਼ੀਲੈਂਡ ਖਿਡਾਰੀ
Nice work @ICC ... you are a joke!!!
— Scott Styris (@scottbstyris) 14 July 2019
ਨਿਊਜ਼ੀਲੈਂਡ ਦੇ ਸਾਬਕਾ ਹਰਫ਼ਨਮੌਲਾ ਸਕਾਟ ਸਟਾਇਰਸ ਨੇ ਕਿਹਾ, ''ਸ਼ਾਨਦਾਰ ਕੰਮ ਆਈਸੀਸੀ। ਤੁਸੀ ਇਕ ਲਤੀਫ਼ਾ ਹੋ।''
Queen Elizabeth
ਮਹਾਰਾਣੀ ਨੇ ਇੰਗਲੈਂਡ ਟੀਮ ਨੂੰ ਦਿਤੀ ਵਧਾਈ :
ਇੰਗਲੈਂਡ ਦੀ ਮਹਾਰਾਣੀ ਨੇ ਨਿਊਜ਼ੀਲੈਂਡ ਨੂੰ ਹਰਾ ਕੇ ਵਿਸ਼ਵ ਕੱਪ ਜਿੱਤਣ ਵਾਲੀ ਅਪਣੇ ਦੇਸ਼ ਦੀ ਟੀਮ ਨੂੰ ਵਧਾਈ ਦਿਤੀ। ਉਨ੍ਹਾਂ ਕਿਹਾ, ''ਪ੍ਰਿੰ ਫ਼ਿਲੀਪ ਅਤੇ ਮੈਂ ਇੰਗਲੈਂਡ ਪੁਰਸ਼ ਕ੍ਰਿਕਟ ਟੀਮ ਨੂੰ ਵਿਸ਼ਵ ਕੱਪ ਜਿੱਤਣ 'ਤੇ ਵਧਾਈ ਦਿੰਦੀ ਹਾਂ। ਮੈਂ ਉੱਪ ਜੇਤੂ ਨਿਊਜ਼ੀਲੈਂਡ ਟੀਮ ਨੂੰ ਵੀ ਵਧਾਈ ਦਿੰਦੀ ਹਾਂ ਜਿਸ ਨੇ ਪੂਰੇ ਟੂਰਨਾਮੈਂਟ ਵਿਚ ਅਤੇ ਫ਼ਾਈਨਲ ਵਿਚ ਇਨਾ ਚੰਗਾ ਪ੍ਰਦਰਸ਼ਨ ਕੀਤਾ।